شكراا دكتــــــــــوور ....[/COLOR] عالـــــــــردممكـــــــــن توضح لنا بالـــــــــون بالمعــــــــده..... يعطيـــــــــــكــ الف عافيـــــــــــه......
حياك الله يا أختي استخدام بالون للمعدة هي شغله ادخالها للمعده واستخراجها بعدين يعتبر امر سهل وبعيد عن تعقيدات العمليات ومشاكلها ولا تغير بالاحشاء الداخلية شي . وانا ولله الحمد شفت بعض النتائج الطيبة مع بعض المرضي بالذلت اللي مستعدين ومتحمسين ويقبلون بالاسفراغ والقيء لفتره معينة علي ما يتعودون عليها . من سلبياتها الاساسيه هي : 1) انها مؤقته تعمل علي انقاص الوزن مادامت بالمعده - وعادة ما تظل بالمعدة لقرابة 9 اشهر تقريبا .. بعدها اما ان يحافظ المريض علي وزنه بنفسه او يغير من سلوكه او يحتاج الي بالون اخر عند ارتفاع الوزن . 2) يصاحب البالون فترة من القئ وذلك لان المعده تتطلب فترة تتراوح اسبوع الي ثلاث الي ان تتعود عليها ويتعود المريض علي كمية الاكل التي يستطيع اكلها طبعا يجب التنبيه بان البالو يركب باقطاع الخاص فقط وللاسف لا يوجد مستشفي حكومي مسموح له بتركيبها . تركيب البالون ... تكلفتها قرابة 700 دك
السلام عليكم دكتور انا حابه اوصل لحل انا اخاف من العمليات وتعبت من كثر ما اسوي رجيم والحين كل ما ابتدي برجيم اتعب وايد اعصب امل بسرعه ووزني ما ينزل بسرعه لو اقعد شهر ابي حل دكتور انا عمري 29 ووزني 135 وطولي 171
الاخت / شموخ كتلة جسمك 46 .. معناها معاك سمنة مفرطة , ومن المعروف ان نسبة نجاح الحلول الغير الجراحية لمعالجة السمنة المفرطة لا تتجاوز 5-10 % لذلك مو من الغريب انك قاعدة تفشلين وعلي عمرك هذا انتي معرضه للزيادة اكثر في المستقبل .. انتي تحتاجين الي عملية سمنة ..راسلينا عالخاص ونرتب لك موعد لمناقشة العملية اللي تحتاجينها وسلامات
دكتور انا سويت العملية تدبيس وتغيير المسار من 25يوم وذبحني الترجيع اي شي اكل حتي الماءساعدني الله يخليك
سلامات قعدي علي السوائل الشفافة ( ماي. عصير تفاح ) 30 لم بالساعه لمدة اسبوع إذا مافي تحسن خلال اليومين الجايات بلغينا في اإلام بالبطن ؟ سلامات
هلااااااا ام منصووور والحمدالله عالسلامه عيني عليك بارده ماشالله وماتشوفين شر .. لا تنسين الوصايا العشر للعمليات التكميم !!! راح اسمعهم لك بالعياده انشالله بعد اسبوعين ,, ومثل ماقلنا اذا في اي شي بلغيني عالتلفون علي طول بغض النظر عن الساعه كم والتسريب الواحد يقلق منه من اليوم الخامس ( يعني بالنسبة لك بعد يومين ) الي اليوم الرابع عشر بعد العملية .. لكن لا ننسي ان احتمال حدوثه قليل جدا انشالله واذا الله قدر وصار التدخل المبكر يمنع مضاعفاته ويسهل التعامل معاه بنجاح ومن اجل هالامر اي عرض اتشكين فيه بلغيني علي طول بغض النظر عن الوقت وانشوووفك نازلة 40 كيلو انشالله قريبا نسينا لا نسالك : شرايك بمستشفي اللجهراء ..؟؟
السلام عليكم ...................... اسفه اني تأخرت على الرد بس لأن عندي وايد زوار والصراحة ما تخيلت مستشفى الجهراء جذي واايد ذكرني بالمستشفيات الخاصة بلندن ماشاء الله عليك طاحت ريلك و انت واقف علي بس يبيله بعد غرف لأنه عندكم نقص وايد بالغرف بس عنايتكم غطت هذا الشي وانا الصراحة من سكان منطقة كيفان بس لما سمعت عن سمعة الدكتور ابراهيم توكلت على الله ورحت له وكنت خايفة وايد بس الحمدلله طلع مثل ما قالولي عنه و احسن وابي اشكر ربي اولا و الدكتور ابراهيم العنزي ثانيا على كل شي سواه لي واتمنى من كل وحدة تبي تسوي هاذي العملية انها تروح للدكتور ابراهيم العنزي ومشكووووووووووووووووووووووووووووووووووووووووووووووووووووووووووووووووووووووووووووووووور على كل شي
السلام عليكم شلونك دكتور ماعليك امر متى ابدا اكل انا لين الحين بس عصاير وصارلى اربع ايام اشرب شوربة مايعادل استكانة مرتين فاليوم
حياك الله منصور ومشكووووره عالكلام تحنا ماسوينا الا واجبنا انتي صار لك اسبوعين وما في استعجال علي الاكل لازم انعود المعده شوي شوي .. كملي عالشوربات والعصائر الثقيله اسبوعين القادمين ممكن اتجربين الجريش المخفف حيل علي الاسبوع الرابع من العملية .. تذكري عدم الشرب والاكل مع بعض , اخذي راحتك بالشرب ( وحتي الاكل بعدين ) ملعقه او ملعقتين كافي كل وجبة .. والوجبات اكثر من 3 مرات باليوم ... كل ساعه او ساعتين اخذي شغله .. بلغينا الاسبوع القادم شصار عليك كم نزلتي كيلو من العملية ؟؟؟ طبعا احنا قاعدين نعدي فترة الخوف من التسريب بحمدالله وسلامته وماتشوفين الا العافية انشالله
السلام عليكم يعطيك العافيه دكتورانا وزني 104 واول مره يصير جذي وطولي 154 وفيني ربو وفتاق كبير حتى موقادرين يسونه عشان الربو فا فودي اسوي تكميم شتنصحني فيه دكتور وباي مستشفى
السلام عليكم شلونك دكتورعندى وحدة من الاهل من كثر ماقتلها وبصراحة مدحت شلون معاملتك الانسانيىة مع مرضاك ومباشرتك لهم قبل وبعد العمليةتبى تسوى عندك شلون وانا ابشرك نزل وزنى 10كيلو وان شاء اللة عقبال 30 واحمد ربى على الصحة والعافية
هلاا ام منصوور مشكوووره علي تواصلك للاخوات العضوات يتعرفون علي العملية من وحده جربتها ومتابعه معاهم علي منتدانا هذا ... الله يجزيك الف خير وكثر الله من امثاك .. وانشالله بقية مرضانا اللي قاعدين يتابعوننا هني بصمت انهم يتشجعون ويبلغوننا عن خبرتهم بهالعملية عشان الكل يستفيد .. ويصير بميزان حسناتهم .. لان مافي احد يقدر يتكلم عن العملية اكثر من اللي جربوها بالنسبة لنزولك 10 كج خلال ثلاث او اربع اسابيع هذا شي مطمئن والحمدالله اما بالنسبة لهدفك الثلاثين نبي انزيده ونقول نبي 35 او 40 اذا امكن - مع شوية جهد بالمستقبل راح تقدرين اتنزلينه لهالرقم لو تبين باذن الله بالنسبة لقريبتك .. حاضرين وانشالله بتشوف العافية .. بس كم وزنهم وطولها ؟ عمرها؟؟ حالتها الصحية العامه ؟؟؟ ننتظر ردك
ان شاء اللة بخليهاتشارك بالمنتدى وتقولك جم طولها وزنها احس مباشرة وتقولك انا قريبت ام منصور علشان تعرفها باجر بالكثير باذن اللة تكلمك ويعطيك العافية اللة يكثر من امثالك لبلدنا الحبيب الكويت دكتور انا حاضرة اى وقت احد بيسأل عن اى شى سواء بالمنتدى او بالتلفون مستعدة بأى وقت حتى لو عندك برنامج تلفزيونى انا اشارك بالتلفون كونى مسوية عملية التكميم عندك لازم رد شوى من جمايلك ادرى بتقول ماسوينا شى هذا واجبى بس يادكتور اى دكتور يسوى عملية وينتهى دوامة ويروح بيتة بس يشوف المريض على المواعيد بس حضرتك قاعدتباشر مرضاك باى وقت اناجرب باى حزة قاعد ترد طبعا بالمستشفى كل بس اتصل عليك ماتر اتفاجأحضرتك فوق راسى حتى الاهل الكل يقول اذا بنسوى اى عملية نبى دكتور ابراهيم للعلم اهم مو سكان الجهرا
السلام عليكم ممكن من الاخوات احد يفيدنى عن تخسيس بالليز او تخسيس عن طريق الاعشاب او الزيرونااو اى وحدة مجربة تخسيس من غير جراحة وجزاكم اللة الف خيرررررر
