أتكلم وانا كلي حسرة على نفسي وغيري من المتان أتمنى أحد يشاركني ونكمل مع بعض لين نوصل للوزن المطلوب قبل الزواج حبيت أسوي رجيم دشتي عشان مانحس باليوع بس الالتزامممممممممممممممممممممممممممممممممممممممممممممممممممممممممممممممممممممممممممممممممممممم أوكي يالله منو تبدي الرحلة معاي خل نستقبل العيد بشكل راقي وحلو الوزن الحالي 75 الوزن المطلوب50 يالله بنات قد التحدي:
شوفي حبيبتي الرجيم بساطة تاكلين كل شي ماعدا النشويات بأنواعةلمدة أسبوعين أو أكثر حسب الوزن أنا وزني وايد زاد عقب الولادة أبي أرد عروس مرة ثانية ولج دايت بيبسي أوسفن وكوفي بدون كافيين والله مثل السحر ينزل الوزن وعن تجربة شخصية خليج متابعة معاي أنا بديت من اليوموالفواكة ممنوع
يعني ما اكل التوست و العيش و المعكرونية و كل المعجنات ؟؟ شنو بالضبط اكل ؟؟ و خلال 20 يوم كم انزل من الوزن ؟ الرياضة عادي ؟؟
لحم دجاج خضرة بدون البقوليات بأنواعها جميع أنواع الزيوت بمقادير معتدلةنقانق مرتديلا كلشي بطاط ممنوع حليب ممنوع روب ممنوع
لازم تمنعين نفسج من النشويات !! لو شهر بس و شوفي النتيجة !! خلال رمضان !! انا بتحمل بعد مع ان غرامي على الفطور عيش !! بس راح اسوي سلطات و دجاج مشوي .... يسلمووووووووووووو..
انا بقولكم جدولي واذا عاجبكم نطبقة انا وزني 85 ودي انزل 10 كيلوات خلال شهر بمعدل 2.5 بالاسبوع يعني هذا اكبر احتمال يعني اذا قللت اكلي ونزلت 4 كيلو مثلا هذا انجاز مشي او رياضة نص ساعة الى ساعة يوميا تساعد على النزول رجيم دشتي اذا تبين تطبقينه اول شهر هذي الاشياء الممنوعة عليج -الحليب ومنتجاته مثل الروب واللبنه (ماعدا الجبنه) -الجز وجميع الفواكة والعصائر والمشروبات الغازية -المعكرونيات بجميع انواعها والارز -الفطايروالخبز واي شي فيه طحيين -الحلويات والككاوات وربعم واكلي كل شي ثاني واذا بتاكلين جبن اكليه كامل الدسم مو خالي ومثلا تقدرين تستبدلين الخبزة بخسة يعني بدال لاتحطين الجبنه بخبزة حطيها بخسة ترى هالاشياء بس اول شهر وبعدين عقب هالشهر القاسي تدخل الفواكة والاشياء الثانية شوي شوي خلاص بنات تعبنا من المتن نبي نضعف لي متى يعني نروح السوق ولا نلاقي قدنا شرايكم نبدي السبت لانه اول الاسبوع !!
اوكي موافقة .... الله يعيني !! لان الصراحة كنت ابي بدلة عيد وكانت حلوة بس مو مقاسي !!! وقلت خلني اخفف من الاكل ..
هاي بنات انا ابي اضعف بعد بس ماقدر !! انا ما استقني عن البطاط والكورنفلكس والببسي والمطعمـ !! وهمن ودي اضعف لان البنات ذبحوني تطنز t_t وزني بالستينات @@
هااا بناات لا تنسون باجر الرجيم :74_74: يريت من باجر كل وحده تكتب يومياتها شنو كلت بالفطور وعقب الفطور واذا مشت او لعبت رياضة ولا لا عشان نشوف بعض واذا وحده خربطت بالاكل تتحسف وماتعيدها لما تشوف الثانين ماشين على النظاام :angel_smile: الله يعينا انشالله
