ابي طريقه الممروص او الخبيصه

السلام عليكم يبنات وياحريم طلبتكم لاتردوني بقيت منكم طبخه خليجيه معروفه قديماويمكن حديثا الخبيصه او الممروص وهويكون بالدقيق اتوقع البروالتمروالهيل والزعفرن ويكون نثري طلبتكم لاتردوني

عليكم السلام

أم هتان..أنا ماأعرف الخبيصه .. بس سألت وجبت لك طريقه ولا يلام المرء
بعد إجتهاد..

المقادير

3أكواب طحين لجميع الإستعمالات 3أكواب ماي حار
ملعقة شاي زعفران
كوب وربع سكر
نصف كوب زيت
رشة هيل
كوب جوز

الطريقه..تنقعين الزعفران في ماي عادي او ماي الورد..حسب الرغبه

تقلبين الطحين في قدر لين يشقر لونه
تخلطين الماي والسكر وتضيفينهم للطحين
وتحركينهم عدل وتضيفين الزيت وعقب الزعفران
والزيت وأخيراً الجوز وبالهناء والعافيه

بالنسبه للتمر مثل ماذكرتي ممكن تبدلين السكر بالتمر

..أم أنفال..

تعديل..وتضيفين الزيت وعقب الزعفران والهيل

مشكورة وتسلمين

الله يسلمك .. سألت الوالده عنها قالت تعرفها

بس مايضاف لها ماي نهائي.. طريقة الوالده:

تقلبين الطحين على نار لين يشقر لونه..

تكونين مجهزه التمر الخلاص مال الحسا أفضل نوع

نوع يصلح حق الخبيصه..وتشيلين البذر وعقب تضيفينه على

الطحين وتضيفين سمن عدان ويلّه أخلطي لين يتجانس مع

مع بعض..وراح تحصلين غلى أطيب خبيصه على أصولها

وسلامتك ياعمري

..أم أنفال..