اول شيء السلام عليكم اشلونكم يالحلوات بنات انا انصدمت كنت اتصفح موقع اماراتي والا انصدم ان في وحده قاعدة تعرض دراريع العربيد في دراعة انا فصلتها من شهرين 13 دينار واهي تبيعها ب 500 درهم او600 نسيت المبلغ ؟؟ اللي تعرف تقولي وشنو تنصحوني اسكت والا اتكلم والا شنو وربي ماحب الغش والجذب على الاوادم
دلع يالغلا مشكورة على مرورج توني قاعدة الكم رفيجتي تقولي 500 على 50 او 60 كويتي وربي حرام نفس دراعتي موجودة انا فصلتها على 13 كويتي واهي تبيعها على 50 بالله مو حرام لو اهي تعبانة عليهم ومسويتهم مالومها بس تروح للعربيد وتخيط جاهز وتدبل حرااااااااااااام على اساس مايعرفون وقاصة عليهن وتقول جديد واللي حاطتهم من سنة جدي حيييييييل قديمات
أختي حسبيها وكانج تاجرة يعني القيمة الاصلية + الربح + قيمة الشحن للامارات لكن من 13 دينار إلى 50و60 قوية 3 حبات لكن قطع الأعناق ولا قطع الأرزاق
السلام عليكم أنا قبل فترة لقيت بواحد من المنتديات وحده تبيع إكسسوارات وبنات والله العظيم إني شارية نفس القلاده من الركن اللي كان بأرض المعارض يبيع الإكسسوارات على 500 فلس وإهي تبيعها على 4 دنانير مت من القهر وقلت والله حرام بعدين حسبتها إهي ما نصبت ولا قالت بضاعه من برى ولا تقليد ماركه يمكن جد تترزق الله وبعدين هاذي البنت تلاقينها تعبانه عليهم بالروحه والرده وشغلات العربيد غريبه عليهم هناك بالإمارات وحتى لو تكلمتي بتقعد تدعي عليج ليت تروح حرتها وإنتي تعرفينا يالحريم حرتنا ما تروح أنا من رأيي تنسين الموضوع أحسن لج لأنها ما راح تاخذ شي من مخباج ومشكوره ويعطيج ألف عافية على ظميرج الصاحي واللي قلييييل ما نلاقيه بالزمن هاذا
ههههههههههههه جت عليهاا اصلا احنا المشااغل قاااصين علينا لما قاالوا بس موديلات مبيووقه من مجلات قديمه ووخاام رخيص والاسعار انتوا ادرى ماكو درااعه ب 50 اصلا اللي بخمسين مالات بيت ههههههههههههه بس والله ما يشتري منهم الا اللي ماعنده عقل توه اختي راايح تشتري خام ولقت راعية المشغل اللي تشتري منه هذيج مااتبي الا فرقاا اختي واذا رحتيلها اسعارها نار والسبب والله ياقلبي الخام من فرنسا ههههههههههههه جذب اب جذب واحنا ما نصدق على الله
كلمتج تعور القلب قطع الاعناق ولا قطع الارزاق تدرين طرشت لها سؤال بجم الدراعة بالكويتي ماردت علي وطنشتني وردت على اللي بعدي
هلا وغلا ام عبود يالغلا الشحن على حساب اللي تطلب بس الفكره اختي الدبل بالاسعار ...... ياحرام عشان انهن اماراتيات بتقص عليهن انا اتحداها اذا نزلت هالموضوع بالمنتدى هذا او باي منتدى كويتي اخر وياليتها اهي اللي فاره ولافه على الاسوقه شغل العربيد وقديم
