صباح الخير والله مشكورين علي المواضيع الحلوة بس عندي سؤال اذا ممكن انا وزني وايد وحبيت اسوي تغير مسار وشرحح لي دكتور بمستشفي مبارك بس امس مستوصف ودكتوره خرعتني قالت يسوي هشاشه بالعظام وتسرب ووشغلات وايد مار ضت تقولي وواليوم عندي موعد حق دكتور تخدير وانا اخترعت وامي قالت لي لا مابيج تسوينها وابوي نفس الشي واختي بعد وقلت بروح اليوم اتاكد منه واستفسر اكثر وحده مخترعه مادري شسوي ممكن تساعدوني واسفه لاني طولت:red_smile:
كل عمليه لها مخاطر بس انتى لازم تسلمين نفسج حق دكتور ممتاز وله خبرته بالعمليات وانا الحمد الله ويد مرتاحه بس عندى مشكله الشعر بدى يطيح معاى ولما سألت الدكتور قالى 6 اشهور ويرجع طبيعى وصديقاتى مسوين تحويل مسار كلهم مرتاحين ومستانسين على شكلهم الجديد وانا حاضره للاى استفسار
الحمدلله على السلامه ومبروك علنزول اختى بغيت اعرف عمليه تحويل مسار يعني شنو بلظبط فيها فتح بطن مثل القيصريه ؟؟ وشنو يحطون داخل بطنج؟؟ وهل اذا كانت وحده مسويه عمليه من قبل وحطولها شبك في بطنها يعنى مسويه عمليه شفط قبل تقدر اتسوى نفس عمليتج؟؟ولا مايصير؟ وشكرا
انا والله ودي اسوي بس امي تخاف علي من العمليات لانه كل ولاداتي قيصري ووايد اتعب من البنج ومشكوره حبيبتي على ذكر تجربتج
عمليه تحويل مسار هى عمليه يسوونها بالمنظار عباره عن 5 فتحات صغيره بالبطن يصغرون فيها المعده ويحولون مسار الامعاء بحيث لما تاكلين يروح الحمام عزج الله وهى عمليه بنج كامل وتنامين بالمستشفى 3 ايام
السلام عليكم اختي الغالية المتحورة حياة زوجي معاج المتحورة ام علاوى و حمني انا بعد مثلج سويت العملية يوم 14-10-2009 بس انا سويتها فتحة 14سم بمستشفي مبارك الكبير و دكتوري خالد الشرف والحمدلله انا بخير الحين بس حبيت اسالج عن الهبوط احس بهبوط اشوي اذا مشيت متى يروح هالهبوط >>>> يعني مثل الدوخه وانا الحين بمرحلة الاكل المهروس وألحين اقولكم قولووووووووووووووو ماااااااااااااااا شاااااااااء اللللللللللللللله وزني كان 118ونصف وبعد العملية صار 104كيلو والحمدلله الكل قال لي ضعفانة ومشكورة اختي الله يوفقج و وفقني ووفق كل واحد ناوي يسوي العملية
مرحبا ..... أنا أبي أسوي العملية بعد العيد لكني خايفة وايد من المضاعفات ... تكفين قوللي شنو قالج الدكتور عن المضاعفات العملية ، وسؤال ثاني هل لما تاكلين تروحين الحمام على طول ولا ياخذ كم ساعة وتشكرين ...:sad_smile: على فكرة أنا من البحرين وبسوي العملية في مستشفى حكومي .
السلام عليكم .... وينج يا حياة زوجي ما رديتي على سؤالي بليز ردي لإني وايد متخوفة من العملية وأريد أحد يطمني .....:75_75: :75_75: :75_75:
السلام عليكم انا توني اقرا موضوعج الف الحمدلله على سلامتج وصح كلامج الدكتور فعلا ممتاز بارك الله فيه بس الي اعرفه هالعملية فيها وايد مضاعفات وخرير اسم الله عليج انا بصراحة مفكره اسوي تحزيم المعده عالاقل متى مابي اشيل ويرجع شكل المعده مثل ماهو يعني مافيها لعب بخلقت الله الله يسهل عليج يارب بس عندي سؤال ماترهل جسمج مو الوحده ماتبي تطلع من مشكلة وتطيح بمشكله اكبر الي هي الترهلات شنو نصحج فيه الدكتور من هالناحية اقصد الترهلات :wink_smile:
حمد لله على السلامه ’انا بعد سويتها فدار الشفا عند هيثم الخياط خوش دكتور من شهرين نزلت 15كيلو بس:smile:
هلا بأهل البحرين اشلونج شخبارج العمليه وايد ممتازه وراح تظعفين بأذن الله بس راح تلاحظين يطيح شعرج وهذى مساوئ العمليه اما من ناحيه الحمام عزج الله عادى باليوم اروح مره وحده بس يعنى مو كل شويه لأ طبعا انشاء الله تطلعين بالسلامه
