السلام عليكم ورحمة الله وبركاته - - - - - - - - - - - والله ما ادري شلون ابتدي انا منحرجة حديييييي بنات انا صلعه صلعه صلعه والله قاعدة ابجي وانا اكتب الموضوع الي يشوفني يقول عجوز من كثر ما انا صلعه والله لواعرف احط صور حطيت وخليتكم تشوفون يا ربي ما ادري شنو اسوي جربت شغلات واجد زيوت خلطات ما في فايدة جربت خلطة منى الجميع واهلكتني خلطتها متعبة حييييل حيييل وجربت الليزر عند بيوتي تك والله قطيت 480دينار وخرطي حسبي الله ونعم الوكيل الله يخليكم بنات تكفووووووووووووووون تكفوووووووووووووووووون الي تعرف شي ينبت الشعر ينبت الشعر ينبت الشعر تقول ولا تبخل علي تكفوووووون انا صج صرت بحالة نفسية سيئه جدا جدا جدا والله زوجي يضحك علي امنة يا بنات ابي مسادة بلي تعرفونه والي ما تعرف لا تطنش على الأقل تدعي لي
يااااااااااااااااابعد قلبي حبيبتي والله عورتي قلبي ......ما عندي غير السدر انصحج انصحج فيه اهو معروف من ايام البدو يقولون ان حطيتي السدر علي باطن الكف ينبت فيه شعر بس التزمي بالاسبوع 3 مرات مع حنا وصفار بيضه .....ومووووووووووووفقه
ربي يشرح لج صدرج ويفك لج كربتج ياااااااااااااارب ... اختي والله الحالة النفسية تلعب دور كبير في الشعر ... ديري بالج على نفسج بالأول وهدي شوي شوي ... وخليج مع السدر ترى وااايد زين ... موفقة ياااااااااااااارب
دشي موضوعي الي زوجي يعايرني يقولي ام كشه انا اوراد مول وحده انصحتني تقول عطار عالج اخوها اصلع يمكن تستفيدين دشي لموضوعي
عزيزتي اخذي ملعقتين من هالزيوت أو اللي تقدرين عليه منهم + جرجير مهروس ---->هذا لازم طازج يعني نفس الوقت تهرسينه الزيوت(زيت الخروع هذا شوي حار على الراس- زيت الخس-زيت الحيه-زيت جوز الهند-زيت الثوم وهذا مو متوفر بكل محلات العطاره بس ممتاز .. موجود بالعديليه وصباح السالم-زيت اللوز) خلطيهم وكوني لج خلطه لشهر اول شي فركي فروة الراس بالجرجير وخليها لمدة نص ساعه على الأقل وبعدها حطي الزيوت عشان ما يتهيج الراس والله الشافي .. مثل ما قالت الاخت الاسباب النفسيه وأضيف عليها التغذيه والنوم من أهم اسباب حيوية وجمال الشعر أو العكس بالتوفيق
الله يفرج لج همج شوفي أهم شي اهم شي أهم شييييييي تاكلين فيتامين وانا أنصحج بفيتامينات بالصيدلية أسمهم ( هير فيت ) روووعه وإن شاء الله ينبت شعرج بس شوووفي ترى تلا حظين الفرق بعد 6 شهووور بالضبط وأكليهم كل يوم حبة هذا بالاضافة إلى أمبولات اسمهم (فيولا ) تلا حظين الفرق بوقف التساقط تقريبا من قاني أسبوع واستخدمي شامبو طبي وماسك طبي ف ق ط وإذا تبين أي سؤال أنا مستعدة والله يعيينك واصبري
هلا حبيبتي . . . النفسية والعصبية تخلي الشعر يحت + ضعف الدم . . . في حبوب للشعر حلوة اسمها بنتوغار سوي سيرج عنها وشوفي ودوريها بالكويت وان ما حصلتيها من عيوني اوفرها لج . . .
حبيبتي قطعتي قلبي بقولك على كل شي ممتاز ومجرب اولا.... زيت بنت البدر كلمة ممتاز قليله فيه ينبت الشعر من ثالث اسبوع بتلاحظين ثانيا.... منتج ياباني اسمه كامينو موتو وهو عباره عن تونيك للشعر مقوي+ مسرع ممتاز وبتشوفي شعرك كيف بس بشهر وما ابي منك غير دعوه وادعيلي اني اجيب تؤام عيال
باختصار الشاقور مع الحنة أو السدر /بتشوفين شلون ينبت شعرك خلال اسبوعين جربيه وشوفي النتيجة/بس أهم شي لاتبالين بشعرك لاتطالعين فيه كل يوم بالمنظرة عشان النفسية بس عقب لماتشوفين الشعر المقزز النابت راح ترتاحين نفسيآ ولاتنسين فيتامينات للشعر أحسن شي للدم والأظافر تلقينهم بالحكومة يصرفونها لج اسمها فوليك بس عيبها انك ماتاكلين مشتقات الحليب معها ولاالقهوة والشاي"هذا كلام الصيدلي"وغير جذيه فاتحة للشهية....... ابيك {أمانة تدعيلي بحسن الخاتمة}
حبيبتي زيت جدايل من عبد الصمد القرشي روعه وفيه انواع ثلاث لتساقط ولتطويل والقشره ومو غالي العلبه ب50ريال بلا خلطات بلا وجع قلب
انصحج بنبتة الصبار سوي سيرج بقوقل وشوفي فوايده العجيبه معروف انه ينبت الشعر ويطوله ويوقف التساقط تاخذينه من المشاتل وقوليله ابي صبار الالوفيرا لأنه في انواع واهوا خاص بالشعر تخلطينه مع زيت الجرجير او الخروع اي واحد عادي وحطيه مرتين او 3 مرات بالاسبوع ولما اتحطينه على شعرج قولي بسم الله الشافي بسم الله المعافي وادعي انه شعرج يتحسن وخليه على شعرج ساعتين وهذا رابط موضوع عن الصبار شرح + صور (( عن كيفية استخراج الماده اللزجه من الصبار )) - موقع و منتدى الفراشة النسائي واتمنى اني افدتج وموفقه حبيبتي وقوليلي شيصير معاج حياتي
حبيبتي الحرمل مفيييييييييييد جدا ويعطي نتيجة خيالية قطي كل الزيوت برا وعليج بالحرمل "اخذي كميه بيدج وماي وخليهم يغلون شوي وصفيه وانطري لين يبرد وروحي اتسبحي ولا خلصتي غسلي فيه شعرج ودلكي فروه راسج واطلعي ((مو تروحين وتغسلين بعده شامبو لا الشامبو قبل الحركة اللي قلت لج عنها اوكي))مرتين بالاسبوعين وادعيلي يا الغاليه
