ليش نزلتي عيونك ارفعيها وطالعيني ...

ليش نزلتي عيونـك ارفعيهـا وطالعينـي

والا يعني انحرجتي يوم جاوبتـي سؤالـي

ليش قلتيلي احبك ليـش كنتـي تخدعينـي

ليش قلتيلي حبيبي ليش قلتيلـي ياغالـي

كان ممكن ما احبك كان ممكـن تتركينـي

كان ممكن من البدايه تخدعي غيري بدالي

ليش انا بالذات يعني ليش قولي جاوبينـي

بعد غدرك خبريني وقولي بس شلي بقالـي

والله اني ما جرحتك ليش انتي تجرحينـي

هنت على قلبك حسافه وانقضت اجمل ليالي

والقهر للحين احبك وادري انـك ماتبينـي

والمحبه من طرف واحد نهايتهـا زوالـي

كان عمري بيدينك قولي وش كان بيدينـي

أذكر انه من غلاتك كان قدرك فوق عالـي

كنت اتجاهل واطنش يوم نغزاتـك تجينـي

وكنت اقول الحب اكبر من تصرف لا مثالي

ابغي من وقتك دقيقه وليت انـك تمنحينـي

بس بقولك ثلاث اشياء واروح امشي لحالي

اولآ فعل(ن) احبك كنتي قلبي كنتي عينـي

وكانت الدنيا بوجودك شي روعه شي خيالي

ثانيآ عـاللي بدر مني دخيلـك سامحينـي

يمكن انه زل لساني وقلت انك راس مالـي

ثالثـآ اسألـك بالله واطلبـك لا تذكرينـي

احرقي كل القصايد وانسي اشواقي ووصالي

المهم اني اببعد وانتي روحـي واتركينـي

ارجعيله ومثلي دور البريئه اللـي تبالـي

وفي النهايه قبل ما انسى ابقولك كلمتينـي

ترى هذا اللي تحبينه هو محمد ولد خالـي ​

مبدعه


لاهنتي حبيبتي :smile:

يسلمو وثانكس ع المرور​

الله جنااااااااان
سلمت اناملك حياتي
لاخلا ولاعدم

رووووووعه.. يسلمووو غلاتووو​

كلماااات روعة
تسلمين حبيبتي

الله يسلمكم ومشكورين على مروركم الراقي يا قلبي​

ابداع وربي
يسلموو غلااتي عالكلمات
راقتلي
انتظر يديدج

والقهر للحين احبك وادري انـك ماتبينـي

والمحبه من طرف واحد نهايتهـا زوالـي
رووووووعه مشكوووره يا الغلا

هذا من ذوقكم الراقي يالغلا ويسلمو على موركم​