رايج بصراحه

السلام عليكم خواتي شلونكم انشا الله انكم باحسن حال خواتي ابي رايكم بصراحه بمشكله التعليم عندنا انا اعندي اولدي كان ماخذ الامتياز بفترة الابتدائي نسبته كانت 98 واراح المتوسط قام تنزل مستواة لما جاب 73 والله المستعان والثاني مستواه كان جيد جدا راح لسادس وجابلي صاقط بجميع المواد مع العلم انا جايبه مدرسين ومدخلتهم معهد وانا ادرس والولد يعرف يقرا ويكتب والله ذبحت اعيالي وصراحه عاقبتهم لدرجه النفسيه عندهم من الصدمه صفر والله المستعان والله اعيالي لله الحمد مؤدبين واخلاقهم عاليه ومحترمه* والله قاعد اواجه حاله نفسيه صعبه الحمد الله الصراحه التعليم صار عندنا غريب عجيب مايعطون حق الواحد ابي كل وحدة منكم تقول رايها وتجربتها

هلا أختي . . .

من واقع خبرة

التقييم في الابتدائي غير صحيح بالكويتي خرابيط

يعني يعطون التلميذ امتياز في كل المواد والمستوى الحقيقي له جيد

اقولج هالكلام من واقع خبرة تربوية . . .

بعض الامهات كانوا يقولون لي بنتي امتياز في الابتدائي والان مستواها جيد !!

ولما رحنا للابتدائي لقيت العالم توزع عيادي وقرقيعان الامتياز دون وعي ودون مصداقية . . .!

نصيحتي ولدج اللي مستواه امتياز اهو مستواه جيد مرتفع لاتضغطين عليه زيادة لان هالشي قدرات

اهم شي انج تدربينهم ع المهارات الجديدة في كل مادة . . .

واللي رسب شوفي رسوبه بشنو واخذي نسخ من امتحاناته ودققي مع مدرسته بنواحي ضعفه بالتفصيل

وربي يوفقهم لج ويحققون النجاح دوووم

الله يجزاج خير اختي العزيزة ام عبدالله بس ياختي عيالي اذكياء ماشالله ورحت المدرسه مستغربين انهم بالامتحان يخرونها يمكن عندهم خوف من الامتحانات

هلا أم صهيب
معدل ذكاءهم مرتفع فوق العادي لكن اساسهم في المهارات السابقة يبيله تدقيق وتدريب . . .
ركزي ع المهارات الجديدة وكيفية التعامل وياها . . .
يعني اللي بخامس لو ناخذ مثال بسيط ع مادة اللغة العربية :
مهارات خامس تعتمد ع مهارات ثالثة ورابعة ابتدائي يعني ولدج لازم يعرف ويفرق بين الاسم والفعل والحرف
ولازم يعرف الجملة الاسمية ومكوناتها والفعلية ومكوناتها
ان كان ولدج مايعرف الاساس > اسم فعل حرف فهنيه لازم تردين فيه وتعلمينه الاساس علشان بيترتب عليه قواعد المتوسطة والثانوية . . .
وهم بعد الانجليزي نفس الشي والرياضيات ردي لكتبهم القديمة وحاولي تدربينهم على ما سبق من مهارات اساسية صحيح بتتعبين لكن بتحققين نتيجة . . .

صح كلامج المصيبه كل الي ذكرتيه يعرفةنه وانهم بالروضه لقايت الثاني الابتدائى مدرسه اجنبيه والله يام عبود اعيلي انا متاكدة انهم شاطرين بس احس انهم مظلمين والله المستعان اولدي الي بسابع جاب 73 وسادس جابلي 85والخامس 98مدري شفتي شلون نزل نزله قويه والي بسادس انا امتحنه بالبيت يعرف لما وديته للمدرسه قالو زين يعرف وشاطر ليش جذي الله المستعان الله كريم وشكرا على تواصلج معاي صراحه مرورج اسعدني

الله يفتح على عيالج ويوفقهم ويهديهم لج

الله يجزاج خير اختي