السلام عليكم ورحمة الله وبركاته يا جماعه انا عندي مشكله وابي منكم تساعدوني بلييزز.. امي صارلها تقريبا شهر جهة اليسار من رقبتها الا اصبع ريلها اتحس في شي ياكل بعضمها عوار مو طبيعي معاها رحت حق كذا مستشفى ماكو فايده اخر شي قلنا لها روحي دار الشفا يوم راحت قالها الكتور ابيج اتسوين رنين مغناطيسي واهيه ما تقدر اتسويه لان نفس التابوت شكله واهيه معاها ربو ما تستحمل هالجهاز قالولها في واحد مفتوح المهم راحت شافت الجهاز ودشت عشان ياخذون لها رنين مغناطيسي ما قدرت تستحمل واختنقت وارتفع ضغطها مع ان انا امي مو وايد كبيره بالسن توها بال 40 وقالوها لازم انخدرج وما يصير تتخدر لان فيها ربو تختنق لان واهيه واعيه جسمها ما استحمل الجهاز شنو بيصير فيها اذا كانت متخدره وحطينه لها خدامه بس حق مساج اتسويلها وماكو فايده بليز اذا في وحده اتعرف شيخ او اي احد يعالج علاج طبيعي بالكويت تقولي وتفيدني لان جد مسكينه مو قادره تنام اللي تقوم وتنام واهي تبجي من العوار وصل لي ظهرها فيدوني الله يشفي كل مريض ويشفي امي يارب
الله يشافيهااااااااااا يا رب والله ما عرف بس حبيت ارفع موضوعج بدعوه انشاالله البنات ما يقصرون وياج اللهم اني عبدك , وبك املي فاجعل الشفاء في جسدي , واليقين في قلبي , والنور في بصري , والشكر في صدري , وذكرك بالليل والنهار مابقيت على لساني , وارزقني منك رزقا غير محظور ولا ممنع . يامسهل الشديد , وياملين الحديد , ويامنجز الوعيد , ويامن هو كل يوم في امر جديد , اخرجني من حلق المضيق الى اوسع طريق , بك ادفع ما لا اطيق , ولا حول ولا قوة الا بالله العلي العظيم
فديتج تسلمين يالغلا وماقصرتي ويارب الله يشفي كل مريض ومريضه ويارب الله يشفيلي امي وترد عافيتها نفس اول واحسن :sad_smile:
حبيبتي سويتي تحااليل شامله حق امج للعظم؟ فيتامين دال وكالسيوم وهشاشه هالثلاث تحاليل سويتيهم؟اذا تبين علاج طبيعي ثقه وستاف كامل م التشيك وديها حق مساعد السعيد عيادته موجوده قريبه يم النقره الجنوبي وكل من راحله ارتاح بس لازم اتودينها حق دكتور غدد صماء يشوفها وتعرفين بالتحاليل شنو المشكله وربي يقومها بالسلامه وان شاءالله اكون فدتج
الله يشافيها ويطمن بالج عليها ممكن تستشيرين د ابراهيم عندنا بالمنتدى وان شاء الله يفيدج ومايقصر حتى اذا موموجود رقم موبايله موجود كلميه وطمنينا
الله يشفيها انشالله انا عمتي كان يعورها راسها وايدها بجهه وحده والكتوف وكلها بصوب واحد بس اخر شي طلع من عصب بالاسنان بهالصوب خل تروح تشوف اسنانها يمكن عصب حتي لو كان اسنانها ماتعورها خل تفحص كل الاحتمالات ممكنه
تسلمو فديتكم ع الدعاء سعوديه تحب الكويت انا امي العوار لي ريلها ولها بس خفييييف مو نفس ايدها مع جتفها وظهرها وتسلمين يا قلبي على مرورج بنات اذا فعلا اتعروف احد زين دزولي ارقامهم اذا تعرفونهم ع الخاص فديتكم وتسلمون لي يالغلا والله لا يحرمني منكم انشالله ويكون بميزان حسناتكم
حبيبتي امج صارت فيها هالشي فجاء ؟؟؟؟ في شي مكدرها لو سمح الله ؟؟؟ يعني في مشكلة صايره لو سمح الله و صار فيها جذي ؟؟ يعني تحس نص جسمها منمل صح ؟؟؟؟
الله يطمنج عليها ان شاءالله بس التحاليل تكون شامله كل شي حتى حق العظام وان شاءالله يكون شي بسيط وطمنينا عليها
حياااتي ماعرف بس حبيت ادش وادعيلها الله يشفيها ويقووووومه بالسلامه حبوبه عليك بالقران وبماي زمزم الله يشفيها ماقدمها الا العافيه ان شاءالله وطمنينا عنها
السلامم الله يشافيها ان شاء الله عوار الكتف والظهر احيانا تكون اسبابها القلب سويلها فحوصات شامله وسونار و ربي يخليلها لج ويعافيها
الله يشفيها ويخليها لج يارب ولا توسوسين اللي الله كاتبه بيصير .. لازم تسوي رنين علشان يشوفون اشفيها واذا مثل ماتقولين ماتقدر علشان الربو خل يحطون لها كمام اكسجين ويدخلونها بالجهاز في كمام اللي يصير صغير والواير طويل يعني ماتدخل الانبوبه وياها بالجهاز بس الواير وامانه طمنينه عليها اول ماتسوي الفحص وربي يخليها لكم ان شاءالله
فديتكم ما قصرتوا ع الدعاء والله لا يحرق قلبكم على اي شخص عزيز عليكم والله يشافيها انشالله وترجع لنا نفس قبل فديتها اشتقت حق ضحكتها اللي انحرمنا منها الله يشفي جميع مرضانا ومرضى المسلمين
