وصلتني رسالة وسائط من زوجي بصراحة زوجي مو مال رسايل ومسجات يدز احبج،،اشتقتلج.... وهالسوالف بس اشعار لا.. واناصار لي جم يوم عند اهلي لظروف بصراحة وايد استانست واعجبتني مبادرته.. اخليكم مع المسج يـا كبـر حـظ النـوم .. لازار عيـنـك !! يكفيه من عينك .. ( معانقـة الاهـداب ) !! مالوم .. لـو دنّـق .. وقبّـل .. جبينـك !! لنّه .. مثـل قلبـي .. علـى ضمتـك ذاب !! مانيب قايل : من ضنا الشوق .. ( وينك ) !! لنّك .. بنيت بداخل الصـدر ( محـراب ) !! قلبي .. وعيني .. من غـلا .. محتوينـك !! وروح الغلا .. تهديك .. ( حله وجلبـاب ) !! كن ّ .. الشهـد مسكـوب فـي شفتينـك !! شوف .. النحل .. وشلون من حوله احزاب !! سلهامة عيونـك .. ( فضيحـة كنينـك ) !! فكت .. علـى خافـي معاليقـك .. البـاب !! حتـى عرفـت انـك : تبـادل رهينـك ..!! نفس المشاعر والغـلا .. قلـب واحبـاب !! شوف الغلا .. وشلـون بينـي وبينـك .. !! يكتب .. على نبض المعاليـق .. ترحـاب !! غنيت له : من صـادق الـود .. لينـك .. !! قمت .. اترنم لي .. على صوت الاعجـاب !! غمّض عيونـك .. ثـم قـرّب يدينـك .. !! من صدري اللي كـن يصـلاه .. شبـاب !! ابيك تشعـر .. كيـف يشعـر .. ضنينـك !! لا دورك .. بيـن المحانـي .. والاهـداب !!
ماشاء الله الله يخليكم لبعض والاحسن انج متخبرين احد بما يجري بينكم وخاصه ان اغلب الحريم يفتقدون لهالشي الله يحميكم من عيون الحساد ويديم المحبه بينكم والابيات جزله
الله ياغرام جابر ايش هلكلام الحلو بس لازم تكوني رديتي علي بشعر احلى الله لايحرمك منو ولايحرمو منك يارب ويديم السعاده والحب والاحترام بينك اللهم امين
