اليوم الرابع انا امس كنت بريك بس الحمدلله ما خربطت وايد الحمدلله انا اليوم ما تريقت بس تغديت مرق شبزي مثل الشوربه بدون عيش و الحمد لله وعشاي توسته محمصة مع جبن و تفاحة الحمدلله عدا اليوم على خييير صراحة انا ودي اكل كاكاو بس اعوذ بالله من ابليس قاعده احااارب نفسي ماكل كاكاو الله يستر !!!!!!!!!! نشوفكم باجر
والله انا سألت دكتوري لما كنت حامل وقلت لها هل صحيح تسبب عقم بذرة الكتان قالت لي لا ماتسبب عقم ولا شي بس مانصحتني اخذ ولا برنامج غذائي وانا حامل .. وانا بجرب بذرة الكتان وماي الزعتر بس كل يووم باجر مالي خلق ابدي مافي طموح عندي هههههههه
حرام عليج مرق شبزي وبدوون عيش مو شي << تبي تخربها هههههههههههه اتمنى لج مزيد من القووه والاصرااااااااااار ماشاء الله تبارك الرحمن ان شاء الله تستمرين على هالعزيمه والله يرزقج من رزقه بأقرب وقت
مرق الشبزي كله خضرة وما اتوقع يسبب سمنه والحمد لله ما كليتي ككاو انصحج بالعنب كثري منه تره يحرق الدهون وانا ساعات اذا حبيت اسوي ريجيم واحس نفسيتي مفتوحة للأكل.. احل المشكلة بأني آكل (علك) وأظل بالساعات أمضغ العلج (المهم احرك حلجي ) :teeth_smile: وهالطريقة تخفف وزني وايد وتخفف رغبتي بالأكل بس انها شوي تسوي غازات بالبطن
ميرسي يا حلوين على مشاركتم معاي اليوم و الله كانت عندي عزيمه ما جذب عليكم انا كليت بس رحت بعدها مشيت و حرقت اللي كليته بس هذا مو عذر انا حلفت اني ماجذب عليكم انا راح ارجع باجر وبقوه انشاله عسووووووووله و ياريييت احبكم و ماراح اخذلكم انشاله:wink_smile:
موووفقه يالغلا وواصلي فدييتج عاد انا اليوم هم ماكله ككاو وطول الوقت اعاتب نفسي ماقدرت اقاوم انا ماسوي ريجيم بس احافظ علا وزني عقب الولاده
