بسم الله الرحمن الرحيم السلام عليكم ورحة الله وبركاته انا سميت موضوعي ابهالاسم عشان كل وحده عندها حلو في فكره يديده ( جديده) اتحطها او تكتبها وانكون مستمرين بالتواصل واكون الموضوع عباره عن كتاب مفتوح لكل المتصفحين او اكون على ذوق الجميع وانا راح ابدى في فكره انا سويتها من منال العالم باضافه مني طبعا راح اكتبها بع اشوي انتظروني اختكم الفيلجاويه تتنظر الجميع لي ولكم الفائدة والاجر والثواااااب
كنافة كب كيك انا اسويها وابيعها بس عشان انا احبكم راح اكتبلكم الطريقه المقادير كنافه 500 جرام نصف كوب زبدة طريه نصف كوب سمنه القشطه 2 ك حليب 1ك كريمه 4 م ك دقيق 4م ك نشا 4م ك سكر 1 م ص ماء ورد او زهر حسب الرغبه الطريقه انحط الكنافه في طاسه كبيره انصب عليها السمنه والزبدة المسيحه ثم اتحطين منها كميه في قالب الكب كيك او ابصبعج اتحفرينها وادخلينها الفرن القشطه تخلطين الكل مع بعض بعدين على الجوله حتى تتماسك قبل لا انحطها بالكب لازم اتكون واااايد بااارده انحطها وانصب فوقخا الشيره تم المكسرات بالعافيا على فكره هالمقدار بس حق 14 او 16 حبه الكب كيك الوسط انا استخد الصغير يعطيج مايعادل 28 بس اتعب بالصحه والعافيه دوركم انتضر افكااااركم او افكار غيركم عشان اجربها للاهل
السلام عليكم محد شارك في موضوعي ولا حتى رديتو علي قلت بسوي اكشن في انا راح اكتب اسم الطبق اليديد اللي عندي واذا تبون طريقته ردو علي اب كلمه تختارونها وانا اكتبه اسم وصفتي اليديده بقلاوت العيد بالقشطه باحجام مختلفه واتمنى الرد عشان ما اتحبط
يمكن ماعجبت احد البقلاوه بالقشطه الحلو اليديد اسمه كاسات الحلو ياحلو اللي تبي تطلب الوصفه اهني بالموضوع وانا اكتبها لها من اعيوني انا سميته جذي لان وايد حلو
