قصيده من خلف السجون

السلام عليكم

هذي اول مشاركه لي بهالقسم...

ان شالله تعجبكم مشاركتي..

انقل لكم هذه القصيده وهي قصيده حزينه الله يجعل ايامكم كلها وافراح ولا يريكم اي مكهروه

كان الشاعر الكبير في أحد السجون وكان جالس في أحد الممرات وفي ذلك الوقت مرت طفلة إسمها

( ريم وأمها ) داخلين لزيارة سجينهم ، والشاعر سمع صوت الأطفال فتذكر أبنائه فدمعت عينيه

فرأته ( ريم ) فقالت ريم لأمها : ( يمّه الرجال يبكي !! ،، فقالت أمها زاجرة : ريم

عندها ،، كتب الشاعر هذه القصيدة ...

أبكي وعيني تسهر الليل يـا ريـم

مدري بلاها الشوق والا الظليمـه

يا ريم دمع العين مدري على الريم

والا على قلبن تواكـل صميمـه

تقول لاطمني علـى نونهـا سيـم

أبكي وعندي لأزرق الدمع قيمـه

ويمكن يكون الدمع للعيـن تكريـم

ويمكن يكون إلها عذاب وحريمـه

والله يا لولا دمعتـن كنهـا الديـم

راحت ضلوعي من عذابي حطيمه

ودم البكا يا ريم ما فيـه تحريـم

يا عنك والله لأرخص الدمع شيمه

وابكي على حالي من الوجد وآهيم

لين الزمن يخلـف عليّـه نسيمـه

أبكي حياتن صافيه ما بهـا غيـم

وين المحبـة والقلـوب السليمـه

أبكي قهر وابكي من الغبن والضيم

وابكي من طعونن بقلبـي قديمـه

غدر الزمن خلّى بوجهي مراسيم

وما يذبح الرجال مثـل الهزيمـه

بعض المصايب شرها ياكل الهيم

وشلون بكبود الرجـال الكريمـه

وبعض المصايب يخلفن المفاهيـم

تبغى على ما قيل صبر وعزيمـه

مظلوم بالدنيـا وغيـري مظاليـم

من عرض ناسن لبسوهم جريمـه

ما عاد أبي من سود الأيام تعليـم

عقب العذاب اللي كلاني جحيمـه

ولو تصفي الدنيا علـيّ الملازيـم

ما عاد أدور من وراهـا غنيمـه

يسعدني اني اكون اول من ترد
قصيده ولا اروع
راقت لي
صح لسان شاعرها والله يفك عوقه
وتسلمين ياقلبي على النقل الرائع مثلج
دوووم مبدعه بختيارج
وبنتطار جديدج لاهنتي

نووورتي صفحتي ام سوووير....

حياج ومشكوره عالرد

فعلا كلمات حيل حزينه
اثرت فيني
تسلميلي ياقلببي عالموضوع
ولا توقفيين نبيج تنورين قسمنا بمواضيعج :smile:
انتظر يديدج

رووووووعه صح لسان شاعرها..وسلمت يمنى ناقلها..
عووووافي..

حياااكم الله نورتوو

الله روووووووعه
صح لسانه الله يفك اسره واسر المسلمين
سلمت اناملك على النقل
لاخلا ولاعدم

حياج الله وتر....

تسلم يمينك عالطرح المميز والانتقاء الراااائع
ما ننحرم من جديدك
سجلي اعجابي بك وبذائقتك
تحياتي

يسلمو قصيدة رائعه لا تحرمينا جديدك​