الســــــــــــــــــــــــلام عليكم ورحمة الله وبركاته .. اتمنـــــــــــــى منكم ياخواتي الدعاء لي بالهداية والثبات .. حيث ان الله قد نور طريقي بعد ظلمته وارشدني الى الصواب بعد ما كنت في طريق الخطأ . مو عيب اني اعترف اني كنت بالطريق ( الخطأ ) بس الخطأ اني استمر فيه .. لا تفهموني غلط انا ما غلطت غلطان كبيرة لكن كنت مقصرة وايد بأموري الدينية وكنت ما همي الا لهو الدنيا ومتاعها ,وصديقاتي ووستايلات وخرابيط لا لها اول ولا تالي . ويريت يعني افكر بكشختي وبس لا كنت افكر قبل لا اطلع من البيت شلون اعجب اللي برة وشلون ياترا بطالعوني وهذي الصراحة .. المصيبة اني افكر شلون ارضي الناس ومافكر حتى مجرد تفكير اني ابعد عن هالشي علشان ارضي ربي .. ( آآآآآآآآآآآآآآآآآآآآآآآآآآآه يالقهر ) مع الايام كرهت نفسي حسيت اني انسانة تافهة ماعندي مبدئ بحياتي الا المظاهر الكذابة .. تركت الطلعة وكرهت صديقاتي وكرهت حتى نفسي .. صارت فيني حالة بس اقعد بغرفتي بروحي وبس اصرخ وابجي اقول لأمي تعالي ابيج يمي ,, يمه والله مادري شفيني تعبت تقولي اذكري الله .. للعلم خواتي انا صج كنت لاهية بدنيتي بس ماكنت اترك صلاتي كلش الحمد لله ,, قامت امي تقرى علي وتدعيلي بصلاتها الله يطول بعمرها يارب.. وتغيرت حياتي من الأسوأ الا الأحسن بفضل الله سبحانة ..وصرت البس عباية وماحب شي اسمه مكياج ولا صار يهمني مظاهر ولا خرابيط ..وصاحبت رفيقات صالحات الله يخليهم لي بس مو وايد رفيجاتي تدرون قليل ماتلقون بنات والنعم بأخلاقهم .. تزوجت وصار عندي ولد والحين حامل الله يهون علي يارب ..بعد زواجي تغطيت غطاء كااااااااامل من اول راسي لين موطاي الله يثبتني .. وادعي رب العالمين انه يجعلني من الأحسن لي الأحسن .. واسأل الله ان يحسن خلقي كما حسن خلقي . لكن عندي مقوله دايــــــــــــــــــــــــــما احب اقولها لأن فيها عظة .. (( عجبــــــــــا" لأبن آدم يحب اللــــه ويعصيه ويكـــــــــــــره الشيطـــــــــــان ويتبعـــــــــه )) والسلام عليكم ورحمة الله وبركاته
فديتج والله ربي يثبتج وييسرلج درب الخير والرفقه الصالحه ترااه يااختي اللي قاابض ع دينه فهالزمن مثل اللي قاابض ع يمره من نااار ربي يحشرنا في زمرة المسااكين بجوااار حبيبنا محمد صلى الله عليه وسلم
