طريقتي حلوة وسهلة تغسلين الخروف واتنظفينه من الشعر والدم الله يكرمج 1-تحطين بصل وثوم في قاعة الجدر 2-تحطين الخروف في الجدر عظام فوق واللحم تحت 3-وتكتين بصل وثوم ودارسين مطحون وبهارات حسب الرغبة فوقه (مع اني ما احب الا الدارسين وبهارات الحب ومو وايد) 4-تحطين الجدر عالنار شوي <<<<<الفرقاعة 5-تصبين الماي الدافي فوقه 6-تنطرين لين ما يفوح الماي 7-تضيفين ملح حسب الرغبة 8_تتركين الماي من بداية فوحانة لمدة ساعة ونص للخروف اللي مو كبير وايد وساعتين للخروف الكبير. 9-اتشيلين المفطح من الجدر وتطلعين وتكونين ناقعة زعفران وماي ورد واتصبينه فوق المفطح وتمسحينه وتحطينه بالفرن عشان يحمر ويقرمش 10-تكونين غاسلة العيش وناقعته لمدة ثلث ساعة وتصفينه من الماي 11-اتصفين ماي الخرووف من الشوائب مثل رغوته والبصل والثوم واللي موجود 12 ااتكتين العيش فوق الماي وتخلين الماي اكثر من العيش بخمسه الى سته سانتي حشو فوق العيش 1تحمسين بصل 2-بعد احمرار البصل اضافة الملح والبهار 3-اضافة الزبيب اللي كنتي ناقته بماي دافي الى الحمسة 4-اضافة بقدونس الى الحمسة 5-اضافة قليل من معجون الطمام الى الحمسة لما يحمر اللحم اتطلعينه من الفرن وترشين عليه بقدونس <<<<<<<<<<<يميميم يصير شي عاد سكري عالعيش واغرفيه بالصحن حطي الحمسه فوقه حطي المفطح فوقه وبالهنا والشفا
وااااااي انا حدي بخاطري اطبخ الذبيحة بس اخاف وماعندي جرأة ولاعمري جربت حتى كل ماتصير عندنا عزيمة نودي الخروف مطبخ المملكة ودي اشتري خروف واجرب بس الخرفان غالية نااااااار اخاف ما اضبطه وزوجي يسويني خروف هههههههههههههه
انا الوالده جنبي واهي الي تقولي الحمدالله طبخها حلوووو ..... وانشاء افيدج اول طريقه والاهم تقولج تغسلييييييين الذبيييييييحه عدل وبعدين احمسي اللحم ع بصل وثووووم طبعا مع ابهارات خشنه ودارسي وهيل وبعدين تزيدين تحطين مااااااي واهم شي البهارات السعوديه وثلاث حبات قرنفل وكركم نص قفشه بعد مايفووووووووووح الماي وطبعا العيش تقولج الوالده حفظها الله لنا اذا تبين طعمه حلو حطي نص قفشه مسمااار مطحووون اتمنى ان الوالده فادتج بشي لاتنسين تدعين لابوي بالرحمه والمغفره باذنه تعالي
