صباح الخير حبيباتي أنا حابه أنقل لكم تجربتي مع السمنه صار عندنا حفلة وتحدد يوم 20-5-2009 موعد لها وكان وزني ساعتها 80 كيلو وأقسمت أني راح أنزل وزني هذا وبديت رحلة التخسيس .... إشتركت في مركز لتوصيل الغذاء الصحي وعندنا بالكويت وايد مراكز مثل الدايت سنتر والدايت كير وصاروا يوصلون لي الأكل يوميا 5وجبات بسعرات حرارية مخفضة وصرت أمشي يوميا ساعة كامله واشتركت في مركز للمساج كلهم صينيات موصج يابنات المساج أول شي يعور بصراحه بس بعدين جسمج راح يكون وايد وايد وايد غير ,,,,,,,,,,,,,,,, المهم صار شكلي وايد غير يوم الحفلة خصر وجسم مشدود ... وطبعا إستمريت على هذا المنوال إلى هذه اللحظه اللي أكتب فيها الموضوع لأن الأسبوع الجاي عندنا عرس وطبعا وزني وايد نزل وجسمي صار الحمدلله رائع بشهادة الجميع ... أنا ألحين وزني 68 ...... الحمدلله طبعا أنا نزلت بهالشكل من تاريخ 11-3-2009 إلى هذه اللحظه وانا مستمرة في الدايت والمساج والمشي .......... حبيباتي أنقل لكم تجربتي للإستفادة فقط ولا أبي شي ثاني الحمدلله ودي نكون كلنا إحنا الكويتيات والخليجيات شعب حضاري راقي وصحي مايكون همنا الوحيد بدنيا الأكل والنوم وبالإضافة لذلك عشان نملي عيون رياييلنا ومايطالعون برا............... لكم مني كل حب وأي إستفسار أنا حاضرة للإجابة ...
مبروووك على خسارة الوزن والله يثبته لج بالعافيه وما يزيد تقريبا نفس تجربتي للحين ما وصلت الوزن المطلوب بس فيه تقدم واضح من ولادتي من سنه ونص للحين كان 88 والحين 78 والوزن المثالي اللي بوصل له 70 وانشالله بيتحقق عن قريب احسن شي ان الوحده تنزل ببطأ على شان ما تزيد بسرعه وهذي تجربتي
مبروكه الغاليه على خسارة الوزن و إن شاء الله تحافظين على هالوزن بس بغيت أسألج هالمراكز ألي ذكرتيهم موجوده فالإمارات؟؟؟
أشكر الجميع على هذا المرور الجميل ............. بصراحة أنا ماعندي فكرة عن وجود هذه المراكز في الدول بس اللي ذكرته جدا بسيط واكيد موجود عندكم بالإمارات
لو سمحتي طرشي لي ارقام مراكز الدايت الي كنتي اتعاملين معاهم وعلميني بالضبط شنو كنتي تطلبين وابي رقم وحدة تسوي مساج تخسيس مضمونة ومشكورة ارجو الرد عالخاص ضرووووووووووووووووووووووووووووووووووووووووووووووووووووووووووووووووووووري
:thumbs_up:عليج بالعافيه الوزن اللي وصلتي له بس حبيت احذرج بنت خالتي قبل عرسها سوت مساج تخسيس ونزل وزنها حييييل موشويه بعد العرس وقفت المساج تبي الحمال والله العظيم ردت دبل ماكانت عليه نصيحه لا تغلطين غلطتها خليج مستمره وباعدي بين الفترات لما توصلين للوزن اللي تبينه
حبيبتي كيف طريقة المساج وفي كم يوم بينت معك نتيجة المساج؟؟ وش جنسية اللي تسوي المساج والف مبروك لك وان شاءالله انتم السابقون ونحن الآحقون تحيتي
حبيبتي جم ياخذون منج بالشهر؟؟؟؟ بعدين اعتمدتي بس عليهم؟؟ يعني قطعتي شغلات معينه؟ انا ما اقدر استغني عن الكابتشينو والنسكافيه
السلام عليكم ياليت ياختي تحطين الارقام على الخاص عشان الكل يستفيد وماشاء الله وتبارك الله على نزول الوزن وماشاء عليج قلبج ابيض وتحبين الخير عشان جذي كتبتي تجربتج والله يوفقج
السلام عليكم اشلونكم بنات عن تجربه انا سويت مساج تخسيس يعور عند فيلا روزي صج خواتي يقولون ضعفتي وصار جسمي حلو وبين الخصر بس بعد شهرونص والله يا بنات رد بزياده الزنود اكبر من قبل و الجسم بزيادة .
مبروك عليج النزول وانشالله تثبتينه وياريت رقم الدايت سنتر وابي رقم اللي سوولج مساج صيني علي الخاص وماقلتي اشلون اكلهم حلو ولا لأ؟؟
