ياليت تساعدوني جربت مره ليزر بعياده...الله يسامحهم حق ويهي الشعر مثل مااهو ماجني قطيت فلوس وفوق ال8 جلسات تقريبا ولا بعد كانو يشيلون الشعر بموس اول وبعدين الجل وبعدين الليزر الحين شعر ويهي اسود وثقيل مع انه قبل خفيف بس ماكنت اقدر احف بخيط لانه يحبب فا قلت ليزر مره وحده واريح فيا ليت اللي مجربه ونفع معاها تقول لي وين وبجم وذا بعد تعرفون تقشير سنع قولولي لاني جربت كرستال وماحس انه سوا شي صج لمعان وحلو وتقريبا يفتح الويه بس مايصفي ابي بشره صافيه ولون واحد فياليت اللي تعرف بعد تقول لي وذا بعد تعرفون شي عن الفراكسل قولولي واكون شاكره لكم
أختي زلابيه ,, عندج دلال التركيت حيــل يمدحوونها .. وفي عياده أسمها يوكو أبولو بحولي .. هم يمدحونهــا .. ويقولون أسعارها معقـووله .. وبالنسبه للتقشير .. مادري .. لأن ماحب أسوي تقشير أحس يخربون البشره .. جربي تسويـن تنظيف بشره .. ترا أحسن من التقشير الكرستالي ! وهم تنظيف البشره .. ينقي ويصفي و يوحد لون البشره .. وماعندي فكره عن الفراكسل .. إن شاء الله أكون ساعدتج ..
حبيبتي قنال الصايغ مرت اخوي سوت عندها وحيل نتايجه كانت روعه عليها .. ومن قبل مسويه بطيبه كلنك بس نهائياً ماعجبها .. وكملت مع قنال .. والجلسه بطيبه والا عند قنال بنفس السعر
انا عن نفسي انصحج بمركز اوبااجي او مستشفى العرف وترى الاثنين نفس الشي بس اوباجي اغلى من مستشفى العرف هذا الفرق بينهم
جربي أوباجي سنتر بالشعب البحري صج أسعارهم شوي مرتفعه بس النتيجه حلووووووووه . والفركسل ليزر عندهم سعره 150 دينار الجلسه وهو نوع من أنواع التقشير العميق حق إلى عندهم مشاكل بالبشره /حفر من أثر الحبوب تجاعيد / توحيد لون البشره . ( وعدد الجلسات يحددها نوع مشكلة البشره) وليزر الشعر ألاحظ حتى الريايل بالسنتر . ومستشفى دار الشفا عيادة الجلديه أنا مجربه (الكرستال) الجلسه 35 دينار كل 3 أشهر أسويها وايد حلوه النتيجه حتى ليزر إزالت الشعر عندهم وايد ممتاز عيادة كير كلينك بحولي . حق ليزر الشعر وكل جلسه أو جلستين تنزلج السعر (الوجه 20 دينار) والشفره لازم تستعملها علشان الأشعه تكون رأسا على البوصيله مباشرتا. ونصيحه لاتنطرين لين الشعر يطول وتروحين .خلي الجلسه مع آخر أيام الدوره الله يعزج. برمجي نفسج على هالشي. أهم شي تستمرين لأن النتيجه بعد 3 إلى 4 جلسات بتلاحظينها ... وعلى طاري الشفره أنا جربت أكثر من عياده (مستشفى السلام على أيد دكتور جدا استفدت بس غالي- بوحمرا كلينك ماعجبتني معاملتهم ) لازم يستملون الشفره!!!!!! فيه عيادة الدكتوره هناء العدساني ماتستعمل الليزر تستعمل شي أسمه السفت لايت بدون ماتستعمل الشفره وحلوووو والنتيجه بطيئه بعض الشي. ونصيحه... مشاكل البشره مو بيوم وليله تنحل سألي عن معاناتي الطويله سنين ،،، وأحين بشرتي ما أبالغ إذا قتلج في كل مجلس أكون فيه يسألوني شنو أسوي بويهي ,,,,, بعد رحلة علاج مشاكل البشره وليزر الشعر خلال سنتين . وياليت تراجعين دكتور الهرمونات جايز فيه لخبطه بهرمون الأستروجين هو مخلي عندج مشكلة الشعر القاسي . وتعالجين السمنه لاقدر الله إذا عندج هالمشكله (أحد أهم أسباب لخبطة الهرمونات). ولا تكثرين من الأغذيه إللي معالجه بالهرمونات (الدجاج المجمد و الجنك فود) حتى البصل بأنواعه مووووو شي كلش !!! والأهم من المهم لا لا لالاتنحبطين ولا تملين وصممي على هدفج وحبي بشرتج ودلليها . وموفقه ..ويارب قدرت أفيدج..:wink_smile: اللهم إغفر ورحم أمي وأبوي وجعل اللهم مستقرهم في جنات النعيم مع الأبرار والصديقين . آمين يارب العالمين .
والله يا اخيتي انا جربت عيادة طيبه كلنك و عجببني الشعر ما يطلع الا بعد شهر و شي هذا من اول مره بس شنو ما يشيلوون عدل يعني رديت البيت شعره هني شعره هنااك و اسعارهم الشوارب 10 و الذقن 15 بس اللي يشتغلون هناك حبيبيين جدا و سمعت ان ليزر السلام هم زييين و كل الوجه ب 20 و انشالله تلقين الاحسن و الاحسن
اي اوباجي اكيد لا يعلى عليه بس مارحت له ناويه اروح له ان شاءالله للاسف انا رحت العرف عند دكتوره نيفين فوق العشر جلسات وخلت الشعره سوده مع اني شعر ويهي خفيف بس ماكنت اقدر احفه بخيط يحبب فا قلت اسوي ليزر شاكره مرورج حبوبه
اي والله امدحولي عياده مستشفى دار الشفا اخت رفيجتي مسويه ليزر عندهم بس ان شاءالله ناويه اروح اوباجي بعد مركز عالمي معروف ماعتقد يخوورونها اهني بالكويت يخافون على اسمهم وسمعتهم شاكره مرورج يا حياتي ان شاءالله اكيد بكمل بحثي بعد عن العيادات لاني متردده دايما ماهد هالطبع الحلو ههههههههه والله يرحم اموات المسلمين ان شاءالله
طيبه كلينك درب علي من الجهره لصباح السالم عالعموم يعطيج العافيه حبيبتي شاكره مرورج ماقصرتو كويتيات يعطيكم العافيه ان شاءالله كفيتو ووفيتو ان شاءالله يستفيدون البنات
حبيبتي روحي لعند الديرة كلينك بالمرقاب و الله راح تدعيلي انا ه الحين بعمل جلسات عندهم اسعار مرة معقولة و خصم 5 دينار في كل جلسة بعد الجلسة الرابعة
حبيبتي انا اول مرة اشارك واتمنى مشاركتي فيها خير ربي يجمل وجهج بالايمان ومحبة الناس يارب بس استخيري ابرك والكل بيقول هذا وهذاك انتي اخذي اللي الكل مجتمع عليه وتوكلي على الله
انا سويت بالمنار كلينك جهاز بارد ماكو الم ولا شي 6 جلسات وجسمي ولا شعره وبين كل جلسه وجلسه يسسون جلسة رتوش الي اهيا تنضيف جذي المجموع يصير 12 جلسه والاسعار تهبل اي استفسار راسلوني عالخاص
هلا حبيبتي كل ردود البنات على عيني وراسي بس انا سويت عند بوحمره كلينك عند دكتوره اسمها (جود ) والله ان معاملتها اتينن من اول مارحت لها واهيا اترحب فيني وسويت عندها 5 جلسات ليزر للذقن والله الحين صارلي 7 سنين ولا شعره مع انه كان اسود وعرد بس الحمدلله الحين مافي شي
يختى احترنا وين نروح بس انا رحت عند لارى خياس بخياس تخيلوا جيتهم الساعه 9 ونص تقريبا جان يسوون لى بسرعه بدون ماالبس نظارات حطوا لى قطن على عيونى وبسرعه بسرعه وجنه كان المبلغ 45 على وجعى بس جان جك بم قالوا خلصنا مايمدى تخيلوا يوم غسلت وجهى ولبست ملفعى طفوا الليتات مايمدينى البس نقابى صج اى شى
السلام عليكم بنات انا من السعوديه وودي اسألكم عن عمليات التجميل اي مستشفى بالكويت هو متخصص بالعمليات تكفون ردوا علي
