السلام عليكم حبايبي الحلوين بطلب منكم طلب اتمنى القاه عندكم و هو البهارات الكويتيه القديمه واللي يسلمكم اللى تعرف او تسأل وحده كبيره بالسن يمكن تتذكر وتقول لها والله مشتهيه وصفات كويتيه قديمه فيها ذيك البهارات الحلوه يلاه شدوا حيلكم تعرفون رمضان قريب وكل شى قديم احبه اتمنى لكم التوفيق اختكم ام خلود
قديمة كلش يعني على زمن يداتنا ماعرف -بس اعرف خلطة حلوة انا استخدها في طبخي يمكن تفيدج واهي : كمون-حبة حلوة-كزبرة-شوي دارسين وشوي قرفة وفلفل اسود وشوي كركم اتمنى اني فيدتج*
1 كوب فلفل أسود .... 1\4 كوب فلفل أحمر حار ... 1\4 كوب كزبره ناشفه ... 1\4 كوب كمون ... 1\4 كوب هيل ... 1\4 كوب دارسين ( قرفه ) 1\8 كوب مسمار ( قرنفل ) جوزه الطيب ( حسب الرغبه ) طريقه الاعداد :- 1 - تنظف البهارات بتنقيتها ثم غسلها ثم نشرها في مكان مشمس حتى تجف تماما .. 2 - لا يغسل الهيل ويطحن ... 3- توضع حبوب الكمون والكزبرة في مقلاه على نار خفيفه .وتقلب حتى تظهر رائحتها المميزه ... ثم تطحن ... 4 - تزال قشره جوزه الطيب في حاله استعمالها وتطحن ... 5 - تطحن البهارات طحنا ناعما ...ثم تخلط معا ... وفي حاله اعداد كميات كبيره ..يجب حفظها في أكياس محكمه الاغلاق في الفريزر .. من كتاب (اكلات كويتيه) للسيده الفاضله ...فاطمه حسين القناعي ...
عدل وصفتج فراشه فوشيه مثل الوالده الله يرحمها بعد عمري انا بهارات بيتي اسويها بهالشكل بس زيديها اشوي عرج الهيل وتكون خلاص مسكته
حلو جاء بوقته احب اغير بالبهارات مره بهارات نجديه ومره شرقاويه ومره بهارات بحرينيه والحين بجرب الكويتي تغيير البهارات تتغير نكهة الاكل جزاكم الله خير ومشكوريين خواتي
حياتي جربي بهاراتي وكل الاخوات الخطله اللي اسويها متوارثتها من جدتي ...جربوا ماراح تندمون واذا مااعجبتكم تعالو اخذوا فلوسكم ...والكيلو عندي 4 دنانير...في توصيل منازل... ماعليج غير انج تضيفيني واعطيج رقمي بالماسنجر ويوصلج المندوب....والله ماراح تندمين جربيها وعليج الحكم.........
