احلى مكياج حطتيه الصراحه عند مدام بريجيت المارينا بس الصراحه اخر مره ماعجبني حيل كريم الاساس بس جد اهي بروفيشنال بالمكياج بس اسعارها نارررررررر وعندهم وحده اسمها ليلى مكياجها بعد حلو حيل اما صالون لارين بيوتي استغفر الله ماافكر اروح له مره ثانيه نهائيا سوا عند غدير او ليلى ماعجبوني على فكره انا احب الستايل الناعم الذرب اللبناني بس كان عندهم وحده لللشعر اسمها نور لبنانيه عجيبه للتسريحات مكياج حنان دشتي بستكي الصراحه ماعجبني احسه عادددي ممممممم اذا تذكرت بعد برجع لكم
انا صراحة زبونة صالون عروس الكويت لأنه شغله صراحه حلو وايد ومكياجهم روعه واسعاره مناسبة حيل وانا من كثر ماعجبني ديكوره صورته ههههه فضاوه وانشالله احطلكم الصور برد ثاني
صالون عروس الكويت للسيدات ت : 66564343 (أم عبدالله) -- 22612005 العنوان : حولي - شارع زرقاء اليمامة - خلف مسجد العثمان مباشرة وخلف مجمع الأيوب - برج هدى الدور الأول
صـــالون شوبارد وبــــــــــــــــــــــــس روووووووووووووووووووووووووووووووووووووووووووووووووعه الي يسوون المكياج هم ثنتين وحده اسمها ايمان والثانيه اسمها وعد وطبعا التساريح ولا اروووووع والله يا بنات روحو له وادعولي بس اعولي راح ينهبلون الناس الي باعرس من كثر ما المكياج روعه وعنوانهم حولي بجانب مكتبة العجيري
صراحه انا جربت صالون لمسة فن اللي بالرقعي عند وحده فلبينيه اسمها ليلي رووووعه واحلي ما فيهم كريم الاساس ما يقطع او يبقع مثل الصالونات الثانيه .....
انا عن نفسي ما ارتحت الا على مكياج مس اوبرا وايد حلو مكياجهم عندج الفلبينية والله نسيت اسمها مكياجها وااااااااااااااااااو (المصرية تلطخ وايد ) اسعارهم 20 مكياج ناعم /25 مكياج وسط / 30مكياج كثير رقم تلفونهم 25330321 اما عن التساريح صالون الشرقية حلو اللي في خيطان عند المغربية اسمها حنان
بالنسبة لقصات الشعر صالون لايف بحولي أما المكياج و التسريحات لمسة فن عند الفلبينية ايميني ما ادري ايميلي المهم شي جذي و مشكورين صراحة موضوع حلو بس بليز أبي صالون يضبطون الحواجب عدل أقصد التاتو المؤقت:wink_smile:
بالنسبه لي شخصيا جربت صالونات متنوعه وماعجبوني بالمرهـ اللي تغير ملامحج للاسوء طبعا واللي مكياجها عين غير وعين غير والحواجب يغيرون شكلها.. وكانهم حاطين لج جبس .. واقعد انا ارقع فيه انا عندي خبرة بالمكياج... لحد ماجربت صالون لمسة فن بالرقعي عند مدام رشا والله يابنات روعه روعه روعه.. اولا النفسيه قمه بالادب وتسالج اذا تبين فخم والا ناعم وكريماتهم صج ماركه واصليه غير المثبتات لو انج بعز الصيف مايتلخبط على قد ماتمسحين يعني ثابت.. ولا تساريحهم قمه وغريبه... وتحسين انهم صج خبيرات مو اي كلام..والله ولا بعد وزوجي ينجن لي رحت لهم يكرههم لانهم يطلعون جمالي بشكل راقي>>>>و لانه يغار>> علي ويخاف علي هههههههه .. ومن 2004 بعرس اخواني 2 اسم الله عليهم وانا اتعامل وياهم انا وخواتي وكل ساع تطلعني بنيو لوك.. لدرجة لما تزوجوا خواتي ثنتين توهم ما شاء الله بشهر 4/ 2009 وديتهم لمدام>> رشا... وشعرهم مدام >>جان قلت ما اثق الا فيهم... والله شقول لكم الكل انجن عليهم.. ولا كانو كلهم يعاتبون>>>> ليش ما تودونهم فندق؟؟؟ ولما شافوهم انصدموا..و كل المخطوبات بيحجزون عندهم ومنهم بنت عمي.. والله يابنات حتى روحي قبل المناسبه وشوفي شغل مدام رشا عالعرايس ومدام جان عالتساريح.. واسعارهم مكياج مدام رشا 45 دينار والشعر 30 تسريحه روعه او على حسب اكثر شيء 45 بس انا خذيت خدمة استقبال كامل كامل كامل ب100 دينار قمه والله العظيم ويعاملونج كنج عروس وغرفه بروحج خدمة vip... والعرايس على حسب عندهم عروض متنوعه عليهم يعني حمامات وشيرة ومسائية واستقبال كله ب350 دينار لكل عروس.. على ما اذكر وخواتي اخذت لهم كامل من غير الحمامات والشيره.... ب 300 او 250 تقربا يعني 3 ايام مكياج>>> العرس +المسائية+الاستقبال.... وترا عندهم كذا فرع طبعا وقمة الفخامة والنظافة ... وهم عندهم مدام >>>إيملي اختصاص للعرايس بعد بس انا ارتاح لمدام رشا وعنوانهم بالرقعي فرع مدام رشا رقم تلفونهم>>> 24991716 عندهم موظفة استقبال قمة الاخلاق اسمها غنيمه ... والله انصحكم فيه جربووووووووه سامحوني طولت عليكم بغيت افيدكم والله...
انا عن نفسي صالون حنان دشتي البستكي مو عند أي وحدة المكياج عند أمل >> فنانة شوي عليها الشعر عند زينب >> فنانتين هم شوي عليها اطلع أحلى وحدة بالحفلة والله وبخاطري أجرب لمسة فن >> يمدحونه !! عاد انا مايعجبني اي شي لأني أصلا رسامة .. وهم بخاطري أجرب عبير الياسين و1000 شكر لصاحبة الموضوع ع الطرح الهادف
تكفون اللي شارية عمرها لاتروح كل ديور نفسهم اللي كانوا بصالون وردة الجابرية أرف ورب الكعبة مع احترامي لصاحبة الرد وفاطمة تكفون ايرانية شايفة روحها مادري على شنو ياريت بعد فنانة وتشوف روحها حطت لي مكياج مرة لو تشوفون الألوان تييب الطاعون !! قامت صاحبة الصالون شرشحتها جدامي وأصلا أول ماشفت روحي رحت لها اهي بس شافتني قالتلي روحي غسلي ويهج !!! أصلا لو رحتوا شفتوا شغلهم تحسون انه بوطقة .. الا بوطقتين !!! وشخباري هالصالونات اللي من سنة يدي اللي راح ولا رد خخخ هذي نصيحتي لكم
بنات ,, مرات الوحدة عيونها حلوة أو اهي حليوة وأي مكياج يضبط عليها أو مثلا صدفة ,,, تحط عند وحدة ويطلع حلو أو مثلا ماتعرف عدل بالمكياج بنات الله يخليكم انا مجربه حنان دشتي من زمان حياة بالذات قمة الفشل والضياع وكل ما اشوف وحدة بالصالون مكياجها حلو أو لوعة أسألها شوفوا اللي حياة حاطة لهم وقارنوا ولا تحطون عمياني مجرد انه وحدة من البنات قالت فلانة مكياجها حلو !!!
جربي أمل حنان دشتي فنانة عرايس ,, روحي بالويك اند وتطمشي ع العرايس وحدة أحلى من الثانية وانا عروس عندها بملجتي عندها عرس اختي عندها وأخيرا عرس بنت عمي عندها طلعتني فلقة قمر بدون مبالغة والشعر مالج الا زينب ايرانية اصلا امل وزينب دويتو كل العرايس عندهم روحي شوفي الشغل وقولي ام علي قالت ,, وحدة كانت معاي بالصالون يوم عرسي هم اهي عروس امبيه والله تلوع الجبد ويهها ضعيـــــــــف مافيه خدود وكله مقظظ -استغفر الله- حطت لها الوان يوم شفتهم بالبداية اخترعت وقلت لو طلعت البنت بقول حق امل مو تحطيلي مثل الوانها المهم يوم خلصتها وطلعت البنية استخفيت عليها اشلون هالجيكرة صارت قمر ؟؟!!!! هذا اسمه فن وابداع ^_^
معلش حبيباتي ممكن تفيدوني عن وحده اسمها ام عبدالعزيز الشمري تحط مكياج يمدحوووونه حيل فياريت رقمها من اللي تعرفه والله للاهميه
انا اول كنت احط عند لمسة فن ليما طحت على صالون بنت الوادي ب10 مكياج واستشوار وكريم اساس حده روعه ورخيص:wink_smile:
والله وايد اسامي اول مره اسمع فيها انا دايما احط مكياجي عند الشرقيه الي بخيطان عند ليلى الايرانيه او ايستي هم ايرانيه والتساريح عند وحده لبنانيه ماعرف اسمها
احلى مكياج هااي انا كروزه واول مرة اشارك بصراحة احلى مكياج ميرفت اللي بساس النخيل روعة وفنانه تطلعج اصغر من عمرج
