السلام عليكم يابنات ويااخوات ،،،،،، تكفون ياحبايبي أبي طريقة مكبوس الربيان دايم ماأضبطها وزوجي كل شوي يزفني يقول إنت مو بنت بطنها وهو يموت بالأكل البحري،،،،،،،،،،،،،،،،،،،،،،، والله لأدعيلها هذا الدعاء اللي تقولي الطريقة الصحيحة والطيبة ،،،،، اللهم ياحي ياقيوم إرزقها من حيث لاتحتسب و احفظ لها أولادها واكفهم شر الأمراض واجعلها في عــــــــــــــــــــــــــــــــــــــــــــــــــــين زو جها جميلة لاتقدر بثمـــــــــــــــــــــــــــــــــــــــــــــــن. (شنو بنت بطنها)
الربيان أول مرة اسمع مكبوس يمكن تسوينة مع المموش تكبسينة علية ويطلع عجيب بس كثري من اثوم و الزنجبيل والبهارات على الربيان........... شوقتينا
كبسة الربيان هاتي الورقه والقلم ومعاي كلمه كلمه طيب اول شي تظفين الربيان الجامبو وبعدين تنقعينه لمدة ربع ساعة طبعا بعد التظيف علشان لو في رمل راح ينزل كله وبعدين تغلين ماي لتر وتحضرين قدر وتضعين الربيان مع الماء المغلي وتتركينه يغلي الربيان مع الماء لمدة خمسة دقايق وترفعينه من على النار وتحضرين مشخال وتشخلين الربيان من الماء وتتركينه ثم في قدر ثاني للطبخ الارز اللي انتي متعوده تتطبخين فيه غداكم الارز وتقطعين بصله مربعات صغير ومعاه ثلاث فصوص ثوم مدقوقه مع الزيت قليل ثم ثلاث اعواد مسمار وعود مسمار وهحبتين هيل قليل من البهار الخاص للربيان ولومي اسود عدد 2 ونحمس حتى يتحمر البصل والثوم ثم نحضر الربيان ونحمسه قليلا لمدة 5 دقايق فقط مش اكثر ثم نحضر عدد 4 طماط حجم متوسط ونطحنهم في الخلاط ثم نضيف الطماطم المطحون على الحمسه ونضيف الملح حسب الكميه ثم نظيف قليل من الماء حسب كمية الارز ونوعيته لو كان محتاج ماء قليل او كثير وبعدها نضيف الارز المنقوع والمصفى من الماء ونضعه على الربيان حتى ينشف ماءه قليلا ثم نضع بعد نشف الماء قليلا الحديده تحت القدر ونقلل من النار ونحضر فلفل اخضر ونغرزه داخل الارز وعليكم بالعافيه
حبوبه طريقة اللي قبلي مثلي بس زيدي على الطماط والربيان والبهار شبنت وكزبره والله يطلع طعمه روعه قصي شدتين اذا كانت الشده صغيره او شده وحده اذا كبيره والله قبل امس مسويته وريلي استخف عليه تعلمتها من اختي بعدين اذا حمستي الربيان والطماط راح يطلع ماي عادي اجبسيه مع العيش
بسم الله الرحمن الرحيم طريقتي يا الحبوبة إهيا : حطي بالجدر بصل مقطع وحمسيه لين يذبل بعدين حطي عليه الربيان وحمسيه بس نصيحة لا تقصرين على الجوله ( معلومه ) الربيان على نار هاديه يطلع مايه وبعدين ينشف وما يستوي نخلي الجوله نارها شوي حاميه ونظل نحمس البصل والربيان وأثناء الحماس نحط الثوم الشرائح والبهارات مثل الفلفل الاسود والكاري والكركم والكمون وشوية ملح وبهارات مشكلة مثل بهارات ( مهران ) ونظل نحمس حتى يتشرب الربيان البهارات بعدين إتحطين شوية يعني شوية مو وايد (معجون طماط) وماجي وشوية ماى علشان الماجي وبعدين إتحطين العيش المغسول بعد ما تنقع بماي دافي لمدة ساعة وشوي شوي نقلب المكونات وبعدين إتصبين عليه ماي مغلي أرفع من العيش بنص سنتيمتر وتنطرين عليه لين ينشف الماي اللي فوق وإتقصرين على الجولة وإتحطينه على جوله صغيرة لين ينشف ويتسكر العيش وبالهنا والشفا بشريني إذا سويتيها
