قناع الاسبرين

قووووووووووووة بنوتات

شخباركم ان شاءالله بخير

هالموضوع وصلني على الايميل وعجبني واااااااايد

فقلت اطرحه لكم اهني عشان الكل يستفيد ..

قناع الاسبرين
وايد ناس ما يعرفون فوايد الاسبرين في تنظيف البشرة

خل نتعرف على فوايد الاسبرين

الاسبرين مكون من السيليساليك اسيد (حمض)والمعروف بالبيتا هايدروكسي اسيد باختصار (BHA)
وهو يعتبر مقشر عجيب للبشرة ويقلل من الاحمرار اللي فيها خاصة من الحبوب ويزيل الخلايا الميتة ويجدد خلايا البشرة ويعطي نضارة للبشرة ويخفف الخطوط الواضحة على الوجه ويقلل البقع الغامجة بالويه وايضا علاج عجيب لحب الشباب

لو فحصتي منتجات علاج البشرة وخاصة اللي تعالج الحبوب راح تلقين الاختصار(bha) واللي ايضا بتلقينه مكتوب سيليساليك اسيد
وانا جيكت ع المنتجات اللي استخدمها
مقشر سينت آيفز وغسول لوريال الازرق ولقيت هالحمض موجود بالمكونات



طبعا هالمادة المقشرة مثلها مثل اي مقشر راح تخلي بشرتج حساسة للشمس فضروري وضع كريم حماية من الشمس عند استخدامها خاصة اللي رقمها فوق ال30 وتحمي من اشعة الشمس الحمراء والبنفسجية لأن هالاشعة وحدة منهم تسبب حروق الشمس والثانية السرطان
فضروري استخدام الواقي من الشمس عند اي معالجة للبشرة وطبعا الترطيييييييييب

الحين عقب ما عرفنا ان الاسبرين داخل في تكوين العديد من منتجات علاج حبوب الشباب الغالية
راح يكون من الحلو انج ماراح يكلفج الاسبرين الا 650 فلس
وراح يكون بنفس مفعول المنتجات الغالية

الحين نتكلم عن المطلوب من اغراض لصنع هالماسك



علبة اسبرين
( تأكدي ان مكتوب عليها non coated) يعني ماعليها غطا نايلون عالحبة نفسها مثل الكبسولة )عسل
والعسل يحتوي على انزيمات ومفعولها عجيب عالبشرة فهي تجدد وتنعم وتعطي نضارة للبشرة
( وطبعا العسل راح يساعدنا بمزج القناع وتثبيته على البشرة بشكل افضل )

يالا نشوف القناع
نظفي ويهج عدل بماي وغسول تنظيف الويه وانا عني استخدم نيتروجينا او لوريال الازرق مال الحبوب(وبتلاقين ان يحتوي على سيليساليك اسيد بعد )

اخذي 3 حبات اسبرين وحطيهم بصحن صغير وقطري عليهم باطراف اصابعج شوووووية ماي وتركيهم ثواني وبعدين نتفيهم باصابعج

حطي عليهم ملعقة صغيرة عسل ومزجيهم عدل

راح يكون القناع شوي خشن وهالشي بيساعدج بعدين عشان تفركين فيه البشرة اخرررر شي مو الحين(واذا ما تبينه مقشر قوي حاولي تهرسين الاسبرين اكثر واكثر او استخدمي الاسبرين البودر الجاهز)

الحين اخذي بطرف صبعج شوي من الماسك وفردي على ويهج كله وتجنبي العيون وتحت الخشم وحطي منه شوي على رقبتج

نطري عليه 15 ساعة

الحين بللي ايدج شوي وفركي القناع على ويهج مثل المقشر

بعدين غسلي ويهج عدددددل بالماي بس

نشفي ويهج وتحسسي بشرتج ..... نعوووووووومة والاحمرار والبقع خفت شوي
ومع التكرار راح تلقين الحبوب خفت والاحمرار خف والبقع الغامجة راحت
والاحلى
ان يسوي بشرتج مثل بشرة البيبي نعوووومة ولون واحد


طبعا ضروري الترطيب ووضع حماية من الشمس للبشرة قبل طلعتج وتعرفون جونا ماشاء الله

كرري الماسك مرة او مرتين بالاسبوع
وانا حاليا قاعدة اجربه وماشية عليه وبقول لكم النتيجة بعدين
بس لي الحين الصراحة القناع مو طبيعي والبشرة حللللللللوة

ويعطيكم العافية
انتظر ردودكم الحلوة

:teeth_smile:​

الله يعطيج الف عافيه يالغاليه معلومه وااايد حلوة .. وبغيت اعرف الاسبرين .. اهو الحبوب الادول ..؟ ولا لأ ؟؟ وقصدج الاسبرين هو نفسه الحبوب مالت الصداع .. ؟؟ ... لاني شوي مستغربه هالخلطه .. وشكرا

هلا اختي
نفس سؤال اختي حبيبت عويضه
الحبوب مال الصداع ...؟؟؟؟؟؟؟؟؟؟

حياكم الله حبيباتي

لا الاسبرين غير عن الادول مو نفسه

الاسبرين معروف روحي الصيدلية وقولي للصيدلاني ابي اسبرين بيعطيج اياه

وهذي صورة الاسبرين





مشكورين على المرور

مشكوره:teeth_smile:

العفووووووووو

حيااااااج

اييي صح انا قرييت هالخلطه من قبل و واايد مدحوووووووها ..

و مامداني اسويها ونسييتها =/

بس ان شالله مدااام انتي مسويتها و مضموونه ،،

الحيين برووح اسويها :wink_smile:

بس عاد لازم 15 ساعه انطر عليها @@

اللي اللي سامعته ان عاديي اخلطه مع العس وسييده احطه ؟؟

<< مستعيله بتسويها لول

يعطييج العافيه عمري

حبيبتي تربوية مشكورة على المرور

بالنسبة للخلطة الحقيقة انا ماجربتها

بس ناوية اجربها ان شاءالله ليمن اشتري الاسبرين

وخصوصا ان فيها عسل والعسل وايد زين حق البشرة

عادي اذا ماتبين تنطرين 15 ساعة

سويها وحطيها على طول اتوقع مو مشكله :teeth_smile:

جزاااااااااااااااج الله خير وان شاءالله بجربه ..........

حياج حبيبتي

والله خلطه غريبه وأنشالله أنهااا زينه دامج مجربتهااا وتسلمين يااااقلبي ع الخلطه وبجربهااااااا ....​

حيااج نورتي