بنات واللي يعافيكم سمعتوا بابر التبيض (التفتيح) اللي في مستشفي العرف او اي مستشفي شرايكم فيها اللي تعرف لاتبخل بالاجابه الله يجزاج خير ياللي تردين
:71_71: الصراحة انا سمعت فيهم وبنت خالتي استخدمتهم بس اهي بالساس بيضة يعني مافرقت اهي عبارة عن فيتامين سي و مفيدة يعني وبس حق التبيض مااذكر حق شنو بس اللي اذكره انها توحد اللون اول بعدين تبيض وبعد انها مفيدة للمناعة بس على كذا جلسة مو وحدة ادري طولت:shades_smile:
حبيبتي ابر التبيض عبارة عن ابرتين الابره الاولى الغلوتاثيون والابرة الثانيه فيتامين سي والغلوتاثيون هي الماده الي تبيض وفيتامين سي تساعد على امتصاص الغلوتاثيون بالجسم وهي على نظام كورسات كل كورس 3 شهور البيضاء كورس واحد والحنطاويه كورسين والبشرة الغامجه مده سنه وهي تاخذينها بلاسبوع مرة ,, وعندج عياده مونتانا كلينك عند الدكتورة ميسون ابو شاويش الابرة ب 30 دينار والكورس ب 120 دينار عنوانها بالشعب البحري عند صيدليه العوده وعلى فكرة هي توحد اللون وتبيض وتعالج الغدة وتصفي الكلى وتساهم في انتظام الحمل ,, ودعواتج بالتوفيق حبيبة قلبي ,,
اما انا وايد سمعت عنها بس اللي سمعته ان لها عمر محدد وبصراحه انا اخاف نت هل سوال وافضل الكريمات وايد واحسن منها
بصراحه انا ما انصحج فيها لانها تغير صبغة الميلانين بالجسم واكيد بيكون لها تاثير مع الايام وبعدين هذي الابره حاطينها حق اللي فيهم برص مادري بهق الله لا يبلانا فاكيد مو زينه لج واذا تبين نصيحتي استخدمي خلطه احسن واضمن تقبلي مروري ونصيحتي:rose:
حبيبتي انا رأيي من رأي حنووونه ...واذا كنتي تبينهم حق عرس اخوج استعملي كريمات وبالعرس لا تنسين فيه مكياج وكريمات أساس ومو محتاجه تغامرين بعمرج علي جم ساعه تري الجسم غالي فلا تغامرين ولج حرية الاختيار وموفقه .......
