يابنات المنتدى الغاليات ابي منكم فكرة هديه حلوه لام زوجي انا متعوده كل فتره اجيب لها هديه وخلصت الافكار اللي عندي وابي منكم شي جديد سواء فكره او وحده تبيع اشتري منها مو مشكله المهم شي يبيض الوجه تكفون لاتخيبوني
امممم شرايك تجيبين لها مجموعة عطور من العربيه مثلاً او من جنيد او الماجد وفيه عند العربيه بخور ملكي بحريني امي تحبه كثييير وريحته حلووه علبته مثلثه وتشترين صندوق قديم او معتق وتحطين داخله سدو وترتبين العطور داخله او ممكن تجيبين لها دراعه حلووه وفخمه او خاتم حلوو واعذريني مالي بالهدايا كثير اخر مره اهديت جدتي سجاده من عروق العود مره انبسطت عليها
شكرا اختي ام دلال انا ابي حاجه حلوه وفي نفس الوقت تستفيد منها وصراحه ماتوقعت بنات المنتدى كذا ماتفاعلوا معي معقوله ماعندهم افكار وماقصرتوا اللي رديتو علي
ياهلا والله فيج اختي انا عندي فكره الصراحه كانت لقرقيعان عبودي ولدي لامي واخت زوجي الكبيرة وام زوجي وعمته بعد واهي شريت صندوق مبيت وحطيت داخله مبخر ودهن عود وخلطه عطر عربية وبخور وحطيت معاهم غرشة ماي ورد وزعفران وماي لقاح وكاكاو مميز لاوبعد حطيت بالمبخر فحم بخور بس طبعاً وحده ولفيتها بالتور ولفيت الصندوق كله بالتور وكانت الالوان ذهبي وعنابي وزينته بالورد المجفف المعطر وانشالله تكون فكرتي لج حلو ويديده عليج
اختى ندي حياج بمعرض افكاري في كل الى تبينه وتحتاجينه العنوان: الري الدائري الرابع مجمع الري سنتر خلف سنتر بوينت التلفون 965+)4756640-4714255
