مرحبا اختي عندج مجمع العدساني في حولي وايد حلو ورخيص وتحصلين جميع المقاسات من سمول ليxxxxxxxxxxxl وتقدرين تركبين لج احله بدله من الي يبيع وبارخص سعر ماتكلفج شي جينز وقميص طويل وفوقه تون وروحي حوش السالميه اخذيلج شال قطي فوق القميص و فلات وملفع اي صج داخل مجمع العدساني في <<محل رياضي نسيت اسمه يمكن النصر المهم مسوي تنزيلات عنده فلاتات حلوه وبسيطه اممم انشالله اكون قدرت اساعدج موفقه
حبيبتى عندج سيتى سنتر ورووحى للمحلات إللى فيها تنزيلات وخصووصا الحين هلا فبرابر الأسعار حيييل رخيصه ولمن ترووحين ركبى شغله على شغله وراح تطلعين حللوه صدقينى انا مجربه لمن أركب مثلن جينز على بلووزه حلوه وإكسسوارات وبووت وسكارف راح يطلع شكلج حلوو ويناسب حق المحجبات وإذا عندج شغلات قديمه ركبيها على بلووزه أو بنطلون راح يطلع شكلج حلوو إدعيلى إنى اجيب نسبه ياارب
موشرط اذا لبسنا غالي نطلع مرتبين علي قولتج ترا تنسيق الالوان اهم شي وفية اماكن بالكويت حيل رخيصة مثل الفروانية طبعا مو حيل والنقرة وانصحج اتقزرينها علي العبايات بالفراونية حلوة عباياتهم فصليلج عبايتين وعلا جم ملفع ملون يطلع شكلج حلو ومرتب
حبوبه انا عندي ملابس استعمال خفيف ومنهم لبسه وحده بس اذا حابه تشوفين كلميني عالخاص واذا تبيني اعلمج شلون تركبين البدلات حتى لو من ملابسج القديمه نسوي عليها تعديلات
حبيبتي في وااايد محلات رخيصة... عندج ماكس وايد بضاعتهم حلوة ورخيصة رد تاغ سيتي سنتر لولو هايبر المحاميد مجمع النقرة سنتر بوينت والله في وايد بس مو ذاكرة
