ممكن خدمه لاختي تدرس منازل عددوا لها المواد المقرره بعاشر لاهنتوا

المكتوب مبين من العنوان حبايب قلبي اختي تدرس عاشر منازل وتبي تعرف المواد المقرره واللي راح تدرسها للامتحانات النهائيه انا قلت لها اهي

احياء +كيمياء+اجتماعيات+عربي+رياضيات+فيزياء+انجليزي تربيه اسلاميه


في بعد شي ناقص اهي ماتبي تجيب كتب اهي شرت نصف المذكرات المحلولوه وتستال اذا كانت الدراسه سهله الصراحه انا اشجعها وابيها تدرس اهي متزوجه وعندها اعيال بعد :frown:

هلا حيااتي
عسى الله يوفق اختج وزين سوت انها بتكمل .. وشنو قصدج بالمذكرات المحلوولة ؟

بالنسبة للمواد وهي كالآتي

القرآن الكريم
التربية الإسلامية
اللغة العربية
اللغة الانجليزية << وهذا المنهج الكويتي اليديد اعتقد امريكي وغير عن القديم مطورينه
الرياضيات
الكيمياء
الفيزياء
احياء
اجتماعيات
بدينة
تقنية معلومات (حاسوب)

وهذي كل المواد بس بصراحة ماعندي فكرة اذا تاخذ المواد الخفيفة مثل البدينة والحاسوب وقرآن !؟

وبالنسبة للسهولة وللصعوبة

اسلامية وقران طبعا سهلين
العربي اذا تاخذه لازم تعرف كل الدروس المقررة عليها ( من نصوص ونحو وبلاغة )
انجليزي وايد حلو على اني ما لحقت عليه لان اول العام ماخذته وكان منهجنا غير
يعني مطور

بس رياضيات الفصل الاول لج عليه شوي لان يتكلم عن النسب المثلثية (جا جتا وظا وظتا ) وانا ما احبه بصراحة يعني ما ينفع له دراسة منازل
والكيميا وايد سهله وحلوة . وعلى حسب ميوولها ولازم تقرا الكتاب وايد خفيف وحلو

الفيزيا حلوة بس يبيله احد يفهمج شنو معى الفيزيا لان انا اول ما ادخلت 10 تنحت مادري شنو قاعدة اقرى
من دخلت علمي فهمتها عدل 100%
بس عموما سهله عن التمدد والانكمااش والحرارة وهالسوالف وبسهولة وبدون دراسة تاخذ العلامةالكاملة :>

الأحياء حفظ وايد .. بس كلها عن جسم الإنسان

اجتماعيات الكورس الاول وايد حلو ماعدا الفصل الأخير عن (الدولة العثمانية) يعني تاريخ
والكورس الثاني احلى بواااااااااايد وحفظه سهل :>

واذا في اي سؤال انا حاضرة :>

وعسى الله يوفق اختج دنيا وآخره
تحياااتي لج ولها