صراحة حد الأخلاق وايد انحرجت من طيبتهم تخيلوا قاعدة اقولهم ان ماقدر أكمل جان تقولي انت مكسب ولا تحاتين حتى عربونج يرد انحرجت من طيبتهم والله الله يوفقهم يارب(؛
اي والله صدقتي ادارتهم موطبيعيه والله بناااات احرجوني انا بعد بطيبتهم واخلاقهم اول يوم دعمت الرصيف وانكسر التاير والله العظيم انه مديرهم يوم درا بالسالفه ياعندي لي المحل واصر انه ياخذ سويج السياره قلت له ابوي بالطريج قالي دقي عليه انا اكلمه والله العظيم بنات جدامي دق على مصلح وقال له ايي يصلحها ولا خذا مني ولا فلس وقالي احنا اهم شي عندنا خدمتكم داخل وخارج المعرض والله انحرجت بطيبتهم ماشاءالله انا كل معرض وياااااهم :teeth_smile:
انا زرت المعرض وايد عجبني مرتب ماشالله وضيافتهم وايد حلوه واذكر اني كنت مضيعه ودقيت على منسقه وماقصرت معاي دلتني الطريج وطولت عليهاا وتحملتني لما وصلت يت سلمت علي ورحبت فيني تهبل هالبنت وابتسامتها حلوه حبيتهاا واحب اوجه لها تحيه من المنتدى اذا كانت تقرى رسالتي اسمها فرح وصديقاتها المنسقات الي معاها كلهم يهبلون خووش معرض صراحه موفقين يارب
بعد عمري ام عبدالعزيز وانا والله تشرفت بمعرفتج انتي وباجي المشاركات كلكم تهبلون قضيت ايام حلوه معاكم فيج الخير والبركه كافي انج ذكرتيني لما قابلوني بالاذاعه واتصلتي وقدمتيلنا الشكر واحنا والله ماسوينا شي هذا اقل من الواجب احب اشكركم على هالموضوع وعلى الدعاوي الحلوه والله يوفقكم في حياتكم ومستقبلكم المهنى يارب
مشكوره ياعمري بنكش على هالاطراء والادارة كلها تحت خدمتكم بأي وقت.. حبيبتي انا ودي اشكرج على وقفتج معاي وشهاتكم بالحق والله ماقصرتي انتي واختج وباجي العضوات بصراحه كفيتوو ووفييتوو وانا انصدمت من الكلأم الي طلع من هالانسانه ماتوقعت توصل الوقاحه لي هالدرجه بس فعلا مثل ماقلتي اذا لم تستح فافعل ماشئت :smile: الله لايبلانا يارب وعساكم عالقوه بنات ديرتي وان شاء الله نكون عند حسن ظنكم
ياقلبي انتي الي تهبلين واشكرج على هالكلأم الحلو والله صراحه فاجئتوني بالموضوع واحرجتوني انا ما استاهل كل هالكلأم الحلوو اشكركم مره ثانيه وتسلمووووون احبكم :$
حبيبتي فرح والله شرف لنا انه كنا بمعرضكم وكافي ان اللي كاتبه الموضوع اشهدت فيه وبرود اعصاب بعد كلهم شهدو ان المعرض ناجح قبل لا تكتب عنج ((-----)) مابي اقول نكها الموضوع وتتبلى عليكم وهذا دليل على انه احنا مو متفقين علشان بس ندافع عنج وعن المعرض مثل ماقالت وحبيبتي لا تتضايقين هذيله اعداء النجاح والله يكافينا شرهم :wink_smile:
السلام عليكم مبروك على نجاح المعرض من الردود ماشالله مبين نجاحه وياليت اذا سويتى معرض ثانى تدزين لى مسج ووين العنوان راح يكون انا اهم شى عندى المعامله اهم من الماده انا لما اشتركت بمعرض مزاين فى الميريديان لأول مره بحياتى الله يذكرهم بالخير وثانى مره وآخر مره بمعرض الروضان اللى عقبه توبونى عن المشاركه بأى معرض الله لايذكرهم بالخير بس هذا اللى اقوله لهم ام رتاج مع الأسف معرض سىء بكل المعايير ***اما معرض مزاين للحين اذكرهم بالخير الأخت رهام والأخت دعاء بورحمه قمه فى الأخلاق والذوق والله يشهد على ماحصلت الا سعر اجار الطاوله بس مع هذا كنت كل يوم اوقف فى المعرض من الصبح الى الليل من كثر مانى مرتاحه نفسيا ماحس بتعب ولاارهاق كانو موفرين كل شى ومتعاطفين معانا الى آخر حد ويسألون اذا مضايقين من شى ناقصنا شى والمشاركات بعد وجيه طيبه وفعلا المكسب الناس الطيبه مو الماده كنت احس انى ببيتى من كثر ماكنا عايله وحده شعور طيب ماينسى ولا الفلوس وسخ دنيا تروح وتجى واللى يبقى العمل الصالح حبيت أشارك معاكم وأتفاعل مع الموضوع والله يهدى الجميع
تسلمين يالجوازي الله يبارك فيج يارب ... والله يوفق الجميع ومثل ماقلتي اهم شي المعامله ولا الرزق على الله واهم شي تكون عندج قناعه بهالشي والحمدالله ويشرفنا تنضمين لنا في المعرض الياي ان شالله اذا حددو التاريخ راح انزل موضوع وموفقين جميعا ان شاء اللله.
حبيبتي بنكش ماقصرتي وانا الي تشرفت بمعرفتج والله انتي واهلج ناس في قمه الاخلااااااااق وانا عندي قناعه ان كل نجاح لأزم يمر بعقبات والله يكافينا شر الحاسدين
