مساء الخيرر دكتور المشكله مو لي لزوجي وزنه فوق 190 وطوله 172 شنو الحل له ؟!! واذا في عمليه شنو الانسب له علماً ان السمنه في عايلتهم وراثيه اغلب اخوانه فيهم سمنه وامه الله يرحمها جزاك الله خير
المفروض جراح السمنة يكون عنده مبادئ تجميل مابعد السمنة عالاقل عملية شد البطن . وعلي حسب معرفتي اغلب جراحي السمنة بالكويت يسوون هالعملية باتقان انشالله بالنسبة للمخاطر عملية شد البطن - ارجعي للمشاركات السابقه تلاقين فيها شرح مفصل وسلامات
دكتور الله يعاافيك شلوون اقنعه مو راضي يقتنع ويخاف يموت اذا سوى العمليه وعلى اساس يسوي رجيم يخرب الدنيا وما يلتزم الله يرحم والديك ابيك تقنعه ملييييييييييييييييييييييييت منه شسوي :emoticon_U: والله يتكسب فيني اجر وفيه الرياال يبنفجرر ولا عاادي عنده :sad_smile: واشلوون يتوااصل معااك
مشكور واسفين ازعجناك بس منجد انا متأزمه لي 3شهور احاول انزل وزن انزل كيلوين او 3 نفسي اعرف وش المشكله بالضبط انا افطر واتعشا حاليا كيف اخذ 3جرعات؟؟واسفه كثرت اسئله عليك :71_71:
السلام عليكم يعطيك الف عافيه يا دكتور أنا عمري ٢٣ووزني٣٧ وطولي ١٥٦ يعني أنا جدددددا نحيفة :smile:. جربت دكاترة تغذية خاص وحكومة بس ما فيه نتيجه ثابتة اخر مرة وصل وزني ٤١لكن للأسف فقدت الزيادة لما داومت وثبت علا٣٧ . راجعت عند دكتور خارج الكويت قال لي انتي مشكلتك ان الاكل اللي تاكلينه ما تمتصه خلايا الجسم ويحترق مع أني ما عندي اي مشاكل صحية ،بس عندي قولون عصبي 'ياليت عندك حل لحالتي؟ والحمد لله علا كل حال وآسفه علا التطويل ومشكور
نحتاج نعرضك علي اخصائي جهاز هضمي لاخذ عينات من الامعاء الدقيقه لنتاكد من خلوك من امراض التي تؤدي الي تقليل الامتصاص ( اهمها السيلياك ) سوي عندنا موعد نشوفك بالعيادة للمواعيد - يرجي الاتصال عيادة د / ابراهيم العنزي لجراحة السمنة العيادات الخارجية مستشفي الجهراء ت / 24575300 داخلي / 6222 5406 5697
ناسف مو فاهم سؤالك؟؟؟ بالنسبة للاثنين هي العيادة الوحيدة اللي ااستقبل فيها حالات ايا كانت : سمنة او مرارة او غيرها حياك الله
اسرع انواع الريجيم هو ( الاتكنس ) ينزل بظرف شهر لكن ماننصح الاستمرار عليه اكثر من 3 شهور الاتكنس هو ريجيم يبتعد عن جميع النشويات : الارز الخبز البطاطس والمعكرونيات بانواعها , والاعتماد علي البروتينات والدهنيات والالياف طول البقاء علي الاتكنس يعرض الي تشمع الكبد ةوالهشاشة ونقص ببعض الفيتامينات المهمه غير الاتكنس ما في شي ثاني وحياك الله
تكميم المعده مرحبا دكتةر يعطيك العافيه حبيت اسالك دكتور هل صحييح ان عملية التكميم بعد سنتين ترد المعده تكبر ويزيد الوزن مثل السابق
المعدة بعد سنتين ممكن تتوسع بشكل بسيط والوزن ممكن يزيد شوية بس ما يوصل الي الوزن السابق .. التكميم بشكل عام عالمدي البعيد ( اكثر من عشر سنوات مثلا )* لا نملك معلومات كافية عنها .. اطول فترة متابعة تمت تعادل الخمس سنوات حيث اثبت البحث العلمي عكس ما كنا نتوقع , فنتائجها عالمدي البعيد تعادل تلك بعد تحويل المسار !!
السلام عليكم دكتور انا من يومين رحت للمستشفى علشان عمليه السليف وقالى الدكتور ان نسبه الدهون عندج 35%ومايحتاج انج تسوينها وعطانى نصايح وانا ولله الحمد مافينى سكر او ضغط بس عندى غده خامله وهى اللى مسببتلى السمنه الزايده انا وزنى 86كيلو حبيت اعرف رايك للعمليه؟؟
