السلام عليكم خواتي حبيباتي بصراحة احنا تعبنا من انواع الرجيم وانا عالخصوص مافي دكتور ولا دكتورة ماتعرفني المهم مابي اطول عليكم بصراحة روحاتي حق مركز سلطان كثيرة وحوساتي بين أرفف الرجيم ماتنعد المهم طحت على بسكوت عجيب اسمه flax seed omega 3 وقلت خل اجربه واشوف المهم رجعت البيت وقلت خل أسوي حق نفسي نظام أمشي عليه أسبوع وأشوف وفعلاً طبقته أسبوع بدون مبالغة ولا لف ولا دوران تصدقون عمري وحياتي مانزلت 4 كيلو لو حفيت ولونقزت وبجيت المهم أشوف الميزان وقول لا أكيد خربان وتصدقون شريت واحد ثاني عشان اصدق اني نزلت 4 كيلو ياخواتي 4 كيلو شي عجيب المهم فقلت أكيد خواتي بالمنتدى محتاجينه وعشان أفرحكم قررت أنزله والله يوفقكم ان شاء الله يلا نشوف بسم الله الرحمن الرحيم وتوكلنا على الله الواحد الأحد . كل يوم الصبح ماي مغلي مسبق مع نص ليمونه بعدها بشوي 2 بسكوت المذكور أعلاه مع شاي او شاي بالحليب خالي الدسم . الغدا : 2 توست مع همبرحر وسلطة روب بالخيار .طبعا الروب خالي الدسم . العشا: تفاحة مع 2 بسكوت المذكور . راح تسألوني عند الشعور بالجوع شنو ناكل راح أقولكم وأمانه ان البسكوت بخليج شبعانه حدج وطبعاً لاتنسون الشاي الأخضر مع قطرات الليمون طبعا فرش . واذا اذا وحده حست بجوع عليها بالخيار أو الخس اذا شنو اذا حست بالجوع ولاتنسوني بالدعاء بظهر قلب بالشفاء العاجل لي اللهم من أرادني بسوء فاجعله تحت قدميه يارب وفوضت امري الى الله ان الله بصير بالعباد وحسبي الله ونعم الوكيل نعم المولى ونعم النصير يارب ياحبيبي من اراد بسوء فرده في نحره يارب
الله يهنيج ياقلبى على الوزن اللى وصلتى له حبيت اعرفااى مركز سلطان؟؟وين الاقيه عند اى رف او مكان بالضبط حيل كسوله مالى خلق افتر وموفقه حياتى
