روايه انا قلبي مع احبابي ولا يرضى يخليهم , حيل خطيره انصح الكل فيهاا

- بسم الله نبدأ -

روايه آنا قلبي مع آحبابي ولا يرضى يخليـﮪم

* همسـه قبل ان ابــدأ :
احببت ان انوهـ بالبدايه , ان الروايه من نسج الخيال , ومن افكار تواردت في ذهني منذ مدهـ ..
فأي احداث تشابهـها بالواقع فهي مجرد صدفه لا اكثر ؛ !!






العاصمه الكويت - الساعه 9 ونص ليلاً .

كان فصل الشتاء بمنتصفه والناس داخلين بفرّشهم ونايمين , والبعض منهم يخلص اشغاله ويتجه لبيته كالعادهـ .
بس بهالوقت بيت ابو راشد توه مخلص من استقبال المعزين بعد موت خطيب غاده .
كان البيت مظلم والكل كان منهك بعد هالايام الثلاثه المتعبه , واتجهواا على طول يجهزون نفسهم للنوم .
بدور وهي تصعد الدرج بهدوء : لا إله الا الله , شوي شوي يا اولاد لا تطيحون ..
مريم : ان شاء الله يمااا
الهام وهي متجهه للحمام : روحواا شوفوا غادوو فشلتناا الله يفشلها , قطيعه حتى ما نزلت تستقبل الحريم هو عزااء خطيبنا والا خطيبها !!
بدور : استغفر الله . حراام عليج يا الهام , البنيه منصدمه وماكان لها نفس تستقبل احد وانتي دااريه انها من اول ايام العزااء ما كلمت احد ولا طلعت من داارها ..
الهام : احسن , عشان باجر يدخل فيها يني !!
ودخلت الهام الحمام وسكرت الباب بقوهـ , اما بدور اتجهت لغرفه غاده وفتحت الباب بهدوء ..
بدور : حبيبتي غاده تبين شي تاكلينه ؟
سكتت غاده وماردت على بدور كالعادهـ ..
كانت غرفه غاده مظلمه واللمبه مطفيه , اما هي كانت لامه رجلينها بيدينها وقاعده تصيح بهدوء .
طالعت بدور بوجه غاده الا ما وقّف من البجي من ايام وقالت بهدوء : خلااص غاده ماراح ينفع البجي هذا قضااء الله وقدره , الرجال مات الله يرحمه وبييج واحد احسن منه وبيعوضج ربي ان شاء الله .
قالت غاده بصوت هادي : عبد الله ما مات .
قعدت بدور على طرف سرير غاده وقالت : حبيبتي هدي روحج
واستغفري ربج وروحي صلي لج ركعتين , واغسلي ويهج وانزلي تعشي ويانا .
سكتت غاده مدهـ , بعدين قالت وهي تأشر على جوالها : هو كان راسل لي رساله على جوالي وقال لي انه بنتزوج وراح يقابلني اليوم الساعه 12 والله العظيم والله !!
مسكت بدور يد غاده وقالت لها : خلااص حبيبتي انا مصدقتج .. بس الصبّي مات خلااص راح لرحمه ربي .
بلعت غاده ريجها ووقفت على السرير وقالت بصوت عالي : لااا , هوو ما مااااات
صرخت خلود وهي بالسيب وقالت : غادوو روحي شووفي امج العيووز قاعده تناديج صجتنااا , افف !!
سكتت غاده لمده , بعدين نزلت من السرير وطلعت من غرفتها وراحت لغرفه امها .
ام غاده وهي تبتسم : غاده ..
كانت غاده واقفه عند باب الغرفه وقاعده تبجي كأنها ياهل فقد الحنان وركضت لحضن امها وقعدت تصيح ..
ام غاده وهي لامه بنتها بقوه : ما لن يصيبنا الا ما كتب الله لنا .
غاده وهي تصييح : يماا شسوي الله يخليج قولي لي !!
ام غاده : لا تسوين شي يا بنيتي , الله ياخذ شي ويعوض باحسن منه , بس خلاص حبيبتي لا تبجين .
غاده : بس يماا ماكو احد بيتزوجني عبد الله كان واعدني انه بياخذج معانا, انا ماصدقت بطلع من هالبيت بس للاسف حلمي انكسر نصين ومستحيل يتركب !!
سكتت ام غاده وقالت بهدوء : كل شي بيتصلح لا تخافين الله ما ينسى احد .



- نوقف شوي عشان اعرفكم على كل القصه الا قاعده تصير , غاده بنت متفائله وحبوبه , والكل كان يحبها , عمرها 20 سنه طالبه بالجامعه قسم المختبرات , شعرها طويل وناعم حيل ووجهها بيضاوي فيه ملامح طفوليه , كان جمالها جمال الله ماخلق مثله 40 ( عكس المثل )
عيونها عسليه وجسمها رشيق , والكل كان يتمنى تكون زوجه له , بس كان شرط غاده انه امها تكون معاها ببيتها هي وزوجها , لان ام غاده فيها اعاقه برجلينها وماتمشي الا بعربه طبيه وتحتاج احد يساعدها .
وكان عبد الله هو الوحيد الا حتى لو كان شرط غاده تاخذ اهلها كلهم معاها ماراح يخلي احد يتزوجها غيره , كان يعشقها بجنون ويغار عليها حيل ومايخلي النسمه تعورها , ولما توفى بالسرطان كانت صدمه غاده قويه وحست نفسها ضايعه بدونه .
اما عن عائله غاده , فهي شي ثاني وراح اعرفكم عليها بدون تفاصيل ..
منصور وهو ابو غاده , رجال غني و طيب وحنون وكل صفاته حلوه الا شي وااحد الا هو انه بخيل لحد الجنون - محد راح يتصور شدهـ بخله -
تزوج بعد اصابه ام غاده بحرمتين .
الاولى الهام , وهي انسانه مغروره اصلها -سعوديه- , تشتغل بتصميم الازياء , تحب المشاكل وودها يكون منصور لها بحالها , اما عيالها 5 .
راشد 18 سنه , ماجد 16 سنه , خلود 15 سنه , شذى 13 سنه , مهى 11 سنه .
اما الزوجه الثانيه فهي بدور , انسانه ملتزمه وماترضى على الغلط وتحب الكل , وعيالها 3 .
مريم 10 سنوات , رنا 8 سنوات , جاسم 4 سنوات .
كان منصور معيشهم كلهم بنفس البيت , وكان البيت الا يحمل هالعدد الكبير بمثابه القصر .
بعد التعريف راح نكمل الا وقفنا من عنده -



الساعه 11 ونص .
طلعت غاده من غرفه امها الا نامت من مدهـ , بعد ما ريحتها وخففت عليها , واتجهت لغرفتها بعد ما شافت الهدوء بكل البيت ..
قعدت غاده على سريرها بهدوء ومسكت جوالها الا كانت خلفيته صوره عبد الله , ماقاومت مشاعرها تشوف الابتسامه الا كانت بوجه عبد الله ونزلت دمعتها برقه , واتجهت للرسائل وقرت كل المسجات الا كانت منه والكلام الا كان يرسله لها بس لما اتجهت لاخر رساله ارتجفت وحست انها من جد ااخر رساله من عبد الله لانها خلااص ماراح تشوف رسايل ثانيه بعد موته ..
فقـرت الرساله بهدوء وكان مكتوب فيها : غدغووده قرّب موعد زوااجنا - الله حدي مستانس ^^ -
بغيت اقولج اني سجلت البيت الا شريته باسمج واسم امج .
اي صحيح حبيبتي ودي اشوفج اليوم الساعه 12 بالليل بمطعمنا المعتاد لا تنسين .
سكتت غاده بعد ما قرت الرساله وفجأه حست انه هالرساله مثل وصيه من عبد الله , فاتجهت لدولابها ولبست لها جنز طويل وبلوزه خضراا وعليها جاكيت اسود وتركت شعرها الناعم مفتوح .
وطلعت من البيت وهي تركض على رجولها واتجهت عند المطعم الا كانوا يتقابلون عنده .
ماكانت تدري ليش راحت هناك كأنها حاسه انه عبد الله هناك ينطرها ونست بهاللحظات انه مات !!
ولما وقفت عند باب المطعم تلفتت يمين ويسار وهي تطالع ساعتها وكانت 12 تماما , بس للاسف ماكان غيرها موجود هناك .
فجأه سمعت صوت من ورااها والتفت بسرعه وهي مبتسمه وقالت : عبد الله !
بس الشخص ماكان عبد الله كان واحد شكله مو ناوي خير ابد !
الشخص : اذا تبيني اصير عبد الله اصير لج مافي مشكله , ياحلوه هذا رقمي شرايك نتعرف ؟
سكتت غاده وعطت الرجال ظهرها ومشت بهدوء .
صرخ الرجال وهو يمشي وراها : انا اكلمج ياقمر انتظري .
التفت غاده فجأه شافت الرجال يركض بصوبها , خافت غاده وركضت بسرعه وما التفتت لورااء ابد .
مرت حوالي دقيقتين وغاده تركض والرجال يركض وراها وهو يكرر ويقول انه يحبها ويبي يتعرف عليها , ووصلت عند مكاان كله محلات وكان فيه ناس قليل فحاولت انها تضيّع الرجال .
فجأه شافت قداامها صندوق سياره - جيب - مفتوح , وكانت السياره فاضيه مافيها احد .
كان قلب غاده يدق بقوه من الخوف وماكان عندها حل الا انها تنط بصندوق السياره وتسكره عليها .
قعدت غاده بالصندوق وهي خايفه وماسكه قلبها ومو عارفه وشو تسوي
غاده مع نفسها :اخاف اطلع والقى الرجال ويمكن يشوفني احد بيقول بهالوقت ومع واحد غريب يااربي شسوي !!
فجأه حست غاده بصوت احد يركب السياره وحركها !
حطت غاده يدينها على فمها ودسّت نفسها عشان تضمن انه مايشوفها السايق من المراايه .
غاده مع نفسها وهي بقمه الخوف : شسوي !!!!!!

كانت غاده مرتبكه حيل ومو عارفه شتسوي ..
غاده وهي ترتجف : ياربي اخااف اتحرك ويحس فيني ويطلع مو ولد حلال , ياربي شرااح اسوي .. شهالمصييبه !!
بلعت غاده ريجها وقالت : راح انطر لما توقف السياره وانزل بسرعه ووقتها يحلها الف حلال .
ومرت اكثر من ساعه ونص والسياره للان تمشي , ملت غاده وكل دقيقه تضعف اكثر وتقرر انها تطلع وتكلم السوااق , بس فيه صوت ثااني يقول لها بقوه اصبري لما توقف السياره !
فجأه دق جوال السواق ورد عليه ..
السواق : هلاا والله عبد الله ..
عبد الله : هلا يالحبيب هاا وينك الحين ؟
السواق : قربت اوصل انتوا شخبار الشغل وياكم ؟! ..
بهالوقت نزّلت غاده عيونها وهي تتخيل عبد الله قدامها ومو متصوره انه مات للان ..وجلست تتذكر احلى الاوقات والاشياء الا مرت بينهم ..
وحست بضيقه وانها بتصيح بس تمالكت نفسها ..ولأول مرهـ تحس انه لما تفقد شي غالي عليك ماراح تنساهـ ابد وبيكون مكانه فاضي بقلبك وبتحس بفراغ كبير .
سكتت غاده وكانت هاديه طول هالوقت الا مضى , بعد فتره طالعت ساعتها وكانت على 2 وربع بالليل .
وفجأه وقفت السياره !
قفزت غاده وفتحت عيونها من الخرعه , وهي مو عارفه شتسوي كانت تبي تفتح الباب بس خافت وماهي عارفه سر هالخوف الغريب !
اما السايق فتح بابه وطلع يتأمل الجو والمكان اذا كان يناسب لشغله او لا ..
ابتسم السايق وقال: حلوو المنظر ,, اوك هنا ممتاز .
واتجه لصندوق السياره وطلّع مفتاحه ودخّله بمكانه عشان يفتح الصندوق .
بهالثوااني قامت غاده ترتجف وحست انها لو تموت بهاللحظه ابرك لها وماعرفت شتسوي ولما حست انه الصندوق انفتح حطت يدينها على وجهها وصرخت بقوه !
فتح السايق عيوونه من هالصدمه الا شافها وحاول يركب الموضوع ويستوعبه - بنت + بسيارتي + الساعه 2 + بالبر = مصيبه !!!
غاده وهي حاطه يدينها على وجهها وخايفه : لااا , الله يخليك لا تتحرك من مكانك
السايق وهو مستغرب : انتي منو ؟
وخرت غاده يدينها عن عيونها ونطت من الصندوق وطلعت لبراا , وحاولت تركض بأسرع ما عندها وما انتبهت لأي شي ..
السايق : ياااهو وين راايحه !!
فتحت غاده عيونها وهي تركض فجأه وقفت !
ولفت يمين ويساار وهي ما تطالع الا رمل وسمااء سوودا والقمر لا اكثر !
التفتت على جهه السياره والا هي مبتعده عنها شوي وقالت بصوت عالي : اناا وين ؟
السايق وهو محتار : بالبر بمسافه ساعتين بالضبط .
قربت غاده من السياره ببطئ وهي فاتحه عيونها ومو عارفه الا يصير حولها .
جلست على الارض من الخوف وهي مو قادره تشيل نفسها .
السايق متخرع : فيج شي او تعبانه الله يخليج قولي شفيج ؟
سكتت غاده شوي بعدها حركت فمها ببطئ وقالت : كل شي يصير غلط .. كل شي !
وبدت تصيح بقوه وهي ميته من الخوف .
قرّب السايق منها وهو خايف انه البنت مريضه وتموت بهالبر وقام يفكر بأشياء كثيره تخرعه وقال بصوت خفيف : انتي مريضه ؟
رفعت غاده وجهها البريئ وهي قاعده تصيح واكتفت انها تطالع بهالشاب الا قدامها ومو عارفه شنو تقول او تبرر موقفها .
كان الشاب انيق ووسيم وكان مبين عليه متربي ومو راعي سوالف ثانيه , كان لابس جنز اسود وبلوزه سوداا وعليها جاكيت بني جلد , وحاط على شعره كاب شتوي لونه بني ولاوي اطرافه ( قبعه صوف ) .
وكان طالع شويه من شعره تحت اذنه , وكان وجهه جاد وعيونه حاده وعنده سكسوكه وشوارب خفيفه جداا , وكان طوله وجسمه يدلون انه رياضي او انه رجال كامل والكامل الله , ما خبت غاده على نفسها انها ماشافت مثل هالملامح بأي شاب , واكتفت بالنظر ووجهها مليان دموع .
دخّل الشاب يده بجيبه وطلّع لغاده منديل ومده لها وقال : امسحي دموعج لا تخافين .
نزلت غاده راسها وهي مو عارفه شتسوي وخافت تاخذ المنديل من الشاب وحست روحهها ضايعه وماراح يريحها الا الصياح ..
سكت الشاب وحط المنديل على الرمل قريب من غاده وراح يطّلّع اشيائه من السياره ..
وبدأ الشاب بهمه ونشاط وهو يطلع كرتونين مليانين اشياء , وكانت كل الاشياء عباره عن كُمرات وحامل للكامره واشياء ومعدات خاصه لتصوير الفلك ( يعني النجوم والاقمار) .
وبعد مارتب الشاب اشيائه بطريقه مريحه له , التفت لغاده الا كانت معطيته ظهرها ولامه رجولها بيدينها وتطالع السمااء ..
قرب الشاب خطواته لعند غاده وقال بهدوء : بردانه ؟
اول ماسمعت غاده هالكلمه (( برداانه )) خطر على بالها عبد الله الا كان يجيب بشته ويغطيها فيه اذا بردت .
ماردت غاده على الشاب , فقال الشاب بهدوء : طيب تبين تاكلين او تشربين شي ؟
حركت غاده فمها بهدوء وبصوت مبحوح وقالت: متى راح ارجع ؟
سكت الشاب شوي وقال : انا عندي عقد مع مؤسسه اعلام ولازم اصور لها لقطات القمر والفلك لمده اربع ايام , اذا تبيني أأجل الشغل واردج باجر ماعندي مانع .
لفت غاده راسها ورفعته وهي تطالع الشاب بهدوء .
ابتسم الشاب ابتسامه خفيفه وقال : دخلتي بالغلط لسيارتي ؟
لفت غاده وجهها للسمااء وهبت نسمه خفيفه بارده على وجهها وطيرت شعرها بهدوء ..
قالت غاده بهدوء : رحت اشوف خطيبي .. ولاحقني واحد ..وماا ..
سكتت غاده شوي وكملت كلامها ودمعت عينها فجأه وقالت : وشفت السياره وتخبيت , هو لو كان موجود كان مارضى لاحد انه يحارشني .
الشاب : خطيبج ؟
غاده : اسمه عبد الله , بس ..
الشاب : بس شنو ؟
شهقت غاده وهي تتكلم بصعوبه وقالت : بس مات !!
سكت الشاب شوي وقال : عادي الحياه جذي وهذي حلاوتها ..
حطت غاده يدها على عينها وقالت : بس انا احبه ..
قعد الشاب على الرمل وهو قريب من غاده وقال : لو كان عايش وشفتيه يحب غيرج كان تمنيتيه يموت ولاتشوفينه وياها.. على الاقل مات وهو يحبج ..
الشباب كلهم جذي يقولون نمووت فيج ومن هالكلام بس من ورااج يطلعون البلاوي , المهم ماعلينا .. راح تنسين مع الوقت لا تتشائمين بسرعه الا جاب وااحد يجيب الف مثله ..
ولف وجهه على غاده وابتسم وقال: صح ؟
التفتت غاده على الشاب وهي حاسه انه كلامه غير عن الا قالوه لها الناس مع انه مايختلف عنه , وقالت بهدوء : اي ..
قفز الشاب بسرعه ووقف وقال : اوووووه برد برد يالله روحي اقعدي بالسياره قبل لا تصيرين ثلجه وانا بشوف مدير الشغل يمكن يعطيني وقت اردج .
قامت غاده وهي حاسه بشي غريب اتجاه هالشاب بس كانت مرتاحه لانه طلع ولد حلال , ودخلت السياره بهدوء وقعدت فيها الى ان جاها النوم ونامت بعمق .

بعد مامر الوقت وطلعت الشمس تعلن بدايه يوم جديد .
يوم الجمعه , 8 وربع صباحا - بيت ابو راشد .

كانت العائله تتفطر بهالوقت والكل على طاوله الاكل .
ابو راشد : وين غاده ؟
بدور : والله ماادري اكيد بداارها .
الهام : انا اقول خلوها بحالها هي تنزل متى مابغت ماعلينا منها ..
ابو راشد : على راحتها .
وكمل ابو راشد كلامه وهو يقول : اي صح بقولكم , انا بروح مع اصدقائي للشاليه يومين بالكثير وارجع .. لا تنسون قولوا لجواهر - ام غاده- .
بدور والهام مع بعض : ان شاء الله .
شذى : يباا عطني الخبز الا يمك
ابو راشد : اعوذ بالله انتي كله تاكلين خلصتي الخبز علينا الحين تنزل غاده بعدين ماتلقى خبز واروح اشتري لها خبز جديد , حراام شهالتبذير !
شذى : يبااا بس انا يوعانه !
الهام : شذى خلااص اكلي الا يمج واخلصي .
شذى : افف ان شاء الله يماا ..
راشد : يباا , بانزين سيارتي خلص امس , عادي تعطيني اعبيه ؟
كان ابو راشد ياكل ولما سمع هالكلام شرق ( قصّ) بالاكل وقام يكح وقال بعصبيه: يوم السبت عبيته لك متى امداااه يخلص , اقول بس اسكت قبل لا ااخذ السياره منك .. بعد هذاا الا ناقصناا يخلص الراتب على بانزينك !!
رااشد : افف .
وقام راشد من الطاوله وقال : الحمد لله شبعت .
الهام : ليش كذاا حبيبي خليته يزعل , حتى ما كمل اكله !

ابو راشد : احسن عشان يبقى شي للعشاا .
اما راشد صعد فوق لغرفته وقبل لا يدخل للغرفه شاف غرفه غاده وقال بنفسه : خليني اروح اتمصلح معاها تعطيني فلوس اعبي بانزين السياره !!
وطق راشد باب الغرفه مرتين , ومحد رد عليه ..
راشد : غاده , عادي ادخل ؟
ومارد احد عليه فقرر يدخل يمكن تكون نايمه او بالحمام .
ولما دخل مالقى احد بالغرفه وكانت الغرفه مرتبه وكان واضح انه محد نام فيها امس ..
راشد بهدوء : غاده انتي بالحمام ؟
استغرب راشد وماعطى الموضوع اهميه وقال يمكن تكون بالحمام ومالها خلق تكلم احد , وطلع من الغرفه وسكّر الباب واتجه لغرفته .

اما الاحوال عند غاده كانت حيل مقرفه بالنسبه لهاا .
كانت قاعده على سجاده صغيره وتطالع الجو القبيح خصوصاا انها ببر والجو مايكون بارد الا بالليل فكان بالنسبه لها شي مقرف .
كانت فاصخه جاكيتها ورافعه اكمام البلوزه ومتربعه ومتسنده على السياره ومو عارفه شتسوي ..
قالت غاده وهي منهكه :لو سمحت ماصارت فطوور نص ساعه وانت تحوس !!
الشاب : اصبري شوي انتي قاعده ومستانسه وانا سااعه اشتغل تراا مليت من قرقتج !!
غاده : لا والله وانا شذنبي اذا انت بطيئ !!
وقف الشاب وقال : انا اقولج وشو ذنبج .. اولا راكبه سيارتي وتتأمرين , ثانيا يمكن اخسر شغلي وانا اقعد اسوي لج فطور يليق بمقامج , ثالثا سكري فمج وخليني اشوف شغلي !!!!
وقفت غاده وقالت : افف ..
الشاب : على وين ؟
غاده : ابي اتمشى مليت ..
الشاب : لا والله شارع ابوج هوو , لو تضيعين شيلقاج بهالبر !!
غاده : اف اف اف ياربي .
وقعدت على السجاده ولمت رجولها بيدينها وجلست تطالع الرمل ...
غاده بهدوء : متى راح ارجع ؟
الشاب بتنهد : والله ماادري امس اتصلت اكثر من مره ومحد رد علي , واليوم بجرب ..
سكتت غاده شوي بعدين قالت : طيب عادي ادخل السياره الشمس ذبحتني ؟!
ابتسم الشاب وقال : انزين بس لا تحوسين , افتحي المكيف وبس .
غاده : انزين .
وركبت غاده بمكان السايق وماتحركت , انتبه الشاب انها مافتحت المكيف ..
الشاب : ماتبين المكيف ؟
غاده : الا بس ...!!
الشاب : ؟
غاده : الصرااحه مااعرف افتح المكيف !!
ما استغرب الشاب لانه كان حاط بباله انه غاده بنت صغيره واكتشف من ملامحها البريئه والناعمه ومن حركاتها الطفوليه , وماكان يدري انها بالجامعه..
الشاب : انزين انا بفتحه .
وفتح الشاب المكيف وراح يكمل شغله , اما غاده قعدت بالسياره قدام المكيف وتطالع الجوو ..
فجأه لمحت غاده شي على كتفها وصرخت بقوه !!!
فز الشاب من مكانه واتجه وهو يركض للسياره وفتح الباب وقال : شنوو شفيج ؟
نقزت غاده من السياره وقامت تنط بمكانها وهي خايفه وقالت : فييه شي على كتفي .. يمااااا فيه شي !!!
الشاب : طيب طيب اوقفي خليني اشووف شنو هوو !!
سكتت غاده ووقفت هاديه وهي تقول بخوف : الله يخليك لا تخليه يعضني واموت الله يخليج .
مد الشاب يده ومسك الخنفسانه الا كانت على كتف غاده ورماها على الارض ..
الشاب : خنفسانه !
غاده : خــ .. خنفسااانه !!
ابتسم الشاب وقال : اي خنفسانه !
فتحت غاده عيونها وهي متقرفه وقالت : وع وع وع وععععععععع ابي ارجع البيت الله يخليك رجعني وع وع !!
ضحك الشاب وقال: هههههههههه شفيج ترااهي بس خنفسانه .
غاده : ادري بس وع وع مقرفه , لو دخلت بأذني او عضتني يمكن امووت هني ومحد يدري عني !!
مشى الشاب وقال : لا تخافين ما تعض روحي اقعدي ولا تصارخين مره ثانيه مو ناقصني يهال .
عصبت غاده وقالت : هييي انت لا ترووح يمكن ترجع الخنفسانه مع خناافس واايد ويموتوني !!
لف الشاب وجهه وقال: اولا انا سعود مو " هيي" , ثانياا لا تطالعين رسوم متحركه واايد بتتعقدين بعدين ..
عصبت غاده ورجعت للسياره وهي متقرفه وقالت : سعوود ! , وع اسمك مثل ويهك !!

ببيت ابو راشد - الساعه 2 ونص الظهر .

ابو راشد وهو يكلم بدور والهام : ما اوصيكم على العيال , وانتبهواا للبنات وكل شوي طلواا على جوااهر يمكن تكون غاده تعبانه وما تقدر تشوف امها انتوا عاد روحواا شوفوها ..
بدور: ان شاء الله لا توصي حريص , تروح وترد بالسلامه ..
الهام : اوك حبيبي , بس عاد لا تتأخر ..
ابو راشد : ادري فيكم ماتقصرون , انا بروح لجواهر اتطمن عليها قبل لا اروح .
وراح ابو راشد لغرفه جواهر ..
ابتسم ابو راشد وقال: شلونج يالغاليه ؟
قالت جواهر وهي مرتاحه : الحمد لله بخير ..
ابو رااشد : انا برووح يومين للشاليه مع الربع , عاد وصيت الحريم عليج واذا بغيتي شي اتصلي علي وبرجع على طول .
جواهر : الله وياك يالغالي , بس بغيت غاده ماشفتها من الصبح ..
ابو راشد : ان شاء الله , الحين اقول للبنات ينادونها لما اطلع .
جواهر : منصور ..
ابو راشد : هلا ؟
جواهر : لا تنسى غاده , طيّب خاطرها ولا تخلي احد يضايقها وغلاتي عندك .
ابتسم ابو راشد وقال وهو واثق : ما لقيتي توصيني الا على غاده هذي روحي ..
تطمنت جواهر وابتسمت لابو راشد وهي راضيه , وراح ابو راشد ووصى وحده من البنات تنادي غاده لامها وطلع من البيت .
اتجهت خلود وهي قاعده تحط صبغ اظافر على اظافرها وراحت لغرفه غاده ودقت الباب , وطبعا مادر احد ..
قالت خلود بغرور : افف .. غاااده امج تبيج روحي لهاا ..
ماردت غاده على خلود , وعصبت خلود وفتحت الباب وقالت وهي تصارخ : عاد حومتي جبدي خلاص عبد الله مــ ..
استغربت خلود لانه الغرفه فاضيه والحمام مافيه احد ..
وانزلت بسرعه للصاله ولما وصلت كان الكل موجود فيها وقالت وهي تبلع ريجها : غاده مو بغرفتها !!!

حلوووووه القصه ياا ليت تكملينهااا يا الغاليه

وتسلم ايدش

مشكووره ع القصه الحلوه ناطره بقية القصه :75_75:

واااااااااااااي اندمجت مع القصه كملييييييييييييها


:teeth_smile:

التكمله لعيونكم :wink_smile:


سكت الكل لما قالت خلود هالكلام , والتفتت خلود يمين ويسار وقالت بجديّه : والله العظيم هي مو بالغرفه ..
وقفت بدور وهي تبتسم : حبيبتي يمكن بالحمام او شي ..
خلود وهي فاتحه عيونها : اقوولج ماكو لها اثر , اصلا السرير على حطّته ومحد نايم عليه , وماهي بالحمام .
نزل رااشد وهو يحك راسه وقال : شفيكم ؟
خلود بأستغراب : انتوا شفيكم اقوولكم البنت مو موجوده !!
راشد : منو الا مو موجوده ؟
خلود : غاده !
استغرب رااشد لما سمع انه ماكو احد بغرفه غاده , وتذّكر انه الصبح كان ماكو احد لما دخل عليها فقال بأستغراب : للحين ماهي بالغرفه !!
الهام : بسم الله عليكم شفييكم , تف تف استخفواا عياالي .
راشد : يماا انا اليوم الصبح دخلت على غاده وماكانت موجوده ..
خلود : لا إله الا الله , يمكن راحت اي مكان دقواا على جوالها وشووفوا .
اتجه راشد بسرعه لسماعه التلفون ودق على جوال غاده , والمفاجأه انه جوال غاده بغرفتها لانها لما راحت كانت مستعجله ونست تاخذ جوالها !
بلعت الهام ريجها وقالت وهي تصاارخ : يااعيال انزلواا .
نزلوا عيال الهام ونادت بدور عيالها وبدأ الكل يدوور غاده بالبيت , وبعد مرور نصف ساعه جلس الكل بالصاله الا فوق وهم متفااجئين !
قال رااشد وهو يرفع شعره لوراااء : انا لازم ادق على ابوي .
صرخت الهام وقالت : لييش تبينا نتطلق من ورااء غادووو , اصلا ابوك لو يدري انها انحاشت بيحط اللّوم علينا وانا مو ناقصه مشاكل زياده .
تعوذت بدور من ابليس وقالت : طيب يمكن راحت لوحده من صديقاتها ؟
خلود : خاله اصلا خلود ماعندها صديقات تقدر تروح لهم , يعني ماتمّون عليهم لهالدرجه .
شذى : يما غاده انحاشت ؟
الهام : لا حبيبتي رااحت للسوق انتي اخذي اختج وروحوا العبوا .
شذى : طيب .
وراحت شذى مع اختها مهى لغرفتهم , اما عيال بدور كانت مريم نايمه ورنا وعبد الله يلعبون بغرفتهم .
راشد : يعني يماا الحين شنسوي ؟
الهام : وانا شدرااني !
خلود : طيب شرايكم ننتظر شوي يمكن بالليل ترجع ؟
صرخ راشد وقال : تبيني انتظر هني واختي ما ادري عنها !!
عصبت الهام وقالت بوحشيه : غاده مو اختك , وماابي اسمع هالكلمه البايخه انت عندك 3 خواات بس !!
بدور : الهام هدّي شووي مو جذي الامور تنحل !
الهام : اصلا مااكو شي يالله كل وااحد ينقلع بالمكان الا كان فيه وحنا مالنا دخل بهالغاده كيفها بجهنم !
وراحت الهام لغرفتها وسكرت الباب بقوه .
جلس راشد وهو مو مقتنع انه يقعد بالبيت وينتظر غاده ترجع وقال : انا بروح ادورها .
خلود وهي مرتبكه : خلاص راشد امي قالت مالنا دخل كيفها خلها تروح !
بدور : طيب يا وليدي شرايك تنتظر يمكن ترجع .
تأفف راشد وقال : طيب ..
بهالوقت طلع ماجد من غرفته وهو توه قايم من النوم وماله خلق , وقال بأستغراب : ماشاء الله مؤتمرات من الصبح ..
خلود : أيّ صبح ياحظي , شوي ويأذن العصر ..
تثاوب ماجد ودخل الحمام وهو مو مهتم .
بدور : ماتبون غدااء يا اولاد ؟
راشد : لا خاله شكرا .
قامت بدور وقالت : عيل انا بروح اغدي عيالي , ومنها اطلّ على جواهر يمكن تحتاج شي .
راشد : لا تقولين لها غاده مو موجوده .
خلود : اي اكيد , ان شاء الله انها رايحه اي مكان قريب وبترجع .
راشد : الله يسمع منج ..



بهالوقت كانت غاده قاعده على نفس السجاده ومتسنده على السياره وماسكه معاها صخرات صغيره وقاعده ترمي فيهم - آثار الزهق -
غاده بتصيح : افف ياربي يعني الحين انا مالقيت ادخل الا بهالسياره , لو انا داخله مرسيدس والحين انا بباريس مو احسن !!
سمع سعود كلام غاده ونزل من السياره وقالت بتفاخر : اصلا هالسياره لو كانت مرسيدس كان ماقدرت تجيبج لهالمسافه وهالجو الحلوو .
فتحت غاده عيونها متخرعه ووقفت وقالت : لحظه لحظه لحظه - جو حلوو !!!!!!
تسند سعود على سيارته وقال : يس , انتي عمرج شفتي الشمس وااضحه وطالع جمالها ببيتكم , اكيد لا !
غاده : لا حبيبي اكيد ماشفتها , ليش شايفني دجاجه مشويه !!
سعود : لالا حراام تشبهين روحج بالدجاجه , انتي كتكوت مشوي ^^
غاده بعصبيه : وانت حماار مصلوخ جلده , وماعندك احساس , يعني فيه احد قاعد بهالحر ومايحس , لالالا اكيد انا بحلم هذا مو صج ياربي متى اقووم من هالكابووس !
ضحك سعود وقال : ههههههه , ماعلينا يالله اخذي الاشياء الا تبينها واركبي السياره .
تفاجأت غاده وقالت وهي مستانسه : يعني بأرجع ؟
سعود وهو يركبّ الاشياء : للاسف لا , بس هالمكان مو عاجبني احسه مايناسب اصّور فيه , بنروح كيلوين لقداام ونشوف .
وبعد ماشال سعود كل شي قال بهدوء : يالله اركبي ..
لما سمعت غاده هالكلمه حست برعشه بجسمها او بالاحرى كانت خايفه , حست بشي غريب ماحست فيه طول هالمده ..
كأنها كانت نايمه والحين صحت , رفعت عيونها وتلفتت يمين ويسار واستوعبت انه من صج هذا بر , والا كان يخوفها اكثر هو (( سعود )) !!!
طالعت غاده بسعود وكأنها اول مره تشوفه , كان بالنسبه لها انسان غريب وماعمرها شافته , وقالت بنفسها شهالحقاره الا فيني !!
راكبه مع واحد غريب ماني عارفه اصله وفصله والحين بركب معاه مره ثانيه , مستحيل انه يكون هذا الاحساس اني خايفه .. كنت طول هالمده مستانسه وماخذه هالسالفه على محمل اللعب والوناسه واني راح ارجع لاهلي ومحد راح يدري باللي صار , الحين اهلي شقاعدين يسوون , ابوي اكيد اتصل على الشرطه , ويمكن امي صار فيها شي لما عرفت , واكيد طحت من عين اخوااني !!
ولما برجع بيشوفوني مع سعود , ويمكن يحسبووني انهبلت , والناس بيقولون مات خطيبها وقامت تضحك على اولاد الناس , ومحد راح يعرف الصج حتى لو قلته , الناس بيصدقون الا شافوه بس !!!!
عضت غاده شفاتها بأسنانها بقوه , ونزلت دمعتها لا شعوريا وقالت وهي مو حاسه : انا خااايفه !!!
فتحت سعود عيونه وهو متفاجأ ومحتار وقال بهدوء : خايفه ؟!!
حطت غاده يدينها على عيونها ورجعت بخطواتها لورااء وقالت بخوف : الله يخليك والله انا ماكان قصدي اركب السياره , والله انا مو من هالبنات الا تفكر فيه .. انا عندي اخوان وعندي اهل ومتربيه والله العظيم والله !!!
وجلست غاده على الارض وهي حاطه يدينها على عيونها ودموعها ماليه يدينها ..
تفاجأ سعود من رده هالفعل , يعني هو ماسوى شي غلط غير انه قال لها اركبي السياره , يمكن فهمت قصدي غلط .. بش شلوون انا قايل لها اني بس بغير المكان , يعني حتى مالمّحت بشي يخوف , اعوذ بالله من ابليس شفيها انقلبت عليّ 70 درجه , كأنها بنت ثانيه غير الا كانت تتكلم معاي من مده !!
بلع سعود ريجه بصعوبه وهو محتار شيسوي , اخليها هنا ؟!!!
لالالا مستحيل البنت بذمتي حراام اخليها مقطوطه هني , وحتى لو خليتها يمكن حتى بعد سنه محد راح يجي هني , المكان بعيد حيل ومستحيل احد يلقاها , بس وشو الحل هي اكيد خايفه مني , شلون راح اقدر اقول لها انها مثل اختي وانا ماكانت نيتي الا كل خير , طيب ليش تسوي جذي اصلا بهالطريقه هي تربكني حتى قمت اشك بنفسي , ياربي ساعدني !!!
سعود وهو مرتبك : طيب شفيج قولي لي انا غلطت عليج بشي , انا مو فاهم شي فهميني طيب !
غاده وهي تشاهق من الخوف : مـ .. مااقدر والله خاايفه مااقدر !!
احتار سعود وقال بهدوء : يابنت الناس اهدي شوي وقولي لي شنو الا يخوفج , وانا ماراح اقصر , والله لو ما كان عندي شغل كان وديتج لبيتكم وسترت عليج والله العظيم !!
سكتت غاده ولا ردت على سعود , احتار سعود وماعرف شيسوي فقال : خلاص ماراح نروح لأي مكان !!
ونزّل الاشياء وهو مو مرتاح باللي يصير , ووده يرجعها من المكان الا جت منه بس للاسف هو لحد الآن ما التقط ولا صوره واكيد راح يخسر شغله بسبب هالشي !
وبعد ما اذن العصر ومر الوقت بسرعه صارت الساعه 5 وربع .
سعود يسّلي نفسه بجواله وقاعد داخل السياره ينتظر القمر يطلع ويبدأ شغله , اما غاده كانت قاعده على الرمل وكانت هاديه حيل لدرجه انه الدموع مالها صوت وهي تنزل ..
نزّل سعود جواله مو ايده وفتح دريشه السياره وطّل على غاده , ولما شافها حس بشي مريح وهادي .. ماعرف يفسره يمكن لانها ماقامت تصيح , ورفع نظراته للسمااء كانت الشمس تغرب ببطئ ..



اما بهالوقت ببيت ابو راشد , كانت الاوضاع هااديه والكل كان عنده امل انه بأي لحظه غاده بترجع .
الهام كانت بغرفتها نايمه بعد ماتعبت الظهر , اما بدور كانت تغسل الملابس , وراشد جالس بالصاله الا تحت ويفكر بغاده ووين ممكن تروح , اما خلود كانت فاتحه لابتوبها وشابكه نت ..
وماجد طالع مع اصدقائه ..
بس الاحوال بالحوش ماكانت تبشر بالخير ..
كانت شذى فااتحه المويه وجالسه ترش على مهى ..
اما مريم جالسه بالمرجيحه تقرأ كتاب وتطالع شذى ومهى باستخفاف , وكانت اختها رنا جالسه بالحديقه ومعا العابها وتعلب مع جاسم
مريم : طيب ليش فاتحين المويه جذي صكوها حرام عليكم هذي نعمه !
شذى : لا والله بعد تعالي طقينا !!
مهى : ههههههههههه خلصنا من ابوي جتنا الفيلسوفه اقول كملي كتابج ابرك لج !!
مريم : والله اذا رجع ابوي راح اقول له ..
مهى : احلفي ياشيخه -_- !
مريم : انا اوريج بقووله اذا رجع !!
مهى : جب جب , اقول بعد ماناقص الا بنات بدور يتكلمون , اقدر اقول لابوي يطلق امج وتعيشون بالشارع !
وقفت مريم وقالت : لا والله مو على كيفج هوو , اصلا المفروض يطلق امج هالمغروره الا حتى ماتشتغل بالبيت ولا نافعتنا بشي ..
شذى وهي تضحك : ههههههههه شغل البيت للشغالات مثلج .
مريم : اصلا مو عيب اذا اشتغلت ببيتنا عادي !!
وفجأه جت صخره من فوق السور وطاحت على الحوش ..
ضحكت مهى وقالت : شذى اولاد الجيران بدووا الحرب !!
شذى : لحظه لحظه ماجمعنا صخر !!



- نوقف شوي عشان اعرفكم على البنات الصغار , شذى 13 سنه , هي بنت الهام الثانيه , بنت حبوبه بس تحب السب والشتم خصوصاا اذا كانواا لعيال بدور وفيها غرور زايد - كل بنات الهام مغرورات - , دبدوبه شوي وتحب الاكل وايد , اما مهى 11 سنه , هذي رئيسه العصابه بالحي كله , بنوته نحيفه وخفيفه تحب الهبال والمهاوش , وخصوصاا مع اولاد الجيران الا جنب بيتهم , دايم تلقاها تلعب معاها كره بس بالعصر تلقى حرب الصخر يبدأ , شعرها قصير وماتحب بنات بدور ابداا , عصبيه شوي وتحب تاخذ حقها بأي طريقه , اما مريم 10 سنوات , هي اكبر وحده من عيال بدور , تحب الكتب والفلسفه , وما ترضى على الغلط ابداا تشابه امها بالطبايع بس مو ملتزمه حيل , هي اكثر وحده بالبيت خواافه لدرجه انها تخاف من ظلها , اما رنا 8 سنوات , هذي البنت تهبل.. حدها كيوت , كل من شافها وده ياكلها من الدلع الا فيها , تحب الالعاب والباربيات , وتحب السوالف والتنكيت واحلى شي عندها انها تشوف الكل مستانس , اما جاسم 4 سنوات , هذاا يسواااهم كلهم من اولهم لأخرهم ابو راشد يحبه حيل لدرجه انه مايرضى عليه ابداا مهما كانت النتيجه .-

نرجع لحرب الصخر الا خلص قبل شوي , دخلت مريم داخل البيت لانه الوضع مو عاجبها ..
اما مهى وشذى قعدوا على الارض وهم ميتين ضحك ..
مهى : والله شي شي اليوم قويه المعركه !!
شذى : حسيت انهم كثيرين شكلهم مجمعين عيال الحي كله !!
فجأه رن جرس البيت , راحت رنا وهي تبتسم وفتحت الباب , ولما شافت الا قدامها من الدلع قامت تصيح ..
مهى : شفيها تصيح ؟
شذى : مدري , امشي نشوف ..
ورااحوا البنات يشوفون شفيها رنا تصيح , ولما شافوا الا كان على الباب بلعوا ريجهم وخافوا .
العم مبارك وهو معصب : مين منكم ضرب ولدي بالصخره على رااسه ؟
فتحت مهى عيونها وقالت : هاا ؟
شذى : يا عم بيتكم قدام بيتنا يعني ولدك ماكان مع الاولاد الا ضربناهم !
فجأه جااء راشد وهو لابس ثوب شتوي بني وقال : شالسالفه ؟
العم : ليش ماتقول لخوااتك يلعبون بالباربيات والا شي لطييف شوي !!
راشد : ليش عسى ماشر ؟
العم : خواااتك هذولاا ضاربين ولدي على رااسه بالصخر !!
لف راشد وجهه على خواته وهو معصب وقال: ماعليه ياعم احنا ااسفين ماكان قصدهم ضربوه بالغلط , يابنات اعتذرواا للعم مبارك يالله !!
شذى ومهى وهم مستحين : احناا ااسفين !
العم مبارك : خلاص معذورين بس الله يوفقكم فكونا من هالمصاايب العبوا بشي مال بنات مو فاضين كل يوم ينضرب ولدنا ..
راشد : لا واللله ياعم ماكانوا قاصدين ولو كانوا قاصدين انا الا بعاقبهم ..
العم : حصل خير يالله ماعليه انتبه لخواتك , وسلم لي على ابوك .
راشد : ان شاء الله .
وسكّر رااشد الباب وهو يسمع آذان المغرب توه مأذن , ولف وجهه على خواته وقال بعصبيه : ادخلوا البيت , يالله الحين !!
شذى ومهى خايفين : ان شاء الله ..



اما بعد صلاه المغرب كانت احوال سعود مو مريحه بالنسبه له , لما عدل الكامرا وكل شي حس انه المكان مو مناسب وطالع غاده الا كانت على نفس جلستها وتطالع برجولها , وقال بقلبه : لو ماكنت فاتح صندوق سيارتي كان انا الحين مصور كل الا ابيهم !!
انتبهت غاده انه سعود قاعد يطالع فيها , رفعت راسها وطالعت بنظراته كانت نظرات طبيعيه لدرجه انه سعود ما ابتسم كعادته ..
ولف سعود وجهه وجلس يعدل الكمراا ..
بعد حوالي خمس دقايق وقفت غاده , ومشت بخطوات بطيئه الى ان وصلت جنب سعود ..
لف سعود واسغرب انها جت جنبه ولا دمعت عينها " مو على قولتها هو يخوف "
سعود : فيج شي ؟
هزت غاده راسها نافيه , استغرب سعود وقال : اذا تبين شي قولي .
سكتت غاده شوي , بعدين قالت بصوت هادي : انا آسفه ..
ماصدق سعود انه سمع هالكلمه وقال : شنو !
لفت غاده وجهها على سعود وقالت بهدوء : انا آسفه , ادري انك مو مرتاح هني وكان ودك تروح لمكان ثاني بس انا الا منعتك ..
سكتت شوي وكملت كلامها : آسفه ...
ابتسم سعود لما شاف عيون غاده تلمع لما كانت تقول هالكلمات وقال : ماعليه اصلا انتي مثل اختي ومافرقت كيلو والا كيلوين , انتي بس اربكتيني شوي وحسستيني اني سويت شي غلط , ماادري والله بس انا مضايقج ؟
قالت غاده بهدوء : لالالا بالعكس , اصلا واحد غيرك كان ماراح يسوي الا سويته , اصلا اي احد بيقعد معاك راح يرتاح لك , انا بس بغيت اقول اني آسفه خربطت كل شغلك ..
لما لفت غاده على وجه سعود استحت وقامت ترقع السالفه وقالت : مو كأن التصوير هنا حلو؟
ابتسم سعود وعرف انها تبي تصرف السالفه , وما نكر انه لما سمع هالكلام ارتاح وحس انها انسانه محترمه ومسح كل السلبيات الا حطها براسه عنها ..
غاده : شوف شوف جنب القمر نجمتين يالله صورها بتكون اللقطه حلوه
ضحك سعود وقال : تعالي مكاني وانتي صوري
لفت غاده وجهها مستانسه وقالت : صج ؟
سعود : اي يالله تعالي واضغطي هذا الزر ..
لقطت غاده صور كثيره اما سعود كان مستانس وما توقع انه من هنا بتكون الصور بهالروعه ,,
وبعد مادقت الساعه 8 تماما .
كان سعود قاعد يطالع الصور , وكان الجو بارد حيل وكان الهواا مثل الثلج .
وماقدر سعود بهالجو يشب نار ..
اما غاده كانت لابسه جاكيتها ومسكرته وقاعده تحوس بالسياره ..
سعود : شتسوين ؟
غاده : ههههههههه ابي اسوق !!
وقف سعود وابتسم ابتسامه خبثيثه , وركب السياره بس بالكرسي الامامي الا جنب كرسي السايق الا كانت غاده قاعده فيه ..
غاده بأستغراب : شفيك ؟
سكّر سعود باب السياره وقال : يالله سوقي !
غاده مو مصدقه : ههههههههههههههه امبييه , لا عاد مااعرف !!
سعود : يالله عادي جربي , عشان اذا كبرتي توفرين على ابوج يدخلج دوره تعليميه ^^
غاده: لا يما مااعرف اخااف , يعني لو سيارتك صغيره كان على الاقل ارتحت , بس اسوق جيب ! , لالا مستحيل ..
تأفف سعود وبحركه سريعه مرر المفتاح وشغل السياره وقال: يالله اضغطي البانزين !
غاده مرتبكه : لالا ماابي اخاف ..
سعود : يالله اضغطي خلينا نشووف شتسوين ..
غاده وهي تبلع ريجها : طيب بسم الله ..
وضغطت غاده البانزين وتحركت السياره ومن التوتر نست تمسك المقود وقامت السياره تمشي على كيفها ..
وقامت السياره تصعد فوق الصخر وتنزل !
سعود : امسكيي المقود وحركي شفييج خليتينا نفتر !!
غاده خاايفه : لالا يما يما خلاص وقفهااا !!
سعود بنحاسه : مااابي هههههههههههه
غاده بعصبيه : لالا , امبيييييه خلاص سعود اخااف نمووت وقفها !!
سعود : ههههههههههه اوك اوك .. ادعسي الا جنب البانزين ..
غاده بسرعه : اوك اوك ..
ووقفت غاده السياره ونزلت وهي متخرعه , غاده وهي تحس بقشعريره : اوووه , يما حسيت بنموت !!
سعود : هههههههههههه بطله ماشاء الله , بس انا اول مره اشوف احد يدعس بانزين ومايمسك المقود , يعني لو كنتي بالشارع كان انتهينا !
غاده : افف ياكرهك تخليني اسوق بعدين تقعد تتطنزعلي اف ياربي ..
سعود : هههههههه اوك اوك بس كان شكلج يضحك , عاد خليتيني احتّر كنت بردان ..
حست غاده انها مصختها راكبه بسياره الرجال ومخليته يتجمد برااا .. واستحت وقالت بهدوء : عادي اقعد بالسياره انا بقعد براا اجمع صخر ..
سعود : ههههههههه لا والله انتي فهمتيني غلط , اصلا عادي انا متعود
غاده : يعني انت كنت تجي هنا من قبل ؟
سعود : اي , اصلا شغلي كله بالتصوير , والفالحين الا اشتغل معاهم كله يرسلوني لتصوير الفلك من حظي الرائع ..
جلست غاده على الارض وضحكت بخفه وقالت : يعني انت مو عاجبك تصوير الفلك ؟
سعود : الصراحه انا عادي عندي , بس كنت اتمنى يخلوني اصور براا الكويت , يعني مثل التصوير مال الجرايد والاحتفالات بالمدن الثانيه ..
غاده : اهاا , انا من وجهه نظري شغلك وناسه ..
قعد سعود قدام غاده بس بمسافه وقال : ههههه , مو انتي تقولين البر مقرف !
غاده : ههههههههههه اي اكيد بس انت عندك عادي اما حنا البنات لو اموت ما اروح !!
سعود : مو شرط , ترى معانا بنات بالشغل , وداايم يروحون بنفس القسم الا انا فيه , بس طبعا يخلونهم يروحون مجموعات , بس الرجال كل واحد بحاله .
غاده : اهااا ..
سعود : انتي لما تكبرين شتتمنين تشتغلين ؟
غاده : بعد هالكبر فيه كبر , ههههههههههه ..
سعود : بالعكس توج عنونه ^^ , طيب ماقلتي شنو تبين ؟
غاده : اممممممممممم .. انا ودي ادرس بالجامعه براا , هناك فيه فرص اكثر ..
سعود : يعني شودج ؟
غاده : ودي اصير طبيبه , او اي شي بالطب بس هذا مستحيل ..
سعود : لا ماعليج ادرسي زين وادخلي الجامعه وان شاء الله الا تبينه بيصير ..
سكتت غاده شوي وقالت بنفسها : شفيه هذا ! , كل ماقلت له شي قال لما تكبرين .. شنو على باله ياهل , حتى من معاملته حسيت نفسي ياهل من صج , يعني مايشوف جسمي وطولي , صح انا نحيفه بس مو لدرجه خلاني ياهل , ودي اقوله انا بالجامعه بس اخاف اقول اي شي وبعدين يسبب لي مشاكل , اقول خليني ساكته ابرك لي !
غاده : امممممم اليوم ثاني من مده شغلك صح ؟
سعود : اي , بس اتوقع بكراا اقدر استأذن لان الصور الا اليوم صورناها جابت اكبر من العدد المطلوب , فلما اقوله عندي مشكله مع الاهل ومن هالكلام واني خلصت اكيد بيرخصني ..
ابتسمت غاده وقالت : الحمد لله ..
لف سعود وجهه وقال : ليش ماتقعدين بالسياره بعدين تمرضين , اليوم البرد قوي حييل اتوقع بالليل بتمطر .
غاده : لا عاد ما اتوقع تمطر !!
سعود : ماادري الله اعلم ..
غاده : ما عندك بشت ؟
سعود : ههههههههه ليش بردانه ؟
غاده : لا بس احب اقعد وانا حاطه بشت على كتوفي ..
سعود : تبين جاكيتي ؟
غاده بسرعه : لالالا خلااص مو لازم انسى الموضوع
سعود : ههههههههه لا والله اصلا انا لابس هاي نك ( بلوزه برقبه ) ولابس تحتها بلوزه , وبعدين جاكيتي يشبه لون البشت ههههه ..
غاده : لا شكراا , ماابي حتى انا مدفيتني الهاي نك خلاص مايحتاج .
سعود : طيب تبين الكاب , داافي حيل ويدفي اذنج , ولونه بني بعد ^^ ؟
غاده : هههههههههه شفيك قلت لك خلاص ماابي , شعري ماقصر مغطي اذني ..
سعود : لا والله عندي كابات وااايد غيره ..
غاده : ههههههههه شكلك تحب تلبس كاب .
سعود : تدرين اني البسه حتى بالصيف !
غاده : لا عاد , هي من صوف وبتموت حر .. يعني لو الكابات الرياضيه العاديه صدقت !
سعود : ههههههههه والله العظيم داايم البس ماادري ليش .
غاده : اممممم طيب افتح الكاب خلني اشوف شكلك بدونه ..
سعود : اوك ..
حط سعود يدينه وشال الكاب عن شعره , وبعد ما شاله حرك شعره بيده عشان يرتبه .
كان لون شعره اسود وكثيف , وواصل الى تحت اذنه بشوي بس , ويمكن من كثر مايحط كاب كان من قدام راجع لورااء تلقائياً .
فتحت غاده عيونها من الا شافته , كان شكل سعود متغير حيل وصار جذاب اكثر من اول بمليون مره , وقالت غاده بنفسها : يمااا ليته مافتح الكاب , ياربي احس وجهي صار احمر بصّرف الموضوع بسرعه ..
ابتسم سعود وقال : ها مين احلى ؟
بلعت غاده ريجها وقالت : اممم كله حلوو , اقول كم الساعه ؟
استغرب سعود من رد غاده السريع ولبس كابه وشاف ساعته وقال : 9 الا ربع ..
وقفت غاده وقالت : كأنه جاني النوم , بروح انسدح يالله تصبح على خير ..
ولما وقفت غاده لمح سعود ساعتها تلمع وعرف انها كانت تصّرف السالفه بس مافهم ليش؟!
سعود : وانتي من اهله !
ركبت غاده بالمرتبه الثانيه بالسياره ورجّعت الكرسي الى ورااء , ونامت ..
اما سعود فرش له جنب السياره وغطى نفسه ببطانيه ثقيله وقعد يطالع السمااء ..
ياربي انا شفيني , احس من اول ماشفتها تغيرت حيل .. واحس لما تتكلم شي يربكني , مستحيل حبيتها بهالمدهـ واصلا هي صغيره , افف شسوي احس نفسي متضايق , يمكن لاني بكراا بأرجعها ! , شفيك ياسعود , امسك نفسك شالسالفه !! , كلها ياهل ومشكلتها حلوه وكلامها يحسسني براحه وطيبتها استولت علي , يالله ماعليه يمكن لما اروح لبييت خالي يكونون بناته طيبات والقى بنت الحلال الا تناسبني , طيب هي باين عليها من جسمها وطولها انها مو صغيره حيل , يعني يمكن انطرها تدخل الجامعه واتزوجها , بس لحظه !
انا ما اعرف اسمها !! , افف يا سعود يعني الحين كل هالسوالف والميانه ما سألتها عن اسمها , بس اخااف اسألها تقعد تصييح مو ناقصني عاد انا كفايه اشوفها انعفس فوق تحت !
افف خلاص بنام وباجر يحلها ربي ...

11 ليلـاً - بيت ابو راشد

الكل كان نايم بهالوقت , والبيت كان هادي ..
بس فيه شخص واحد ماغفت له عين " راشد " .
كان منسدح على سريره ويسمع بالايبد بس تفكيره كله كان مع غاده ..
يعني ليش الكل يكرهها , خصوصا امي ! , يعني بس عشان سالفه الغيره بين امي وخاله جواهر صرنا اعداء , الله يا خاله بدور ليت الكل مثلج , مصليه مسميه وتحبين الكل مهما سووا لج والله ابوي عرف يختار ..
بس غاده !
يعني معقوله رايحه عند صديقاتها وحتى لو افترضنا , يعني بتنام عندهم لمتى ؟!
وليش ما اخذت جوالها , والله اني حاس انه السالفه فيها عبد الله , الله يرحمه ...
انا لو كنت عارف انه السالفه جذي كان ماخليت عبد الله يتعرف على غاده , لهالدرجه الحب !

-
واسترجع راشد ذكرياته ورجع لورى " اول ما التقى عبد الله بغاده " ..
كان عيد ميلاد اخت عبد الله - حفله في مطعم كان اهل عبد الله مستأجرينه -, وعبد الله كان يعرف راشد بس طبعا عبد الله اكبر من راشد بـ5 سنوات ..
عبد الله : اقول رشوود ؟
راشد : هلا ؟
عبد الله : شوف شوف هذي تهبل واااااااي زوقــه حيل !
كان راشد منشغل وما شاف الا كان يقصدها عبد الله وقال : اي اي بعدين انا الحين مشغول اصبر ..
عبد الله : كيفك انا بروح اكلمها !
كانت غاده تدوّر صديقاتها وفجأه وقف عبد الله قدامها , قالت غاده بهدوء : شوي لو سمحت ..
عبد الله : مضيعه احد ؟
غاده : لا بس بروح لصديقاتي ..
عبد الله : عادي اقولج شي ؟
غاده : تفضل !
عبد الله : لو بجي اخطبج من اهلج كم بتتشرطين مهر ؟
فتحت غاده عيونها من الخرعه , بعدين رجعت لجديتها وقالت : لو سمحت وخّر عن طريقي !!
وراحت غاده وهي تركض ووجهها لونه احمر ..
عبد الله : ماشاء الله كبريت , اففف يالقهر ابي اعرف اسمها ..
راشد : منهي ؟
عبد الله : هذيك البنت ..
راشد بأستخفاف وهو يطالع غاده وهي تركض : ههههههههههه , بالله عليك شقلت لها ؟
عبد الله : ابد بس قلت لها لو بجي اخطبج بكم تتشرطين مهر , عصبت وراحت تركض ههههه !
ضرب راشد عبد الله على راسه بقوه .
عبد الله : آآآآآآآآي شفيك انقلبت علي !
راشد وهو يبتسم : عشان تعرف تغازل اختي ..
ومن ذاك اليوم وعبد الله معجب بغاده وكان راشد وسيط بينهم الى ان انخطبواا ..
-

آآآه يا غاده ليتج مو اختي ولا اقعد احااتيج جذي !!
اف ياربي تعبت بنسدح وانام وباجر ان شاء الله بترجع ...

- نوقف شوي عند راشد واعرفكم عليه , راشد انسان عاقل وذكي ويفهم الامور بسرعه وقلبه قوي ومو اي احد يقدر عليه , مؤدب ومحترم والكل يقدره ويعتمد عليه , وهو الوحيد الا يسوق لدرجه انه غاده على كبرها ابوها ماشرى لها سياره لانه يخاف عليها, جذااب الملامح عنده نظرات حاده وتحس انه رجل قوي , يحب كل زوجات ابوه , بس مشكلته انه ودّهم كلهم يصيرون متحابين وهذا الشي الا من المستحيل يصير , يحب اخته غاده حيل لان هو المولود الثاني بكل العائله واكبر ولد من الاولاد , وكان يحب يلعب ويسولف معاها لدرجه انه لما جابت امه بنت قال انا ماعندي الا اخت وحده الا هي غاده - طبعا كان صغير ويغار ^^ - , بس كثر المشاكل خلت الاخوان اعدااء , بس الا راشد للان يحب غاده ولا عمره راح يزعل منها .
تعرف عبد الله على راشد لما كانوا بالمدرسه مع انه عبد الله اكبر من راشد بس كانوا اصحاب ومايتخلون عن بعض ابد . -

حط راشد راسه على المخده وهو منهك ووخر السماعات عن اذنه وسكر الايبد ..
وبعد اقل من دقيقتين غط بنموووم عميق ...


يوم السبت - 10 وربع الصبح - عند غاده ..

كان سعود يتقلب على السجاده , وماله خلق يقوم اصلا هو ما ودّه ..
كانت اشعه الشمس قويه , تأفف سعود وقعد على السجاده وهو مغطى روحه بالبطانيه ويحك شعره بخفه ..
طبعاً كان سعود فارش السجاده ونايم تحت باب السياره , مد يده وضرب الباب بهدوء وقال : ياااهو للحين ماقمتي ؟
سعود مع نفسه : افف حتى اسمها مااعرفه !
وقف سعود وهو يتمغط وماله خلق , طلّ من دريشه السياره ولقى غاده نااقعه بالنوم وحتى لو بيقومها ماراح تنفعه بشي ..
واتجه للصندوق وفتحه وطلّع منه علبه مويه وغسل وجهه وتوضى وصلى ..
اما غاده حست بحركه سعود وبعد خمس دقايق قامت وطلعت من السياره , وقالت وهي تدور سعود : سعود .. وينك ؟!
طبعاً كان سعود يصلي بالجهه الثانيه من السياره , واتجهت غاده وشافته وهو قاعد يدعي .. ابتسمت لا تلقائيا ولما خلص من دعائه انتبه لها وقال : صباح الخير ..
غاده : صبااحو ^^
سعود : امس تخيلي متى نمت ؟
غاده : متى ؟
سعود وهو يلبس كابه الشتوي : 2 ونص ..
غاده : هههههههه سهران مع نفسك !
سعود : اي والله وانتي الصاجه جلست مع نفسي خخخخـ , ماشاء الله اليوم مستانسه شصاير ؟
غاده وهي تبتسم ابتسامه عريضه : هههههـ اكيد بستانس اليوم مو بنرجع !
ابتسم سعود وقال : اي ..
غاده : افف عاد بكراا عندي دواام , ولازم اتسبح , وماجهزت الملابس ولا كويتهم ولاا قلت لراشد متى راح اطلع , يعني اليوم لما ارجع راح يكون عندي شغل × شغل ...
سعود : هههههههه .. الله يعينج .
غاده : اي والله , صحيح متى راح نرجع ؟
سعود : والله ماادري الظهر اتصل على المدير .
غاده : حلوو بروح اجمع لي صخر على ما يجي الظهر ..
سعود : هههههههـ وانتي كله تجمعين صخر !
غاده : ياا حسره عيل شتبيني اسوي , على بالك حناا بملاهي , واصلا اشكال الصخر حلوه انا اول مره اشوف صخره حمراا !
سعود : فيه صخور مايله للازرق , والحمراا اسمها صخور ناريه ^^
غاده : ههههههههه ماشاء الله ذكرتني بأختي كله تتفلسف ..
سعود : هههههههههه , طيب تلعبين معاي اونو ؟
غاده متعجبه : اونو !!
سعود : يس , انا اذكر كنت حاط وحده بسيارتي لماا كنت اطلع مع الربع كشتات ..
غاده : اوك طيب روح طلعها اشتهيت العب , انا بروح اشوف شي آكله ..
سعود : اوك ..
وراحت غاده للصندوق تشوف العلبه الا فيها الاكل , وقالت بتنهد : افف , جبن ومربى وخبز وتمر ولبن , شبسات مع بيبسي وميرندا , ومارس مايع وسنكرز , مع فصفص ومكسرات >< !!
سعود وهو قاعد يحوس بدرج السياره : ههههههههههههه ماعليه استحملي امس ما اكلتي الا خبز وجبن , اليوم جربي خبز ولبن ^^ !
غاده : ماشاء الله كل الاطعمه الصحيه , وليش ماجبت همبرجل او اي شي لذيذ !
سعود : والله مااكنت ادري انه بيكون معاي بنت دلوعه مثلج , والا كان خليتهم يحطون لج برجر كنج هنا ..
غاده : تتطنز حضرتك -_- ؟!
سعود : اكلي ليز حار اذا تبين ..
غاده : انزين , مالقيت الاونو ؟
جااء سعود وجلس على السجاده وقال : الا لقيتها يالله جيبي البيبسي والشبس وخلينا نلعب ..
ابتسمت غاده لبساطه سعود وجابت الاشياء وجلست مقابله وبدأو يلعبون ..




1 ونص الظهر - بيت ابو راشد ..

خلود جالسه على طاوله الاكل وتطق عليها , وشذى تغني اغنيه راشد الماجد ( انا ضايق ) ومهى تصفق ..
اما مريم حاطه يدينها على اذنها وماتبي تسمع , وجاسم قاعد يضحك ويلاحق رنا حول الطاوله ..
طلعت الهام من المطبخ وقالت : يالله كلكم اجلسواا على الطاوله بنجيب الغدااء ..
خلوود : ماما الله يخليج صيري فري , واااي ونااسه لما رااح ابوي ^^
شذى : اناااا ضاايق وبالي ضاايق وجوّي ضاايق ضيق كاايد ..
الهام بعصبيه : خلااص يابنات اقعدواا , جااسم يالله اقعد بنجيب الاكل
مهى : اففف خلصنا من ابوي جت امي
رنا وهي تجلس على الكرسي : امك مو حلوه هاوشت اخوي !
خلود : اسكتي انتي لا ادخّل هالصحن بخشتج -_-
رنا : متوحشه !!
بدور وهي جايبه معاها صحن الرز : يالله يا عيال اهدواا عشان ناكل , بعدين العبوو ..
جاسم : ماما
بدور وهي تحط يدها على شعر جاسم وقالت بحنان : عيون ماما ؟
جاسم : هذي دبتني ( = هاوشتني ^^ )
بدور : مين دبكّ ؟
جاسم وهو يأشر على الهام : هذي
ابتسمت بدور وقالت : خلاص بعد ما ناكل نروح ندبها اوك ؟
جاسم وهو يضحك : تيب (= طيب )
الهام وهي تجلس على الطاوله وتنادي بصوت عالي : ماااجد ..
كان ماجد قاعد يمشط شعره وقال بصوت عالي : طيب يماا هذااني نازل
الهام : قوّم معاك رااشد
ماجد : انزين ..
وطلع ماجد من غرفته وهو لابس بجامه النوم , قميص ازرق مخطط مع بنطلون ازرق مخطط ..
وراح لغرفه راشد وهو يعدّل بشعره , ودخل على اخوه..
ماجد وهو يقرب من السرير : رااشد , يالله قوم
فتح راشد عين وحده بس وماله خلق يقوم وقال : كم الساعه ؟
ماجد وهو يطلع من الغرفه : الحين الظهر ياللله بنتغداا انزل .
راشد : طيب ..
وراح رااشد للحمام بعدين صلى الظهر وطلع من غرفته , ولما كان بينزل من الدرج سمع صوت جوااهر ..
كان صوتها هادي كالعاده وكانت تناادي بنتها غاده , ماهان على راشد يخليها تحاتي بنتها ..
فأتجه لغرفتها وطق الباب , لما سمعت جواهر الباب كان على بالها غاده فقالت بحنان : ادخلي ..
دخل راشد وهو يبتسم وقال : هلا خاله ..
نزلت جواهر راسها وقالت : هلا وليدي تفضل
دخل راشد وجلس على الكنبه الا جنب سرير ام غاده ..
جواهر : ماعليك كلافه روح ناد لي غاده , والله من امس ماشفتها قول لها امج تبيج ..
سكت راشد وبلع ريجه وقال بتوتر : غاده بغرفتها متضايقه !
جوااهر متخرعه : متضاايقه من منوو , قول لها تجيني واللي يرحم والديك ..
راشد وهو بنفس التوتر : لا .. بس هي من بعد ما توفى المرحوم وهي متضايقه , شرايج تخلينها هاليومين بحالها احسن لها عشان ترتاح وهي بروحها بتجيج !
خافت جوااهر على غاده ووجها كان اكبر دليل انها حاسه بشي وقالت بهدوء : طيب
قام راشد من الكنبه وقال : تامرين على شي انا نازل اتغدى ؟!
جواهر : لا مشكور ياوليدي ..
طلع راشد من الغرفه وهو حااس بتأنيب الضمير بعد ما كذب على جواهر .



3 ونص الظهر - عند غاده ..

كانت غاده حافره لها حفره , ومجمعه مجموعه صخر وقاعده ترمي الصخر وتحاول تدخلهم بالحفره ( اختراع جديد بمجال الالعاب ^^ )
اما سعود كان قاعد يدق على مديره بالشغل ..
غاده وهي جالسه ترمي : هاا شقال ؟
سعود : اقولج شي بس ما تعصبين ؟
غاده : افف اكيد ما وافق !!
سعود : لا
غاده : طيب قول شنو ؟
سعود : ماافيه ارسال !!
غاده متفاجأه : يعني شلون مافهمت , يعني ماراح ارجع اليوم ؟
سعود : والله ماادري شقول لج ..
غاده بحماس : طيب شرايك نرجع الحين بعدين لما توصل الشغل تسلم الصور وتقول له انه كان عندك ظرووف وكنت لازم ترجع .. بتكون جذيه عطيته الشغل وهو اكيد ماراح يعصب لانك رجعت !
سعود : بس ..
قاطعه غاده سعود وقالت : لا بس ولا شي , الله يخليك بس رجعني بعدين سو الا تبيه , بس انا لازم ارجع اليوم مستحيل خلاص انا مااني قادره استحمل والله العظيم , وبااجر عندي دواام واهلني بينهبلون , والله اعلم شصااير بأمي الحين !!
سعود : طيب طيب خلاص , نصلي العصر ونروح لانه مابقى شي على صلاه العصر ..
غاده بحمااس : اوك اوك ..
وبعد نص ساعه , كانت غاده شايله كل شي ومرتبه كل شي , ولما خلّص سعود صلاته قال لغاده : يالله اركبي ..
كانت غاده تمشي ببطئ ولما فتحت باب المرتبه الثانيه طالعت تحت رجولها ولقت شي ساائل وقالت بأستغراب : سعود , شنو هذا ؟
قرّب سعود جنب المكان وقال : مااادري يمكن مويه ..
نزّلت غاده يدها واخذت شويه من هالسائل وكان معاه شويه تراب وشمته..
وقالت بتعجّب : سـ .. سعود !
سعود وهو كان راكب السياره : شفيج ؟
غاده : تدري شنو هذا ؟
سعود : شنو ؟
غاده : بانزين!!!!!
استغرب سعود ونزل من السياره وقال لها : بعدي شوي خليني اشوف من وين طالع ..
والمفاجأه الا محد توقعها انه علبه بانزين السياره منكسره وطاح البانزين كله .
ولما وقف سعود قال بهدوء : لحظه اشوف بانزين السياره ..
ولما ركب وشغّل السياره كان فيها شي بسييط من البانزين لدرجه انه مايكفي خمس دقايق !
وطلع سعود من السياره وقام يطالع غاده بوجه مرتبك , تفاجأت غاده وقالت : شالسالفه ؟
سعود وهو يبلع ريجه : شكلنا بنطوول هني !!!

استغربت غاده وقالت : يعني شلون , مافهمت ؟!!
وقف سعود وقال بهدوء : علبه بانزن السياره مكسوره ومابقى شي يكفي نمشي فيه مسافه ساعتين
ضحكت غاده كأنها مو مصدقه وقالت : لا مستحيل يمكن هذا مويه اصلا شلون بتنكسر السياره ماتحركت !!
سكتت غاده شوي وفتحت عيونها خايفه وقالت : لما كنت اسوق امس !!!!!!!
وركضت غاده وراحت تشغل السياره وجلست تطالع بالازرار والاشياء وقالت بخوف : لاا مستحييل , اكيد فيه شي نقدر نكلم احد يجي يااخذنا !!
سعود : خلاص اهدي شوي شفييج ..
صرخت غاده بقوه وقالت : شلون تبيني اهداا وحناا هناا يعني عاجبك الوضع حتى انا ماادري وين هالمكان يعني شنو نموت هني , انا اللي كسرت البانزين لما كنت اسوق امس يعني انا الا خربت كل شي , يعني يمكن يخلص علينا الاكل و...
قاطعها سعود وهو يحط اصبعه على فمه وقال بهدوء : هذا مو غلط احد ..
مسكت غاده نفسها بس ماقدرت تمنع دمعتها وقالت : بس انا الا كسرته ...
وانفجرت بالصيااح وكأنها تقول ليت عبد الله ما مات والا كان ماصار هالشي !!
اخذ سعود نفس عميق وقال : خلاص لا تبجين راح ارجعج للبيت اليوم , خلاص وعد ..
غاده بخوف : بس شلون ؟؟
سعود : على حسب ما قريت انه المكان الا كنت بروح له يبعد كيلوين او اقل, واكيد هناك بنلقى ارسال .
غاده : يعني شلون بنروح هناك , السياره مافيها بانزين ؟؟
سعود : مافي حل الا نمشي بهالبر ..
فتحت غاده عيونها وقالت : نــ.. نمشي !!
سعود : اخذي لج قوارير مااي والا تبينه من اكل , وامشي نمشي ..
غاده متخرعه : تستهبل انت !!
مشى سعود شوي والتفت وقال : يالله يالله اسرعي والا بتضيعين , اي وصح جيبي معااج جاكيت بالليل بنتجمد ..
نزلت غاده من السياره ووقفت وقالت : انا ماراح امشي كيلوين !!
سعود بعباطه : ان شاء الله تبيني ادف السياره وانتي قاعده داخلها ؟
غاده وهي تمسح دموعها : لاا انت روح بحالك وانا بنتظرك هني ..
سعود وهو مازال يمشى وقال : ههههههه اوك خليج هني مع الخنافس !
غاده بخوف : اففففف ..سعووووووووود انتظرني ..
ابتسم سعود , لانه كان متأكد انه غاده ماراح تقعد بحالها ومستحيل يخليها هني قاعده بحالها ..
ومشواا مع بعض وطبعا غاده الكسوله كانت تمشي شوي شوي وكل ماشافت سعود يبتعد عن نظرها تقوم تركض وتجي ورااه والا تصارخ وتقعد تتأفف , اما سعود كان يشوف الاتجاهات بالبوصله وكان يشوف جواله دايماً ..
وكانوا على هالحاله لين ما أذن المغرب وبرد الجو وصارت الرياح تتناثر بالجو ..
كان سعود يرفع جواله ويشوف الارسال , اما غاده كانت منهكه حييل ومالها شغله غير تمشي وراا سعود ..
فجأه صرخ سعود وقال وهو مستانس : ارسااااااااال !!
طبعا كانت غاده بعيده عن سعود وقالت : شنوو ؟
أشر سعود لغاده انها تجي بسرعه , ولما جت قال : شتتوقعين ؟
غاده : افف شنو ؟
سعود : ارسال ^^
فتحت غاده عيونها وصرخت بقوه وقال : والللللللللللللللللللللللللللللله !!!!
ضحك سعود وقال : اي والله , انتي اقعدي على الرمل وانتبهي من الخنافس ..
غاده : افف ياكرهك , يالله اتصل على اي احد وخلصني ..
سعود : ههههه وهذا الا بسويه ..
ابتعد سعود شوي عن مكان غاده ودق على واحد يشتغل معاهم وكان الوحيد الا رد على سعود ..
فيصل : هلا سعود ..
سعود : هلا بك , فيصل انا مستعجل صارت معاي مشكله بالسياره وابيك ترسل لي اي احد يجي لموقعي ..
فيصل : اوك اوك , انت خلك بمكانك انا برسل واحد يتتبع اشارات جوالك ..
سعود : حلوو , بس الله يخليك استعجل اخااف مايوصل الا بنص الليل وصعب يلقاني بذاك الوقت ..
فيصل : ماعليك اقفل منك واكلمهم..
سعود : حلوو , يالله انا انتظرك ..
وسكر سعود جواله وراح يركض عند غاده وهو يبتسم وقال : خلااص بيرسلون لنا احد ..
كانت غاده وااقفه وقالت وهي مستاانسه : الحمد لله يارب الحمد لله , طيب الحين بنرجع لسيارتك ؟
سعود وهو يجلس على الرمل : اكيد لا , اصلا المويه الا معانا ماتكفي نمشي هالمسافه كلها , هم بعدين يجون وياخذون السياره والاشياء ..
غاده : زين ..
ابتسم سعود وقال : ليش ماجلستي قلت لج اجلسي من اول مارحت اكلم !
غاده : مدري خفت اجلس لحالي ..
صرخ سعود بقوه وقال : لا تتحركين ..
فتحت غاده عيونها وقالت بخوف : و.. وشو ؟؟
سعود وهو يقوم : فيه خنفساانه على شعرج ..
صرخت غاده : وقالت لالالا وعععع سعووود شيلهاااا الله يخليك ووعععع شيييلها بسسسسرعه !!!!!!!!
قرب سعود وجااء من ورااء غاده وقال : بس بشرط !
غاده وهي خايفه ومتقرفه موت : وشو وشو يالله بسرعه !!
سعود بهدوء وهو يحط يده على شعر غاده : تقولين لي اسمج !
فتحت غاده عيونها متفااجأه , وبلعت ريجها وحست انه وجهها صار احمر وماعرفت وشو تقول , وحست بشي غريب خلاها تستحي !
وقالت بخوف : سعود ..
سعود بحنان : نعم
غاده وهي تصاارخ : شييييييييييييييييييييييييييييلها !
ضحك سعود وقال : ههههههههههههههههههه , شلتها !
استغربت غاده وقالت : بس انت ماحطيت يدك عشان تشيلها !!
مد سعود لسانه وحط يدينه على راسه وقال : لانه مافيه خنفساانه ..
عصبت غاده وقالت وهي ووجهها احمر : ياااااااااااا دب !!!



7 وربع المغرب - بيت ابو راشد ..

كان ماجد توه داخل البيت , وبهاللحظه رن جواله وكان رقم غريب..
ماجد : هلا ..
ابو راشد : ماجدوووه !
ماجد متخرع : نعم يباا ؟!
ابو راشد : قبل نص ساعه دقيت عليك وكان جوالك مشغوول , انت تدري مين يدفع فواااتير التبن جوالك وجوال رويييشدوو وغادوو , والله ماادفع الفاتوره اذا صارت اكثر من 20 دينار !!
ماجد متورط : اسف اسف والله ااسف ..
ماجد بقلبه : افففف الحين يفتح محضر تحقيق ..
ماجد يصرف السالفه : اي يبا , هذا تلفون مين ؟
ابو راشد متورط : اااا .. هذا تلفون الشاليه , وانت الحين شتبي تسأل انا ابوك والا انت ابوي !!
ماجد بقلبه : ايه ايه , خايف يتصل من جواله حشى شهالبخل !!!
ابو رااشد : الا شلون اخواانك ؟
ماجد بقلبه : ليش انا ادري عنهم نص الايام طالع ..
ابو راشد : ياتبن انا اكلمك !!
ماجد : هلا هلا يباا , اي اخوااني كلهم بخير ويسلمون عليك واايد ^^ ( احلى كذبه بيضااء )
ابو راشد : اييه سلمني عليهم كلهم , وانتبه لامك وخالاتك ..
ماجد : ان شاء الله يباا ..
ابو راشد : يالله مع السلام , اي اي اصبر بقولك شي !
ماجد : آآمر يباا ؟
ابو راشد : بالليل وهم نايمين شيك على اللمبات تدري انا مااقدر ادفع كل شهر مبلغ كبير وانت فيك الخير و البركه , لا تنسى !!
ماجد بقلبه : اعووذ بالله ماينسى , هو والكهربااء اصدقاء !!
ماجد : اي ان شاء الله يباا لا توصي حريص ..
ابو راشد : كفوو , يالله مع السلامه ..
ماجد : الله معاك ..
مشى ماجد للصاله وجلس على الكنبه وفصخ جاكيته وهو يتنهد من التعب ..
وقال بقلبه : افف ليته مايرجع , استغفر الله حسيت انه معقد حتى مايستعمل جواله !
سكر ماجد عيونه يبي يرتاح , وفجأه لمح رنا تصيح بالمطبخ وجالسه على الارض , استغرب ماجد وقام من الصاله وراح للمطبخ ..
ماجد وهو ينزل بمستوى رناا : شفيج ؟
رنا : مهى ضربتني
حط ماجد يده على يدين رنا الا كانت على وجهها وقال بحنان : ليش ؟
رنا : لان انا اخذت لعبتها بدون استئذان , وخالتي الهام جالسه تتهاوش مع ماما فوق وامك قامت تصارخ بقوه ..
ماجد : طيب خلاص لا تصيحين انا اروح اخذ اللعبه الا تبينها من مهى ..
رنا : اول لما كانت تضربني كنت اروح عند غاده , طيب متى ترجع غاده , كانت هي تهاوش مهى لما تبي تضربني ..
ماجد مستغرب : ليش غاده وين راحت ؟
رنا : غاده راحت تشوف عبد الله ومارجعت صار لها يومين ..
فتح ماجد عيونه مستغرب وقال : مين قالج ؟
رنا : انا يوم الجمعه رحت اشوف غاده بغرفتها بس ماكانت موجوده وشفت جوالها وكان فيه رساله من عبد الله ..
ماجد متخرع : بس عبد الله مات , طيب وليش ماقلتولي ؟
رنا : امك قالت لنا كلنا مانعلم احد..
عصب ماجد وقال : طيب , بنشوف وين رحتي ياغاده !!!
وراح ماجد يركض لغرفه رااشد , ولما فتح الغرفه كان رااشد مو موجود ..
وطلّع جواله من جيبه ودق على راشد ورد عليه راشد ..
ماجد : رااشد ..
راشد : شفيك ؟
ماجد : تدري انه اختك منحاشه من البيت !!
راشد متخرع : انحاشت وحده ثانيه !!
ماجد مستغرب : يعني انت كنت عارف انه غاده مو موجوده بالبيت ؟
راشد : افف خرعتني , اي كنت عارف
ماجد معصب : وليش ماقلت لي عشان نتصل على الشرطه او اي نسوي شي !!
راشد : والله اني محتار يا ماجد , فكرت انه لما يرجع ابوي نروح مع بعض , لان امي قالت مانقول لابوي فينهار ويسوي شي مايسر احد !
ماجد بعصبيه وكأنه بركان : انا اوريها الكلبه اموت واعرف وين راحت , بس تدري شلون تعال الحين للبيت انا انتظرك ..
راشد : شتبي تسوي ؟
ماجد : انت بس تعال وانا اتفاهم معاك ..
راشد : انزين هذااني نص ساعه واكون عندك واحذرك لا تسوي شي الا لما اجي ..
ماجد : تطمن ماراح اسوي شي ..
وسكّر ماجد الجوال بقوه وهو منقهر , وودهـ يفهم شنو الا قاعد يصير بهالبيت !!

- نوقف هنا شوي , عشان اعرفكم على ماجد , عمره 16 سنه يدرس بالثانوي , هو ثاني اولاد ألهام , وجهه وجسمه وكله على بعضه حلوو , يحب الاسواق والاشياء الفري , وبشغلات المغازل ومن هالكلام خله يدك اليمنى , انسان جذاب ويعتبر على شبابه حلو حيل , طبيعته ابداا مو حلوه يمكن لانه بمرحله المراهقه , داايم مزااجه متعكر لما يجي البيت , ومايحب يقعد مع اخوانه وقليل تشوفه بالبيت , وطبعا هو حاكم حياته على كيفه يتأمر وينهي ودايم يتخيل انه بمكان ابوه , بس الكل يعاملونه على انه مراهق وراح يكبر ويعقل , دايم يلبس جنزات وتيشيرتات ومايحب يلبس الدشداشه ( ثوب ) الا بالعيد وطبعا بالغصب ويسوي تسريحات وعشقه المرآآيه وشكله واناقته اهم شي بحياته , يحب الهوااش والمصارعه واذا تبيه بالفزعات خلك وااثق , شخصيته مرحه بس كثير يتذمر ومايعجبه العجب ابد . -

8 المغرب - عند غادهـ ..

غاده واقفه تدور وتطالع ساعتها وتأفف : ياربي مو كأنهم تأخروا ؟
سعود وهو منسدح وحاط يدينه ونايم عليهم : مدري ..
غاده : افف طيب يمكن نسوونا , طيب دق عليهم قولهم تأخرتوا ..
تأفف سعود وقال : بس خلااص اسكتي , انتي ماتتعبين ؟
غاده بعباطه : افف لا تغيير الموضوع !!
رفع سعود يده يأشر على السمااء وقال : اقعدي شوفي السمااء شلون مريحه وتريح الاعصاب , مو تدورين وتقعدين تتأفيفين !
غاده : انت ماعندك احساس , يعني ماتحس انه لو نسونا راح نموت هني ونشبع مووت بعد , ونصير جثث بالبر !!
سعود : هههههههه , انا ملاحظ انج تتابعين افلام اكشن وايد والا ؟
قعدت غاده على التراب واخذت بيدها شويه تراب وقالت : لا بس انا خواافه !
لف سعود وجهه على غاده وقال : تخافين تموتين ؟
غاده : طبعاً لا , بس اخاف اموت هني !!
سعود : هههههـ ماتفرق كله موت ..
هبت رياح بارده على وجهه غاده وقالت وهي هاديه : لا , موتي بالبيت وانا متطمنه على امي ومتأكده انه محد شايل علي , وموتي هني بحالي وانا ماادري عنهم .. اكيد بيفرق وايد !
ابتسم سعود وقال : شكلج تحبين امج حيل ..
غاده : اكيد احبها , اصلا مااتوقع شلون بخليها او هي تخليني لدرجه اني قلت ماراح اتزوج الا وامي قبلي بالمكان الا بعيش فيه ..
لف سعود وجهه على السمااء وقال : يابختج فيها الله يخليها لج , اما انا صارت مشاكل بين اهلي وانفصلواا , وصرت مشتت بكل مكان لدرجه انه كان عمري 8 سنوات ومااحس بأي حنان , وبهذاك السن كان لازم اي ياهل يحس بالحنان حتى لو كان اهله منفصلين , وتعلمت من كل المواقف اني لازم اتعامل مع كل الاشياء ببساطه وما اخرب حياتي بشي مايبيني , بس يالله ماعليه انا الحين مو محتاج لهم ..
اندمجت غاده وقالت بحنان : مسكين ..
سعود مستغرب : ههههههه دخلتي جوو بقصتي !
غاده : لا بس مااحب يصير بأي احد جذي يكسرون خاطري ..
سعود : انتي توج صغيره ماشفتي شي ..
غاده : الا يسمعك يقول عندك احفاد -_- !
سعود : هههههه , اصلا ماتزوجت عشان اصير جد ..
غاده : طيب مره ثانيه لا تقول انا ياهل انزين ؟!
سعود : انا ماقلت ياهل , قلت صغيره !
غاده : لا والله احلف , ماشاء الله بصفق لك على جوابك الذكي ..
سعود : ههههه اي صج انا قلت صغيره ..
غاده : بس انا مو صغيره ..
سعود وهو يمد لسانه : الا صغيره , وعنونه بعد ..
رفعت غاده يدها وأشرت قدام وقالت وهي متفاجأه : سعود !
سعود : شنو ؟
غاده : لف شوف الا وراك !!
لف سعود وجهه وشاف لمبه سياره جايه من بعيد ..
وقفت غاده متحمسه وفصخت جاكيتها ورفعته وقامت تأشر وتنطط وهي تردد : يااهوووو احناا هني , احناا هني !!
سعود : ههههههه شفيج فصختي , اقعدي خلااص شافوناا ..
غاده وهي تضحك : هههههههههه , سعود شووف سياره شووف ..
وقف سعود وقال وهو يتطنز : اتوقع هذي دبابه حربيه مو سياره !
غاده : افف حتى مو مستانس صج ماعندك احساس , اشرر لهم يالله ..
سعود : هو ! .. خلااص شافونا شفييج !!
ولما وصلت السياره نزل منها واحد امريكي شعره اشقر , كان واحد من عملاء العمل بس طبعا سعود مايعرفه ..
الامريكي : Hi M.R Saoud [ هلا سيد سعود ]
سعود : Hi .. Thanks For you Come to help us [ هلا فيك , مشكور لانج جيت تساعدنا ]
الامريكي : No problem .. This is My work [ مافي مشكله , هذا شغلي ]
وابتسم الامريكي لسعود , والتفت لغاده وقال بهدوء : Hello miss [ اهلا يا انسه ]
ابتسمت غاده واشّرت بيدها بخفه وقالت : هاي ..
لف سعود وجهه على غاده وابتسم , بعدها كمل كلامه مع الامريكي ..
سعود : after you taking us of here Can we .... [ لما تاخذنا من هنا نقدر نروح ... ]
وقطع سعود كلامه , وانتبه انه الامريكي كان يطالع بغاده وما سمع ولا كلمه من اللي قاله ..
كان الامريكي يطالع بوجه غاده ويدقق بكل شي فيها , لدرجه انه قام يبتسم لها بدون مايحس , وغاده كانت لافه وجهها على الجهه الثانيه وتطالع السمااء ..
حس سعود بشي يحرقه من دااخله وقال وهو يتكلم بصوت خشن : wite me minute... [ انتظر لحظه ]
الامريكي : ok [ اوك ]
وراح سعود لغاده وحط يده على كتفها وقال لها : لفيّ علي ..
لفت غاده وقالت : ها خلصتوا كلام ؟
فجأه بحركه سريعه فصخ سعود جاكيته وحطه على كتوف غاده وقال لها البسي هذا , جاكيتج ماينفع ..
استحت غاده وحست بشي غريب وقالت وهي مستحيه : لا .. لا مايحتاج انت بتبرد ..
ابتسم سعود وقال بمرح : اي وصح اخذي كابي بتبردين ..
وفصخ كابه بسرعه وحطه على راس غاده , وراح بسرعه عشان يكلم الرجال ..
قالت غاده بحيااء : سعود !!
لف سعود عليها من بعيد وغمز لها ومد لسانه وقال : سكري الجاكيت زين ..
كان هدف سعود يخلي غاده تختفي عن انظار الرجال , لانه نظراته خّوفت سعود ..
ولما وصل سعود عند الرجال رفع يدين بلوزته وكمل كلامه مع الامريكي واتفقواا , وبعدين قال لغاده تركب ورااء بالسياره ..
كان سعود متفق مع الامريكي انهم اول ما يطلعون من البر يودون غاده لبيتها , بعدين يرجع سعود ويأخذ اشيائه وياخذ سيارته ويصلحها ..
ولما مر الوقت وصارت الساعه 9 ونص طلعوا من البر , حسّ سعود بشي غريب لما طلعوا من البر , وكأنه يقول ليتنا ما طلعنا .. ولفّ سعود وجهه على ورااء وشاف غاده متركيه على يدها وتطالع من الشباك كانت هاديه , وما عرف يفسّر ملامح وجهها الغامضه ..
التفت الامريكي وقال وهو يبتسم : She is you lover ? [ حبيبتك ؟ ]
ابتسم سعود وقال : No , just friend.. [ لا مجرد صديقه ]
الامريكي : she have a good face,and she`s cute
[ هي حلوه , ووجهها جميل ]
اخذ سعود نفس عميق وقال بهدوء : iknow ... [ ادري ]
وبعد مده , قامت غاده توصّف لسعود الشارع والحي ورقم القطعه , بهاللحظه قالت غاده بنفسها , ماراح اوصلهم للبيت راح اخليهم يودوني ببدايه السكه بعدين بمشي لها مشي عشان محد يشوفني معاهم او على الاقل محد يشك ..
غاده : خلاص اوقف هنا ..
استغرب سعود وقال : بس هذي محلات !
غاده : انت ماعليك وقفني هنا وانا اعرف طريق بيتنا ..
سعود : بس ..
قاطعه غاده سعود وقالت : الله يخليك هني يكفي انا اروح لبيتنا ..
سكت سعود وعرف انه غاده ماتبيه يعرف بيتها وقال بهدوء وهو متضايق : here [ هني ]
وقّف الامريكي السياره ونزلت غاده من السياره وهي تأخذ نفس عميق , وماتدري ليش ودها تقعد هني بس قلبها مع البيت ومستحيل تقعد هني ابد ..
نزلت بهدوء وقامت تمشي وهي لابسه كاب سعود ومعاها جاكيته الا كان كبير شوي عليها بس كان دافي وفيه ريحه سعود ..
سكت سعود وحط يده على دقنه وهو هادي وشاف غاده بمرايه السياره وهي تمشي بهدوء وحس انه مو لازم يروح كان عنده كلام كثير وده يقوله لها ..
فجأه وقفت غاده بمكانها ولفت على جهه السياره وقالت بصوت عالي : اسمييي غاااده , غاااده !!
وركضت غاده بسرعه وما التفتت لورى ..
فتح سعود عيونه ولا تلقائياً فتح باب السياره ونزل , وركض بسرعه ورااء غاده ولما وصل جنبها وقفت غاده ولفت وجهها وهي تبتسم وقالت بصوت رقيق : شكرااً , على كل شي ..
حط سعود يده على شعره وابتسم كأنه يضحك على روحه من هالموقف وقال : بالعكس انتي الا شكرا على احلى يومين بحياتي ..
استحت غاده ونزلت راسها بالارض وعضت شفتها بأسنانها , وقامت تصرف السالفه ولما رفعت راسها تبي تتكلم شافت سعود قاعد يكتب شي بورقه صغيره ولما خلص مد يده وعطاها الورقه وقال وهو يبتسم : ما ودي تكون آخر مره , اذا قدرتي دقي على هذا الرقم ..
استغربت غاده وقالت وكأنها مو مصدقه : هه .. انا ماكان قصدي جذي , سعود انت مجرد صديق ..
سعود وهو مرتبك : طيب اخذي رقمي , لا تدقين بس على الاقل اذا احتجتي لأحد بكون جنبج ..
غاده وهي ترجع بخطواتها لورى : آسفه .. ماتوقعت السالفه بتوصل لجذي , فرصه سعيده ..
سعود : بس غاده انتي فهمتي قصدي غلط !!
بهالثوااني ركضت غاده بسرعه واختفت عن عيون سعود ..
نزّل سعود يده وترك الرقم وطااح على الارض وحركه الهوااء وبعّده عن عيون سعود ومستحيل يرجع , كان سعود واثق انه حال غاده راح يكون من حال هالورقه ومستحيل يشوفها مره ثانيه وبتتبخر بالريح ..
ثوواني قليله مرّت وسعود واقف بالسكه ومو عارف شيسوي ..
فجأه نزلت قطره على رااسه ونزلت بعدها قطرات قويه , وهطل المطر بذيك الليل على الكويت ..
الامريكي وهو بالسياره : are you come ? [ راح تجي ؟]
سكت سعود ولف وجهه على الامريكي وقال بهدوء : I`m comeing [ انا جاي ]
اما غاده , كانت تركض بالشارع وماسكه جاكيت سعود بقوه ولابسه كابه على راسها واطراف شعرها متبلله من المطر ..
ولما وصلت عند باب البيت , كالعاده كان الباب مطرّف فدخلت غاده بهدوء وهي تبلع ريجها ومو عارفه شتسوي..
ومشت بسرعه لباب البيت عشان تدخل , بس لما مسكت الباب خافت وارتبكت ..
ياربي شقوول لهم , يمكن صارت اشيااء ما توقعتها , ولما بدخل بتصير اشياء واشيااء !!
بس لازم ادخل هذاا المكان الوحيد الا اقدر اروح له ..
وفتحت غاده الباب وكان كل شي هادي ..
فجأه طلع ماجد من المطبخ وقال : ياهلاا والله ..
سكتت غاده وقالت بهدوء : هلاا ..
ومشت تبي تصعد غرفتها بس ماجد كان توااجده هني مو صدفه , فمسك ماجد شعر غاده من وراا بقوه !!
غاده بعصبيه : مااااجدوو شفييك اترك شعري !!!!
-

ماجد : انا اصلا ماراح اتركج الا لما اعرف من وين جايه ..
غاده : وانت شدخلك , وبطّل حركات اليهال الا ماتودي ولا تجيب واترك شعري مااني اصغر عيالك انا اختك الكبيره ..
ترك ماجد شعر غاده وقال : ماشاء الله على اختي الكبيره , دااخله البيت بنص الليل وكأنها ماسوت شي غلط , والله يعلم بهالايام الا طافت شكانت تسوي ..
مدت غاده يدها بقوه وعطت ماجد طرااق قوي لدرجه انه ماجد ماتحرك من مكانه ولان البيت كان فاضي عاد الصدى صوت الطراق ..
قالت غاده بعصبيه : حساافه فيك انك اخووي , والله حساافه !!
حط ماجد يده على خده وقال بأبتسامه خبث : انا اوريج مين الا بيربيج عدل !!
وبحركه سريعه مسك ماجد يد غاده ودفعها على الارض وطااحت غاده على ظهرها , اما وجهها صقع بحافه الدرج ..
وفجأه سمعت الهام صوت الطيحه وهالصرااخ ونزلت هي وبدوور من الدرج وكانت غاده طايحه ورااء بدايه الدرج ..
لف ماجد وجهه وكان بيطلع بس فجأه صرخت الهام وقالت : دمممم !!
فتح ماجد عيونه ولف وجهه بسرعه وشاف الهام وبدور ماسكين غاده الا ماكانت تقدر تقعد على حيلها , وكانت الدموع مغرقه وجهها ..
بدوور وهي خاايفه : حبيبتي فييج , شي يعوورج ؟
الهام : يااويلك يا ماجد من ابوووك ياوييلك خليت خشم اختك ينزف دم , حسبي الله ونعم الوكيل عليك حسبي الله ..
بلع ماجد ريجه وهو خاايفه وطلع بسرعه وهو يركض وقابل بطريقه راشد وهو توه جااي ..
راشد : عسى ما شر شفيه ويهك جذي ؟
ماجد بخووف : ماا .. مافيني شي ..
وركض مااجد بسرعه بالشارع , اما راشد دخل البيت ولما شاف غاده طايحه على الارض والهام وبدور ماسكينها
صرخ بقوه وقال : شفيييها ؟؟!!
ركض راشد عند غاده وقال : حبيبتي فيج شي , تبيني اوديج المستشفى الله يخليج قوولي لي !!
ابتسمت غاده والدموع تملي وجهها واشرت على قلبها بأصبعها وقالت : هذا يعورني ..
انصدم رااشد من منظر اخته وماقدر يقاوم ومسكها من يدها وضمها بقوه وقال : لا تبجين خلااص ..
وقفت الهام منقهره وصعدت الدرج وهي تركض وماهي عارفه شراح يصير لما بتقول غاده لابوها الا سوااه ماجد ..
اما بدور ركضت للمطبخ وراحت تجيب ثلج ومناديل عشاان تهدّي الدم الا طلع من خشم غاده ..
اما راشد كان للحين ضام غاده بقوه ومو عارف شيقول لها .
قالت غاده بهدوء وهي تغشي من البجي : كل شي يمشي عكس الا تمنيته !!
راشد بحنان : لا تخاافين انا معاج , ولا تحاتين احد وانتي تدرين ماجد والحال الا هو فيه ..
وبعدها مسك راشد غاده وقومها من الارض بصعوبه , وساعدها عشان تصعد الدرج وودها لغرفتها , وجلس معاها لين مانامت .. وحس انه مو قادر يفارقها ..شلون يقدر يفارقها وهي اخته الا كان يكره خواته على شانها !!




بهالوقت الساعه 11 ونص - الفندق الا مقيم فيه سعود ..
كان سعود منسدح على سريره وقاعد يرسم على يده سمايلات واشياء تضحك - يحاول يسلي نفسه - ..
وتذكر بهالوقت لما كانت غاده تجمع صخر وتلعب فيهم , يااربي !!
انا شفيني مو قادر اوخرها من بالي ؟! , طيب شلون اقدر القاها .. ابي اتزوجها حتى لو كانت بالاعداديه !!
مستحيل انساها البنت ركبت بعقلي , ومااني قادر افكر الا بغيرها !!!
قام سعود من السرير ومسك راسه بيدينه وحرك شعره ونثره وقال : اعوذ بالله منك يا ابليس ..
خليني ادق على خالي اقول له لا ينساني , باجر بطلع من الفندق وبروح عنده ..
ودق سعود على خاله ورد خاله عليه ..
سعود : هلا خالي ..
الخال : هلا سعوود , شلونك ؟
سعود : والله الحمد لله وانت شخبارك واخبار الاولاد ؟
الخال : كلهم بخير الحمد لله ويسلمون عليك ..
ابتسم سعود وقال : الله يسلمهم , بغيت اذكرك باجر عشان تمر علي , انا سحبت اوراقي من الفندق وبكراا بطلع ..
الخال : اي ان شاء الله . الحين انا مو بالبيت وبكراا لما ابي ارجع من الشغل امّر عليك واخليك تمشي ورااي بالسياره ..
سعود : عساك عالقوه يارب , يالله اشوفك بكراا
الخال : على خير يالله مع السلامه ..
وبعد ما سكّر الخال من سعود , انسدح سعود وقرر ينام بأي طريقه ..

- نوقف هني شويات , وراح اعرفكم على سعود , عمره 24 سنه يشتغل بقسم التصوير الصحفي , انتقل من دبي للكويت لانه اقرب فرع لدبي , هو الكويت , اصل امه كويتيه بس ابوه اماراتي , فكانت اشباهه مخلوطه بين هالدولتين فكان شاب بقمه الوسامه , وطبعا الكل يعرف ملّح اهل الكويت واهل الامارات , بس للاسف اهله انفصلواا لما كان عمره 8 سنوات , وعاش عند خواله وبعدين انتقل عند عمامه وكانت قصته طويله عريضه ولما حسّ انه ماله مكان اعتمد على نفسه , انسان حنون وكان جماله جارجي وداخلي ..
ومايحب يشوف احد يصيح او متكدّر وضايق خلقه , فيحاول انه يسعد كل اللي من حوله .. وقريب راح يروح يسكن عند خاله , لانه مايقدر يدفع اجار الشقق المفروشه طول مده اقامته بالكويت .. -

يوم الاحد , 6 وربع الصبح - بيت ابو راشد
خلود وهي جالسه تسوي شعرها : يمااااا ..
الهام من غرفه مهى : شنو ؟؟
خلود : قولي لشذى ترجع شبااصتي الفووشيه الا شريتها من كليرز شلون ارووح المدرسه ابي اربط شعري !!
شذى من غرفتها : والله ما اخذتها , اف ..البسي اي وحده ثانيه
خلود بعصبيه : لا واللله تبيني اروح للمدرسه لابسه شباصه لون وانا مقرره من امس البس كل شي فووشي ..
مريم وهو تصعد ومعاها كاس الحليب ولابسه مريول المدرسه : امس شفت الشباصه بالصاله الا تحت
خلود : اففف وليش ما جبتيها معاج شهالنحااسه !!
ونزلت خلود بسرعه تروح تجيب الشباصه من تحت ..
اما راشد طلع من غرفته وقال : يالله يا بنات 10 دقايق وننزل ..
شذى : اففففف اصبر شنو عشر دقايق !!
راشد : كيفي انا الا اسوق مو انتوا -_- ..
جت رنا وهي لابسه مريولها ومعاها شنطتها ومسويه شعرها قرنين , وابتسمت وقالت : انا قمت من الساعه 5 وماما لبستني وخلصت ..
ابتسم راشد وحط يدينه على راس رنا وقال : شطووره يالله انزلي تحت ..
ركضت رنا بدلع ونزلت تحت ..
وراح راشد بهدوء لغرفه غاده وطق الباب , وماردت عليه غاده , ففتح الباب ودخل ..
كانت غاده منسدحه على السرير ولافه وجهها على الشباك وجالسه بهدوء , قال راشد بحنان : ليش مالبستي ؟
لفت غاده وجهها وقالت بهدوء : مالي نفس اروح الجامعه اليوم ..
راشد : تعبانه ؟
غاده : لا بس ماني مشتهيه ..
راشد : طيب على راحتج , حناا بعد شوي بنروح ..
غاده : الله معاكم ..
ابتسم راشد وطلع من الغرفه وسكر الباب ورااه , ونزل من الدرج وجلس على طاوله الاكل ينتظر خواته يجهزون ..
اما ماجد كان توه نازل من الدرج بهدوء ومنزل راسه , وجلس على الدرج ..
كان راشد ساكت بالبدايه بعدين قال بهدوء : ليش سويت جذي ؟
ماجد بندم : انا ما سويت شي ..
راشد يحاول يمسك اعصابه : يعني تطق اختك الكبيره وتستقوي عليها وماسويت شي !
وقف ماجد وقال : هي الا بدت وطقتني كف , يعني تبيني اسكت على بنت تطقني كف وترجع بنص الليل واخوانها مايدرون وين راحت , ابوي لو يدري بيقلب الدنيا , حنا ماعندنا بنات يسوون جذي ..
وقف راشد من الكرسي وقال : يعني مثلا حناا عندنا اولاد يطقون خواتهم الكبار ويستقوون على الكل , تدري لو يدري ابوي انك طاق غاده شبيسوي فيك ؟
ماجد : بس انا ما طقيتها الا بسبب , وانا بعد بقول لابوي انها طالعه وماندري وين راحت ..
ابتسم راشد وقال : يعني يااذكي ابوي بيصدقك ويكذب غاده , انت شكلك نسيت مين اغلى وحده على قلب ابوي ..
تأفف ماجد وقال : بس حتى انا ولده , طيب خلاص !! انا اعترف اني غلطان شراح اسوي الحين !!
راشد : تدري شلون !
ماجد : شلون ؟!
راشد : روح لغاده واعتذر منها ..
ماجد بعناد : لا ماراح اروح ..
راشد : اسمع كلامي ترى العناد ماراح يفيدك ويمكن ابوي يطلق امي على الا صار لو سمع من غاده شي !!
تأفف مااجد وهو مو عاجبه الكلام وقال : اف , طيب بروح اقول لها آسف وانزل , وحتى لو مارضت خلها تطق راسها بالطوفه ( الجدار) !!
راشد : ههههههههههه , طيب روح وجرب !!
صعد ماجد بسرعه ولما وصل عند غرفه غاده طق الباب , وقالت غاده : تفضل ..
فتح ماجد الباب بسرعه وسكر عيونه وقال بحركه سريعه : انا آسف ..
ولما التف يبي يطلع كان راشد ورااه ودفّه داخل الغرفه وقال : مو جذي يتأسفون ..
ابتسمت غاده على هالموقف , اما ماجد كان وجهه مستحي وبنفس الوقت معصب ..
راشد : يالله شتنتظر قول لها !
مااجد وهو يتأفف : خلاص بقول , انا آآسف على امس وماكان قصدي اطقج كنت معصب وماقدرت امسك نفسي ..
نزّلت غاده عيونها وقالت بهدوء : انا مو زعلانه عليك ..
مااجد بسرعه : يعني خلاص ماراح تقولين لابوي ؟؟
غاده وهي تبتسم : انا اصلا ماكنت بقول لابوي , وعلى شنو اقوله ..
مااجد وهو ندمان : افف , والله انا آآسف ماكان قصدي شي والله ..
راشد يحاول يضحكهم : روح بوس راسها !
ماجد بعباطه : ليش قالوا لك غاده جدتي !
غاده : هههههه , يالله روحوا المدرسه لا تتأخرون ..
ماجد : ماراح تروحين ؟
غاده بهدوء : ابي ارتاح اليوم ..
راشد : يالله لا نزعجها زيااده ..
وطلع ماجد وراشد من غرفه غاده , ونزل راشد للسياره وجووا خواته وركبواا , وطلع يوصلهم ويروح لمدرسته ..
اما غااده بعد ما مرّت الساعات وصارت الساعه 10 ونص الصبح , راحت اخذت لها شور ولبست بجامه بيضااء شتويه دافيه وربطت شعرها ذيل حصان , ونزلت بهدوء للحوش وجلست على المرجيحه ..
ياربي ليش احس بضيقه صدر , مدري احس نفسي غريبه هني !!
او يمكن اخوااني قاموا يعاملوني بغراابه , والله ماادري احترت شرااح اسوي , بروح اشوف امي وانزلها هني معاي ..
وراحت غاده بهدوء لغرفه امها وسلمت عليها , وقالت لها تنزل معاها للحوش وتوسع صدرها ..
ونزلت غاده بالاصنسير , وهي تدف عربه امها بهدوء وراحت للحوش ..
وجلست غاده على نفس المرجيحه وحطت امها قبالها ..
جواهر بحنان : تدرين اني اشتقت لج ..
غاده بحنان : والله وانا بعد , ماكنت احس بالسعاده الا وانتي يمي ..
جواهر بحزن : ناديتج اكثر من مره وكان الكل يقول لي انج تعبانه !, شفيج يا بنيتي فضفضي لي انا امج ..
حطت غاده راسها على رجول امها وقالت : ماادري يماا , مااني قادره اتعود على فراق عبد الله , او يمكن ماتوقعت يصير جذي ابد !!
حطت جواهر يدها على شعر بنتها وقالت بحنان : انا لما مات ابوي الله يرحمه , كنت احس مثلج وصارت معاي موااقف محد يتخيلها , بس لماا تزوجت ابوج تغيير كل شي وحسيت انه قلبي امتلى بحنان ابوج , وانتي بعد راح يمتلى قلبج ان شاء الله ..
رفعت غاده راسها وقالت : تتوقعين جذي ؟
ابتسمت جواهر وقالت : ان شاء الله ..
لمّت غاده امها بقوه وسكرت عيونها وقالت : الله لا يحرمني منج ..
جواهر بحنان : ولا انتي يالغاليه ..
غاده : يما وين ابوي ؟
جواهر : بالشاليه مع اصدقائه , واليوم بيرجع
تطمنت غاده من هالشي , وعرفت انه محد قال لابوها انها الايام الا فاتت كانت مو موجوده , وحست برااحه كبيره من هالشي ..
بهالوقت كانت الهام قاعده بالصاله تنظفها وفجأه رن التلفون ..
الهام : الوو ..
ابو راشد : هلا
الهام : اهلين حبيبي شخبارك ؟
ابو راشد : بخير , انتوا شخباركم ؟
الهام : كلنا تمام بس مشتاقين لك متى راح ترجع ؟
ابو راشد : اليوم ان شاء الله بعد صلاه الظهر برجع , ومعاي ولد اختي ..
الهام : ولد عواطف ؟
ابو راشد : اي بينام عندنا , جهزوا له الغرفه الفاضيه , ولا تنسون نظفواا البيت ..
الهام : افف حبيبي ليش تعزم الناس بدون ماتقول لنا من اول ماراح يمدينا ..
ابو راشد : افف انتي بس نظفي الغرفه وسواا نفس الغداا ولا تزودين شي , وخلي البنات يكشخون , يمكن يطير عقله بوحده منهم وافتك من مصاريفهم !!
الهام : افف طيب , على امرك ..
ابو راشد : يالله مع السلامه ..
الهام : باي ..
وبعد ماسكرت الهام التلفون نادت غاده بصوت عالي ..
غاده وهي تقوم من المرجيحه : انتظريني يما بشوف الهام واجي ..
الام : خذي راحتج ..
وراحت غاده لالهام وقالت بهدوء : نعم ..
الهام بغرور : اليوم بيرجع ابوج وبيجيب معاه ضيف , وبيرقد عندنا ..
غاده بقلبيها : (( بيرقد )) طلع الاصل ماشاء الله من متى الهام تقول نرقد !!
غاده : حياه الله ..
ولما جت بتروح , قالت الهام بعصبيه : انا ماكملت كلامي ..
غاده : افف شنو بعد ؟
الهام : ابوج قال نظفي الغرفه الا جنب غرفتج لانه بينام فيها ..
غاده : طيب بعد شوي ..
الهام : زين , وبعدين نظفي الصاله الا فوق ..
غاده : افف طيب طيب ( ليتني رحت الجامعه !! ) ..
وراحت غاده لامها ودخّلتها وقعدتها بالصاله الا فوق وفتحت لها التلفزيون عشان تسلّي نفسها , اما هي راحت تنظف الغرفه والصاله ..
ولما مرّ الوقت وصارت الساعه 1 الظهر , ورجع الكل من المدرسه وصعدواا فوق ..
غاده وهي توقفهم : يا عيال لا توصخون الصاله بيجينا اليوم ضيف ..
خلوود : افف ومين بيستقبله ؟
غاده : ابوي بيرجع اليوم وبيجيبه معاه ..
ماجد وهو يدخل غرفته : ما امدااه يرجع من الشاليه !
مهى : افف ياربي مالنا خلق ضيوف ..
غاده : والله مالي دخل فيكم انا قلت لكم ..
ولما دخلوا البنات لغرفهم صعدت الهام وقالت لبناتها يكشخون ويلبسون احلى شي عندهم .
وفجأه دخل ابو راشد البيت وتنحنح بصوت عالي وقال : يا اهل البيت ..
نزل راشد بسرعه وقال : هلا يباا ..
ابو راشد : راشد روح ناد اخوانك , وقول لامك وخالاتك يجون ..
راشد : خير ان شاء الله ؟
ابو راشد : انت روح نادهم وماعليك ..
راشد : ان شاء الله ..
ونزلوا البنات وهم كاشخين , ونزلوا ماجد و والهام وبدور بعدهم , اما غاده راحت تغير بجامتها وتلبس بجامه نظيفه وتنّزل امها ..
ابو راشد : تفضل ياوليدي ..
بهالثواني دخل شاب وسيم البيت ومعاه شنطته وهو يبتسم , فتحوا البنات عيونهم وكأنهم ماعمرهم شافوا مثل هالجمال ..
خلود مع نفسها : يماا شنو هذاا يهبل !!
شذى وهي تفرك عيونها وتقول بنفسها : ياربي شكل عيوني تشوف مقلووب !!
مهى بقلبها : افف هاذا الا ناقصنا ولد راابع , بس والله حلوو حيل !
مريم بقلبها : ماشاء الله , الله يحفظه ..
وقال ابو راشد : هذولا العيال , يا عيال هذا ولد عمتكم عواطف ..
ولد العم : ماشاء الله , الله يخليهم لك ..
ابو راشد : هذا راشد ولدي الكبير , وهذا ماجد , وخلود , وهذولا مهى وشذى , وهذ مريم , وهذي دلوعتنا رنا , وهاذا آخر العنقود جاسم ..
وهذي خالتك الهام , وهذي خالتك بدور , والحين تجي خالتك جواهر مع بنتي الكبيره ..
وفجأه فتح الاصنسير , وكانت غاده قاعده تدف امها وما انتبهت لولد عمتها وكان كل بالها مع امها ..
ابو راشد : وهذي غاده ..
رفعت غاده راسها وفجأه فتحت عيونها بقوه وكأنها مو مصدقه الا قدامها وسكتت من الخرعه ..
اما ولد عمتها ترك شنطته الا كانت بيده وفتح عيونه وماكان متخيل هالشي ابداا !!
كان ولد عمة غاده هو نفسه سعوود الا كان بالبر !!
غاده بقلبها : مــ .. مستحييل !!!! سعوود يكون ولد عمتي , لالالا مستحيل مااني فاهمه شقاعد يصير !
سعود بقلبه : بنت خالي !!!! ااخرتها هذي البنت تصير بنت خالي !! , لا مستحيل ياربي مااني قادر اصدق ..
جواهر مستغربه : غاده حبيبتي ليش وقفتي دفيني !
حرّكت غاده عيونها وبلعت ريجها وقالت بخوف : طــ .. طيب يماا ..






راح اكتفي بجذيه وبنتظار ردودكم عشان اكمل ^^

كملييييييييييييييهااااا فديييييييييييييييتج صج اندمجت

واااااي الروااااايه مررره روعه .. وياريت تكملينها أختي العزيزه

روووووووووووعه كمليهاااا لوسمحتي

كمليها فديتج نحن بأنتظاااااااااااااااااااااااااااااااااارك

متى بتكملينهاا منتظرينش يا الغاليه

رووووووعه الرووايه كمليهااااااااا حبيبتــــــــي كلناااااااااااا متحمسين بليييييززززز كملي.....