بسم الله الرحمن الرحيم 0 0 0 0 0 0 0 0 0 0 بنات منو فيكم زوجها شهادة ومتوسط وشلون قدرو تعايشون مع الحياة خلونا نستفيد منكم وهل تنصحونى ناخذ ريال شهادة متوسط ؟ وهل تبنى حياة زوجيه على اساس شهاده ام الاخلاق وسمعه طيبه ؟
انا زوجي شهادته متوسطه وعايشين ولله الحمد من اروع مايكووون ترى في ناس على قولة طارق العلي ذكي دراسه وغبي حياااه .. يعني يكون شهادته عاليه بس مايعرف يتصرف في امور حياته وفي ناس اذكياء بس ظروفهم ماساعدتهم انهم يكملون دراستهم وفي ناس يكونون في فترة الدراسه لاهين ومو مهتمين بدراستهم بس مايعني انهم اغبيااء والا مايفهمووون لأ والله في بعضهم لهم القدره على حل مشاكلهم وتفاهم ويا الحيااه اكثر من اللي شهادتهم عاليه ..
انا من راي عسولة ..زوجي شهادته متوسطة لكن والله انه حساس وذكي ويعرف يتعامل مع الناس كل حسب مستواه ..وعايشين حياة سعيدة ولله الحمد وياما ناس شهادات عالية ومافي اخلاق بالمرة الشهادة مو مقياس ولا ذات اهمية ...ولا تنسين حياتي ان افضل واكرم الخلق محمد صلى الله عليه واله وسلم كان امي لا يقرأ ولا يكتب...لكنه كان مدينة للعلم سبحان الله
انا ايد البنات بكلامهم بس والله يابنات بالنسبه الحاله الماديه لا ما توفي بالزمن هذا لازم اخر الشهر متسلف خاصة اذا الزوجه ماتشتغل اما بالنسبه الفكر والحياة الاجتماعيه هذا علي حسب الريال في ناس عندهم دكتوراه لا تكلم تقولين ياريت يسكت التوفيق من رب العلمين
انا ريلي شهادته دبلوم تجاري ... بس الواحد مو بشهادته ياما ناس مايعرفون يقرون ويعرفون بالدنيا اكثر من اللي عنده دكتوراه .. وياما ناس دارسين وشهاده قويه بس ماكو معرفه بامور الحياة .. اهم شي الدين والاخلاق الطيبه .
حبيبتي اهم شي الاخلاق صدقيني مو شرط الشهااده انا كان ريلي جامعي ومايعرف شي عن الحياة بس زاهب يتطنز علي انتي شوفي شهادتج مع العلم كانت شهادتي دبلوم تجاري ,,وماتميت معاه وتطلقت لانه مو عاارف الدنياا صح ,, الله يكتبلج الي فيه الخير
اختي الشهادة تكملة لشخصية و ليست اساس انا افضل الرجل اخذية على اخلاقة و دينة مو شهادة الله يوفقج صدقيني الفلوس و جاة مو كل شي تحياتي عسولة
