اخواتي العزيزات انا من محبين المنتديات بالذات فيما يخص الرشاقة و النحافة و السمنة و الانظمة و غيرها لذلك فانا لاحظت كثرة الرجيمات و المواضيع اللي البنات الله يهديهم يحطونها من غير ما يفكرون عدل ( لا اقصد اهانة لاي احد ) لكن يا بنات لازم تتاكدون من المعلومات قبل لا تضيعون فلوس غيركم ووقتهم و صحتهم لانهم وثقوا بنصيحتكم .. ما في صفحة بالفسم الا فيها رجيم ينزل بالشهر 30 كيلو او بالاسبوع 10 كيلو او باليوم كيلو !! ابي وحدة تقول انا ضعفت بالشهر 30 كيلو مافي!! كل وحدة تقول رفيجتي.. بنت خالي.. بنت عم جيران حمات اختي .. اسمحولي اقول لكم معلومات علمية مؤكدة مو جايبتها من عندي لاني ادري اني قاعده اكلم ناس تفهم مو جهلة: كيلو الدهن = 7500 سعر حراري يعني اذا بتضعفين كيلو لازم تحرقن 7500 سعر حراري باليوم و اذا بتزيدين كيلو لازم تاكلين 7500 سعر حراري زيادة عن حاجتك واضح ؟ في شي اسمة (basic ****bolic rate (BMR و هذا يعني عدد السعرات الحرارية الاساسية لحياة الانسان لمدة 24 ساعة من غير القيام باي نشاط حركي او ذهني: يعني عدد السعرات الحرارية اللي يحتاجها جسمك بس عشان قلبك ينبض و الكليتين تعمل و المخ يشتغل و الرئتين تتنفس فقط !! من غير اي نشاط .. لا سوالف و لا قعدة و لا قومة ولا صلاة و لا رياضة و لا طبخ و لا اي شي . العادة يكون مختلف من شخص لاخر كل ما زاد معناته الشخص جسمة يحرق و كل ما قل معناته صعب النزول و هذا الشيء يرجع لعوامل عدة .. العمر .. كمية العضلات .. الغدة .. الوراثة .. الخ عادة بين 1000 - 1500 للمراه العادية اللي مثلي و مثلكم . معلومة باعطيكم اياها علمية متفق عليها : اذا مشيتي على نظام سعراته الحرارية اقل من معدل bmr مالك جسمك راح ينزل كل الماي اللي ممكن يستغني عنه حتى و ان كان مو ماي زايد عشان يخفف الحمل و بالتالي صرف الطاقة .. و بعدين ينزل درجة حرارة الجسم ايضا عشان يوفر الطاقة .. و بعدين يقلل من اي عمليات تعبر غير ذات اولوية قصوى مثل التركيز.. الذاكرة .. النشاط .. توازن الضغط و السكر .. يعني باختصار جسمك عباله انك في مجاعه او ضايعه بالصحراء فيطفي كل شي وحدة وحدة عشان يوفر الطاقة عشان لا تموتييييييييين بسرعه !! طبعا خلال هالوقت انتي ما تدرين شالسالفة عبالك مسوية خير انك نزلتي 4 او 5 كيلو باسبوع بينما الواقع كيلو منهم دهن و 3 ماااااي !!!!! راح تقولون مو مشكلة خل ينزل الماي .. راح اقول لكم مصييييييبة اذا نزل الماي و جسمك صار فية جفاف لان الدهن ما ينزل حشاكم بالحمام و انما يتحول الى طاقة .. و لكن الجسم لا يستطيع انه يسوي هالتفاعل الكيميائي من غير ماااااااااء !!:mskket: fat -------------H2O----------->energy شي ثاني اذا اكلتي 1000 سعر باليوم و انتي رياضية درجة اولى و جسمك كلة عضلات فجسمك يحتاج 1500 سعر عشان يعيش و 1000 عشان النشاطات اليومية و 500 للرياضة ( جري لمدة ساعة يحرق 400 يعني معطيتكم وجه ) صار مجموع حاجتك 3000 كالوري اذا بتحافظين على وزنك اذا اكلتي بس 1000 تصيرين بالناقص 2000 سعر يعني جسمك حرق 2000 سعر حراري يعني تقريبا ربع كيلو باليوم !! يعني لو تفحطييييين ما نزلتي بالاسبوع كثر من كيلو و نص اذا كنتي رياضية و نشيطة جدا ... بتقولون اي بس احنا ننزل اكثر : يا حبيبة قلبي جسمك لما يمر بالعمليات اللي فوق و هم ما تعطينة اكل و طاقة يقوم يطلع الكربوهيدرات اللي بمخازن العضلات عشان يعطيك طاقة و بالتالي تروح عضلاتك .. وش المشكلة ؟ بللللووووة الماي راح العضلات راحت يتوقف نزوووول الوزن نهااااائيا مثل ما يصير بواااايد منكم لان جسمك ما يعود قادر يسوي شي .. بعدين يللي تقولون رجيم ينزل باليوم كيلو شلوووون يعني ؟ انتي ماكلة 500 كالوري اقل شي او حتى مو ماكلة و لا شي .. و جسمك محتاج 3000 لكل شي .. رياضة .. انشطة يومية .. ووظائف حيوية .. طيب ال 4000 كالوري الباقين اللي لازم يروحون عشان تكلين الكيلو وين بتودينهم يمه ؟؟؟؟!!!!!!!! بتتسلقين جبل ؟؟؟ بتعبرين المحيط ؟؟؟!!!! لا تزعلون و الله انكسرت رقبتي و انا اكتب عشان مصلحتكم والله و بالله ترى العلم نور يا بنات و انا ماني دكتورة لكن الحمد لله اقرا و اخواني دكاترة و عندنا مدربات بالايلة و انا ترى رياضية و كنت امتن و ضعفت ووالله و بالله اني جربت اتكنز .. اسامة حمدي .. رجيم الشوربة .. رجيم ال3 ايام .. رجيم مايوكلينك و مليون رجيم و عمري ما فلحت امشي يوم يومين او حتى اسبوع و بعدين تعالي رقعي الخراب !!! و تم وزني يصعد من هالرجيمات لانك بعدين تنفجعين و حتى اذا ما انفجعتي جسمك سبحان الله بيخزن بعد التجويع كل شي تاكلينه من خوفة لا تموتين .. يعني لو اكلتي تفاحة ما بيحرقها بيخزنها !! عشان جذي الشعر ما يطيح اثناء الرجيم وايد و لكن بعد الرجيم اكثر لان جسمك ما يستفيد من الاكل خلااااااص !!:mskket::confused_smile: طبعا بعد ما صكييييييت راسكم و انحولتوا من القراءة بعطيكم الخلاصة : نزلي بالاسبوع كيلو الى كيلوين يعني بالشر 8 و انتي جسمك مرتاح و راح يكونون كلهم دهون يعني يبين واااااااايد . و نزلوا على مهلكم بصحه و عافية بعدين اذا ما متي من اليوع راح تتحملين تستمرين اكثر . و انا حاضرة لاي استفسار و سامحوني بس احاتيكم و احاتي صحتكم
مشكوووووووووره يااقلبي انتي ع المجهوووووود ولاهنتي خيتؤؤؤؤ ع الملعووماااات المفيده .. وماننحرم من جديدج ..
