والله اني طايحه بمشكله مايعلم فيها الا الله زوجي معقد من دراسة البنات بلوى وابتليت فبها بنتي الكبيره لما كانت 4متوسط ماخلاها تكمل دراستها الابالموت وطلبت الطلاق مقابل دراسة بنتي وخلاها تدرس الحين هي خلصت 4ثانوي بنسبة 68وهي علمي والحين هو رافض دراستها نهائي بالكليه او اي مكان اخر الا يكون مافيه اختلاط حتى التطبيقي رافضه يقول مدرسين بالله عليكم الحين شنوا السوات البنت تقول اذا قعدت بالبيت انتحر والبلوى رافض انها تكمل بمكان فيه اختلاط والله هو لاقصده لادين ولاشي بالله عليكم ساعدوني
وي حرام الله يكون بعونكم انتي قعدي معاه وفهميه قوليله حرام ومستقبل البنت يمكن الين قلبه على بنته وحبيبتي في كليه البنات خلي بنت اتسجل فيهاا اذا ريلج رافض الفكره والكليه كلها بنات الله يكون بعونج حبوبه الله يسهلها انشاالله
الله يكون بعونج انا اتوقع انج ماكتبتي هالكلام الا وانتي غاسله يدينج منه يعني اسلوب الحوار والتفاهم ماينفع مع هالصنف من الناس انا اتكلم عن تجربه ولاينفع انج تنتقدينه وتقولين ان الدنيا تغيرت والبنت مالها الا دراستها بس شوفي حبيبتي والله ثم والله ماينفع الا انش تشتكين لواحد مايرده شي اسألي ربج انه يهديه ويصلحه في الثلث الاخيير من الليل دعاء مع تضرع واخلاص ويقين انج ماتقومين من صلاتج الا وهو متغير وحسن الضن بالله وكل شي بيدين ربج اذا الله كاتب انها بتكمل دراستها والله لو شنو يسوي راح اتكمل دراستها ولاتكرهوا شي وهو خيرا لكم ولا تحبوا شي وهو شر لكم والله يعيينج
معقوله في ناس ليلحين هذا تفكيرهم!! حبيبتي الدنيا تطورت والحين البنات يتحدون بالشهاده وهذا اكبر فخر ما اقول الا الله يعينج ويهدي ريلج ...
الله يكون بعونج حبيبتي.. حاولي تكلمين احد من اهلج يكلمه هذا مستقبل بنته حررررام يضيع شنو بيستفيد اذا قعدت بدون شهادة...والله يصبرج وادعي ربج بصلاتج ويكون بعونج يارب..
ما لج إلا ان البنت نفسها تكلم ابوها و تبجي عنده حتى لو كان عصبي و ما يتحاجى تحط له ورقة عند الباب بس فيها كلام يكسر القلب صج حتى لو تساعدينها بالنهاية مهما كان هذا ابوها اكيد بيحن عليها و خليها تقول له شفت بنت فلان و بنت علان كلهم يدرسون و اذا مانفع امرج لله انطري اذا تزوجت اشرطوا على الريال تكمل دراستها وصدقيني يمكن فيها خيرة انها ما تكمل دراستها و الله اعرف بنات من راحو للكليات اختربت سمعتهم اسم الله ع بنتج و ربي يحفظها بس انتي ما تدرين عن الزمن قولي الحمدلله على كل حال و ربي يكتب لها اللي فيه الخير
ليني قلبه بالكلام شوي شوي وإن شاء الله بيرضى وادعيله دايما بالهدايه، مالج غير الله عزوجل الله يهديه يارب ويغير الفكره إل براسه
