هلا وغلاا اختي ساره انتي توج صغيره وفي بداية الزواج واول الزواج لازم تكون فيه مشاكل عادي وسعي صدرج ومافي شي يستاهل وترى الحب مو بكلمة احبج الحب يبين من التصرفات الافعال مو بالكلام والله ياساره يا في شباب كلمة احبج لزوجاتهم ماتطيح من لسانهم وطايرين فيهم وياويل الام اذا قالت لها شي بس من وراها يغازل وسربوتي خليها على الله بس وصدقيني لاتقولين مايبين اللي تسوينه بلى يحس فيه ويعرفه بس انتي لاتعطينه كل اهتماماتج فكري بنفسج اهتمي بنفسج ارتاحي نفسيا وخليه هو اخر اهتمامج صدقيني راح يتغير وياج شنو اذا جا من الدوام تغسلين رجوله ذكرتيني بشريفه ام البنات والله يغسل رجوله والا بكيفه نظافته الشخصيه عليه مااقولج لاتهتمين فيه بلى اهتمي فيه بس بحدود : غرفته نظيفه فراشه نظيف ومبخر ومعطر وانتي مهتمه بشكلج ونظافتج لنفسج مو له اكله مزهب وجاهز هم لنفسج وله . وريحي نفسج والهي بنفسج وارتاحي نفسيا وخليه اخر اهتماماتج وصدقيني راح ترتاحين الله يهيه لج يااااااارب ويسخره لج ويبعده عن الحراام ويبعد عنه وعن ازواجنا بنات ابليس وتقبلي مروري يالغلااا
تسلمين ياقلبي انتي واي اضحكي شنو ماخذين من الدنياا :wink_smile: وترى موقصدي استهزئ لما قلت شريفه بس حبيت انبهج مو يصير بخاطرج وتسلمين على الكلام الحلوو واهني كلنا خوات ونتساعد والله لا يغير علينا
حبيبتي انت توج صغيره واخذيها قاعده اول سنتين كلها مشاكل بس الي ابيه منج تستمرين بكل شي تسوين حق ريلج لان مو حق ريلج تسوين حق رب العالمين اهم شي لا تقصرين فيه حاولي خلي عيونج تتكلم مولسانج صدقين بيقولج اشفيج الله يسخره لج يارب ما يفارقكم:smile:
ساره حبيبتي عورتي قلبي بكثرحنانج ورقتج!!! ذكرتيني بداية زواجي ادري ردي متاخر بس سمعي مني ......... اناتزوجته عن حب وصارفيني اكثرمن اللي تتكلمين عنه وحاولت اهرب منه في البدايه مع انه طيب وحنون ويموت فيني بس الله يهديها امه تغارمني وهي اللي خربت حياته بكثرالمشاكل وانا ماكنت ادري ماكان يقول!!!!!!!!! يمكن والله اعلم ان في بحياته مشاكل بس مايبي يقول\\\\مابي اشكي الحال اناالحين متزوجه من 10سنوات والي بقوله عن نفسي نسيته وصارقديم وحياتي الحين الحمدلله في قمت السعاده مع زوجي وتخيلي مايقدر ينام اذاموعنده__ نصيحتي لج عن خبره******** اولالاتحسسينه انج فاقدته \شغلي نفسج باشياءتونسج من هواياتج اذاماعندج عيال مع صديقاتج مع خواتج \اذادخل ديري بالج حيل حيل حيل لاتطلعين بوجه مثل (وينك-تاخرت-اوتكشرين-اوتحسسينه انج فاقدته-اوحركه منج ماتعجبه)لاضحكي له وقولي وعليكم السلام لاتوجهين له اي سؤال شنو تاكل شنوتبي اشرايك فيني ........الخ\بالعكس سوي نفسج طبيعيه وفرفشي قدامه واذافتح موضوع للنكد بس طالعيه وضحكي ادري صعبه تحملي بعدين بتعودين صدقيني الحياة الزوجيه ماتبدا الابعد مايجيكم اعيال انشاء الله واكيد حاس بالملل الحين...غرقيه بحنانج ورقتج بالكلام المعسول حتى لو ساكت بس قولي مثلا وانتي رايحه الغرفه (احبك اموت احب عصبيتك يرتاح قلبي لما اشوفك ساكت ياحلاتك وانت سرحان وانت تطالع التلفزيون وانت نايم.........)موورابعض طبعا فترات متباعده مره وحده باليوم كافي عليه.. صدقيني استخدمي الاسلوب هذا معاه لان من كلامج طبع ريلج حيل ملول ومايحب الروتين ويمكن متعلق بربعه ومو حاب يفتحلج قلبه والله والعالم انتي انفعاليه حيل فكش منج بالعاميه وهذا طبعهم كلهم . تحملي الموضوع يبيله وقت مستحيل بيوم ولليله يتغير..راح يحس ان مكانج راحه مافيه طلبات او حنه اومشاكل وانتي لاتطلبين منه اي طلب راح يحب طبعج ويرتاح لج ويفتح فلبه لج ويضمج ويراضيج لانه حاس بالذنب بس موقادريتكلم كبرياءه ماتسمحله عطيه الوقت الكافي انه يتخذ القراربنفسه ولاتردينه باي طلب حتى لو كان الوقت غيرمناسب لاتردينه خليج عصاه اللي ماتعصاه حبيبيه بطبعج الحلو المريح... والله يوفقج وتابعي معاي .
حبايبي انتو ما قصرتو بس شكلنا ما راح نكمل معنا امس واحد ثاني دخل باسني على راسي وقتله تبي تسافر قال ليش تبين الفكه قاعد على قلبج وانا ستانست وايد بس بعدين الصدمه عاد انا قلت غلا دبي سويت النصيحه وفادت وبعدين بدت المصارحه قلت بوست الراس وراها شي قال قبل ما يتزوجني كان يحب وحده بالدوام واهله مو راضيين يزوجونه عشان اكبر منه اهو 21واهي 34 هذي اعمارهم يوم كنا ملجين انا ياه و اهو الحين 23 واهي 36 وقال اتزوج الي تبونها اذا سنتين عدت وما جبت عيال اتزوجها والحين صارلي سنه و8 اشهر ويقول شوفيلج حل ترى راح اتزوج بعد 4 اشهر معنا انا رحت للدكتور وسويت الفحوصات قال ما فيج ولا شي يمنع الحمل بس هرمون الحيب شوي مرتفع بس ما يمنع الحمل عندج 99 بالميه وكتبلي على علاج بسيط يقول حق الهرمون وتدرون من ثاني شهر قال خل نعالج انا ستقربت قلت تو الناس تونا متزوجين قال لا انعالج بس ما ابي احد يدري وانا حتى اهلي ما قلت لهم لاني خفت منه لان هددني انه يطلقني تدرون يوم قال كانت صدمه بس الصدمه كنت اعالج عند دكتور ويقول كان يكتبلج علاج وكانت مها الي يحبها تعطيه حبوب مانع للحمل ويقول كنت اجيبهم لج على اساس علاج وهذا الي اخرني عن الحمل من هني جن جنوني والحين انا بيت اهلي ابوي يقول خل نرفع قضيه بس بعد الكف الي ابوي عطانياه يقول تستاهين ليش ما قلتيلي من قالج خل نعالج وفي ناس تعالج ثاني شهر اخلي ابوي يرفع قضيه شرايكم بنات
ما اقول الا الله يوفقج ويسعدج طول العمر ويبعد العين عنكم المهم لا تشيلين شى بخاطرج وضحكى و تونسى مع الدنيا الحلوة
تدرين حلات الكف بويه ريلج !! ياحبيبتي خليج مع ابوج ابوج يبي يرد كرامتج اللي استرخصها ريلج خليج بشور اهلج ترا مالج غيرهم ولا الريل بدال مليووون ريل وخليه يعرف ان انتي وراج اهل تشدين فيهم الظهر مولعبه عندهم !! صراحه شي قمه بالحقاره وبعدين هالعانس اللي يحبها لهالدرجه ميته ع الزواج استغفرالله ياربي لاتبلانا شنو هذا لعبه عندهم بنات الناس امبيييه والله عصبت الله يعينج ياقلبي والله اني حاسه فيج صراحه هذا مايستاهل اهتمامج واشكره يقولج السالفه موخايف من احد !! موعاد لاحد حساب !! مااقول الا حسبي الله ونعم الوكيل روحي ياقلبي والله يعوض باللي احسن منه باللي يقدج ويموت فيج ويحترمج يااااااااارب
هلا أختي وحياج الله في المنتدى ويااانا . . . شوفي حبيبتي هالرجل ما يستحق اهتمامج تدرين ليش لانه لايزال على علاقة بمها اللي اهي نفسها معطيته حبوب لج مانع حمل واهو اخذها منها تدرين ليش علشان ماتحملين ولانه الله والعالم يبي يستمر وياج مؤقت والله العلم . . .صج حرني بسالفة اخذه لحبوب المانع من رفيجته!! شوفي يالغالية أبوج ورايه لاتطلعين عنه وياريت تقولين لامه سالفة حبوب منع الحمل اللي ماخذها من رفيجته ويعطيج إياها ترى هالشي مو بسيط هذا يبين انه يخطط لهدف ما وهو عذر انه يطلقج لانج ماحملتي . . . والحقيرة رفيجته اهي اللي مخططة لكل شي انج ما تحملين ( تعطيج حبوب مانع ) وبعدها اهو يقول لاهله انه يبي عيال وانتي مافيج عيال ولا حمال وبجذي يطلقج . . . قلعته لا ترفعين عليه قضية خليه بروحه شهر لاتردين على اتصالاته ولا مسجاته ولا اي شي من جهته وبعدها بتعرفين اذا يحبج او لا
والله توني اقرى قصة مها لانج مسويه تعديل والله مدامه قالج جذي فهو بايع ومافي وحده تعيش مع واحد مايحبها و يحب غيرها وابوج طراقه لج صحاج من حبه اللي كان معميج الله يكون بعوونج حبيبتي ويرزقج باللي احسن منه يعزج ويرزج ويستر عليج
حبيبتي انتي سويتي كل شي يرضي ربج له وعطيتيه كل شي بس اهو مايستاهل لاتقهرين نفسج وحاولي تنسين وتوكلين امرج بيد الله صدقيني لج الاجر والله يكون بعونج وهو مايستاهل حبج ادعي ربج يعوضج باللي احسن منه وتوكلي على الله ودام اهو مايبيج من الاول الحمد الله اللي ماجبتي منه جاهل واعتبري بهالشي خيره لج ان شاء الله اتزوجين باحسن منه ويرزقج الله بالذريه الصالحه ويصبرج قادر على كل شي والله بادعيلج وصدقيني الله مايوفقهم تاكدي ماراح يتهنون ولا يستاهلون تقهرين نفسج عشانهم والله يوفقج ويفرح قلبج ويخليلج ابووج ولا يحرمج منه ويدوم خوفه عليج ولاتزعلين من ابوج هذا دليل حبه
نعـــــــم نــعــم؟؟؟:mskket: شلون يعني مها كانت تعطيه حبوب حقج عشان لاتحملين ؟؟؟؟؟:what_smile: وهذا عذره عشان يطلقج واهله وافقون على مها الي كبر امه حسبي الله عليها عسى ربي ياخذ حقج منها وانشالله يوفقج مع الي احسن منه حبيبتي ولاتشوفين يوم اسود آمين
قووووووووووولي حق اهله قووولي حق امه خل يعرفون ولدهم شلون حقير ياخذ من رفيجته حبوب ويعطيج انتي زوجته حسبي الله عليهاااااااا قوولي لاهله لاتخلينه
