للصبر حد .. ووحشتك مالها حدود

للصــــبر حد .. ووحشتك مالها حدود
ياللي غـــلاك أصبح مع الوقت عــاده



أشتاق لك مع سايق النفح والنـــــود
وأوله عليك أكثر .. واحبك زيــــــاده


وأتووق لك عن كل زايد ومــــــزيود
وأطهـــر من شعور الملل والنكاده


أنتي غلاي وسيـــّـدة كل منشــود
لك داخلي .. دوله وعسكر وقـــاده !!


فيك الحسن يعطي مواثيق وعهود
ويوصلك حد الهيـــــــمنه والريــاده


وفيك الدلع يروي معاليق وكبــــود
وتطغى عليه مع الجمال الركــــاده


والخصر جــايع وأكسل الرمش محسود
يصيد صيـــــد .. ومستحيلً مصاده


والسايب اللي كنه الليل مســــرود
ليلً كســـى لليل السهر من سواده


والثغر يحوي له من العقد منظـــود
بين الكــــرز مصدر طموح وسعــاده


سكــّـرك .. لوحلو به الطيب والجود
صار اكثر العالم عليه الأشـــــــاده


نونك عنب يسلب من شفاك عنقود
وواوك عيونً ذابحتها البــــــــــلاده


وباق الأسم حاضر مزايا وموجـــود
وياخذ من حروف الفخر والسيـــاده !


كلي على لاماك ضايق وملهـــــود
شوقي تعب .. واركان وصلك عياده


يانرجسيــّه ماورى صدتك فـــــود
ولالك بتغريبــــي عليك استفاده


شــــاعرك لو حطوا به اغلال وقيود
ياصلك .. لو دونك تكون الاِبــــــاده


دام الغلا بأطراف مغليك ممــــدود
ماهمني جيش الزمن مع عتـــــاده


اتمنى تعجبكم..يا الغوالي..​

يشرفني اكون اول وحده ارد على موضووعج
الكلماات روووعه
يعطييج العافيه و ما قصرتي وعسااج عالقوه

سلمت اناملك ياقلبي
ابدعتي بالطرح
لاخلا ولاعدم

لاهنتوو يالغوووالي عالمرور..​

قصيده حلووووووووووه

تسلمين يالغاليه على النقل

بنتظار جديدج

مررت لاتذوق عذوبة المشاعر المنثوره هاهنا

فحلقت في سماء بوحك

لارتشف واستمتع بقطرات المطر
المحمله باروع الابداعات

والاحاسيس الرائعة

سلمت يمينك ودمتي على الابداع

ام سوير.. يسلموو غلاتي عالطله..


رحوووول.. مروركـ نـــور صفحتي.. لاهنتي غلاتي..​

الله يعافيك حبيبتي..

لاهنتي يا غلاي ..

كلمات شفافة تلمس المشاعر
فعلا اللي كتبها رقيق المشاعر

يسلموو غلاتي
لا خلى ولا عدم :smile:

لاهنتي غلاتي كيوت فيس..عالمرور الرائع..​

موضوع رائع يعطيج العافيه

الله يعافيك..غاليتي عيون المها.