السلام عليكم خواتي انا اول مره بطلع اخيم مع زوجي واهله وعندي بنت ولد 3سنين وسنه ودي اعرف شنو اخذ معاي وشنو اشتري حق البر وشنو الاغراض الي اشتريها حق الخيمه شرينا خيمع 4في 6 ولا عليكم امر ابي افكاركم وابي اخذ اشياء تفيدني
لا تخلين شي اخذي كل شييخص البر وخلج مميزة يا قلبي :smile: الخيمة ومستلزماتها:- ( أعمده – أطناب- اوتاد – أروقه– ذرا شراع - أشرعه زرقاء بلاستيك – فرشة مع مراكي - حبال – ماطور كهرباء مع الأسلاك واللمبات – فأس – منشار – كريك – مسحاة - مطرقة – ملقاط – ذراية حديد – لي ماء + حنفيه- ترمس ثلج (حافظة) – جراكل ماء+أباريق وضوء + حطب + فحم ـ ماء زياده عن الحاجه ــ صابون ــ ليفه تنظيف السيارة ومستلزماتها :- ( مفتاح احتياط للسيارة - ماطور هواء + عيارهواء – اشتراك – كشاف –واير سحب او حبل قوي- عدة كاملة - محول كهرباء من بطارية السيارة – لمبة على بطاريةالسيارة – صيدلية - خرائط خاصة بالرحلات البرية – قارمن+كنود-– دربيل – سلاح شخصي – كمرة فيديو+محول كهرباءــ جركل بانزين احتياطي – التأكدمن وضع السيارة :- الزيت + الماء + هواء الكفرات + ليات الماء(الخراطيش)+ البطارية+البنزين ) . عدة القهوة والشاي :- ( دله قهوة + ملقمة قهوة + ليفة دله– أباريق شاي أحجام – إبريق تفويح - إبريق حليب – بيزه (جمع بيز) وهو الواقي من الحار – كبريت + مكعبات – مركب – محماس + نجر_ طاسة أوسطل- قز وبرميل غاز ولي ومحول- ترامس شاي وقهوة ـ بيالات وفناجيل ـ كيسان ورق ) . طلبات القهوة والشاي :- ( قهوة – هيل – زعفران – مسمار – تمر – شاي – سكر – نعناع وحبق – زنجبيل – حليب + شابوره ) . عدة الطبخ :- ( قدر كبير + ثلاث قدور صغيرة – ثلاثة صحون – مقلاة - ملاسة - سكاكين – مسن - ملاعق – مفتاح علب – صابون لغسيل الصحون - صابون يد – ليفه مواعين + أسفنجه – صحون بلاستيك + أكواب + سفره – قصدير-اكياس نفايات ) طلبات الطبخ :- ( رز – مكرونة – بهارات – زيت – لحم أو دجاج أو سمك – بصل – طماطم علب – طماطم طازج – ملح – ليمون أسود – فلفل أسود- بهارات مشكله – طحين – عسل - سمن– زبده – ثلج+ ماء بارد – فاكهه – معلبات + خبز )
ماشاء الله عليك حياتي ملمه بالبر واغراضه شكلي بصحي زوجي من النوم ونطلع شهيتيني بطلعة البر وحوستها بس نسيتي الملابس الاحتياطيه والعاب الصغار ومشكوره اللي طرحت الموضوع يعطيكم الف عافيه
ولله الاخت ماقصرت .. لاتنسين الجاكيتات لعيالج و شال لج و جاكيت لزوجج و اكيد لازم سوالف الحب و الككاو و العصير والكره لاتنسونها ترا وناسه حدها بالبر و يبي زوليه خفيفه عشان اذا راحت الشمس على ال4 او 5 تفرشونها برا و تحطون الجاي و القهوه و الحب و الحلويات و تسولفون ترا حده وناسه واذا معاج خدامه لاتنسين تاخذين لها هم فرشه صغيرونه عشان لما تقعد مع اليهال حرام تقعد عالفرشه و خليها تلبس عدل ولاتنسين تاخذين الشطاف مال البر حقج و حق ريلج امممممممممم وشنو بعد الصابون اللي ايصير مثل اوراق .. انظف واسهل من الصبونه العاديه تتدمر تراب اخذي الاوراق احسن حقج و حق عيالج ومادري بعد قولو بنات شنو
ما قصرو البنات افادوج بس لا تنسين المكنسه واكياس حق الزباله..واعواد الجبريت والولعه او القاز ولاكلينكسات
ماشالله عليهم البنات ماقصرو بس انتبهى على اعيالج ياقلبى اتعرفين فى البر يحلى شبه النار علشان جذيه انتبهى لهم ولا تتكلين عاى الخادمه علشان تستانسون فى طلعتكم
البنات ماقصروا والله................ بس أزيد عليهم بجاكيتات خاصة بالمطر حق اعيالج.... عشان ماتتملل ملابسهم بالمطر ويستمرضون عليج
لازم تاخذين معاج بعد خافض حراره لعيالج ولازق جروح علعموم جنطه حق الدوى وضد الشمس لليهال من الصيدليه وحقج لان الشمس طلعت بولدي حبوب صغيره
