خواتي يعطيكم العافية جمعياً ... أولاً أحب أخص بالشكر القائمات على الموقع والثناء على مجهوداتهم الطيبة . والحين اسمحولي أدخل بالموضوع وما أطول عليكم أكثر، بصراحة شفت وايد في (قسم ممكن تساعدوني) طلبات واستفسارات من بعض العضوات بخصوص البحث عن سكن (شقق أو بيوت) ولكن للاسف ما يوصلون لنتيجة (ولهذا السبب طرحت الموضوع في هذا القسم) ، وانا عندي خبرة زينة في هذا المجال وحبيت ان اخدم خواتي واقدم لهم المساعدة اللي يحتاجونها وأوفر لهم طلباتهم عن طريق معارفي من السماسرة او المكاتب العقارية، وطبعا هذا يشمل العقار السكني والتجاري اذا في عضوات مثلا حابين يبتدون مشروع جديد ويدورون على محل مناسب. المهم ... النقطة اللي بوصلها لكم واللي ابيكم تعرفونها إن سواء دورتي بالجرائد اليومية او الصفراء او الانترنت او السماسرة او حتى المكاتب العقارية سوف تكون النتيجة واحدة، لأنهم كلهم يوفرون الخدمة مقابل عمولة. وعشان جذي دوري أنا ان اشوف طلباتكم واوصلها للاشخاص المعنيين اللي بدورهم يوفرون خيارات متعددة تختارون منها الانسب لكن، وفي حال تم هذا تدفعون لهم العمولة ( يعني ما راح تدفعين فلس واحد لين يلاقون طلبج ) وبهذا توفرون على نفسكم عناء البحث. أتمنى ان اكون وصلتلكم الموضوع بصورة واضحة ، واللي عندها اي استفسار يا رييييييت ما تتردد وتراسلني عن طريق الموضوع نفسه او على الخاص او عن طريق ايميلي الشخصي (tulip_2009@ymail.com) وانا في خدمة خواتي.
بصراحة ما فهمت شل الفرق بين الجريدة والمكتب العقارات والخدمة المقدمة من قبلكم ؟ لانهم بالاخير يبون عمولة . . .مقابل تعبهم . . .
اي حبيبتي كلهم ياخذون عمولة مثل ما قلتي لان ما في خدمة تقدم بدون مقابل. والله يسلمج دوري يتمثل بالآتي: ان لو وحدة من العضوات تدور على عقار تجي وتكتب طلبها عندي وانا دورلها المناسب وبعدها انسق بينها وبين الجهة اللي حصلت عندها طلبها اذا كانت دلال او مكتب عقاري. وبالنسبة لنوع العمل فانا كنت اشتغل في شركة عقارية وهذا جزء من شغلي ان انسق بين العميل والشركة وانا امراة، بس اللي راح يعرض الموقع العقاري على المؤجر راح يكون الدلال او مندوب مكتب العقار وفي الغالبية يكونون رجال بس في احيان كثيرة يكونون نساء وفي كويتيات وتبين اعطيج مثال حي ووحدة اعرفها عدل (السيدة نوال البعيجان) مصممة ازياء كويتية كلنا نعرفها بس من فترة ليست بالبسيطة قررت ان تدخل مجال العقار وما تتخيلين ما شاء الله عليها بروحها تطلع تعاين المواقع وتقابل العملاء وقدرت تنجح. طبعا هذي وجهات نظر واتمنى ان الاختلاف في الراي لا يفسد للود قضية:teeth_smile:
مشكورة حبيبتي وما قصرتي:smile: على فكرة عندي لج اقتراح يمكن يعجبج بس اهو ماله علاقة بموضوعي، اذا تعرفين تفتحين لج account على الfacebook تقدرين تروجين فيه بضاعتج وتعرضينها للبيع ومجانا
اذا تبين افكار بعد انا حاطة موضوع في الركن العام اتمنى انك تشاركين فيه ذاكره فيه افكار متنوعة ان شاء الله تفيدج اسمه ( اللي تبي تسوق بضاعتها بشكل صحيح تتفضل تدخل ) وهذا رابط الموضوع اتفضلي http://www.kuwaiteya.com/vb/t107949.html
حياج:teeth_smile: ويا رييييييييت تفيدنا بخبرتج وتضيفلنا فكرة او اقتراح جديد انتي ما شاء الله عليج تاجرة شاطرة
ههههه والله مو شاطرة ولا شي انا توني بادية بالتجربة و جايبة بضاعتي لسه واصلة من أمس وللحين بقول يا كرييم :smile:
لا بالعكس لا تقولين جذي ... وإياك ثم إياك تقللين من قدرك او من قيمة عملك وصدقيني ما كو شي يظل على حاله وباجر ان شاء الله تتوفقين وتفتحين محل خاص فيج
يسمع منك ربنا يا الغالية و صح كلامك دوام الحال من المحال و بعدين كل اللي واصلين الحين بدو من الصفر و انا توكلت على الله و من يتوكل على الله فهو حسبه
والحين نرجع للموضوع الاصلي .... من منكن اخواتي تحب ان نبدي معاها المشوار:teeth_smile: منو تدور على شقة او بيت او محل؟؟
مرحبا حبيبتي يمكن انا اول وحده اطلب منج وانشاء الله اكون استفتاحيه خير اول شي بعرف جم تاخذين عموله وانا ابي لي محل بقاله بحدود من4 الي 5 الاف
حبيبتي اخت محمد... أول شي يشرفني انج تشاركين معانا بالموضوع. ثاني شي لازم تعرفينه انا ما اخذ عمولة من اي عضوة لكن .... الشركات اللي بنسق بينك وبينها راح يخذون منك عمولة. شوفي انا ابي اعرف في اي منطقة تبين يكون المحل؟؟ واذا حابة راسليني على ايميلي (tulip_2009@ymail.com) او على الخاص وانسق معاج وان شاء الله بس نضبط كل شي وقت المعاينة تروحين بنفسج تشوفين المكان او احد من اهلج اذا تحبين
