السلام عليكم حبايبي اشلونكم.... قبل جم يووم شفت بمنتدى ثاني وحدة كاتبة موضوع عن كريم تقول وااااايد حلو وعبير الياسين تستخدمة حق زبوناتها قبل الميكاب تقول يصفي البشرة ويثبت المكياج واذا استخدمتية بروحة مدة يصفي بشرتج ويخليها حلوة وفيها نضارة .... بسألكم منو جربته فيكم بليز ردو علي من العطار وهذي صورته اسمه كريم اللؤلؤ beanne extra pearl cream ومشكووووووورين مقدما......................
اذكر امي كانت تستعمله من زمان حتى كانو يسموه ابو البوق وفي انوع اعتقد لان امي كانت تستعمل لونه اخضر او يمكن تطور الحين هذا لعرفه بس
انا استخدمته اول قبل 5 سنين وصارت بشرتي حلوة لكن بس تركته الله لا يوريج النفر والحب اللي طلع بويهي . بس اختي كانت تستخدمه بنفس الوقت وما صار لها شي يوم تركته يعني يختلف من وحده لوحده . وعلى فكرة وايد حريم يستخدمونه في خلطاتهم , انا اشتريت كذا خلطة وعرفت انه موجود في الخلطة لان يبين من ريحته ولونه .
مشكوورين حبايبي على افادتكم اختي ايامي حلوة معرووف اي كريم سواء كان غالي او رخيص لازم ماتهدينه فجاة لازم بالتدريج عشان بشرتج ما تستنكر وحياج الله حبيبتي...............
خوش كريم ترى وعندي وحدة من رفيجاتي ماتحط كريم اساس كلش لان هالكريم مايطيح من ويها وبشرتها نفس الياهل توكلي على اللة واستخدمية مظمون وعلى فكرة يدخل بتركيبة خلطان التبييض الي تنباع بالمنتدى..
حبيبتي أرنوبه هذا كريم بين موجود عند العطارين وعند الشايع بس ما أنصحج فيه بالبدايه يخلي بشرتج حلوه وإذا تركتيه الله لا يوريج أي شي بالعطار كريم مو أعشاب نصيحه لا تاخذينه لأن 100% فيه كرتزون ولاتصدقين كلام بعض الحريم وماظن عبير الياسين تستخدم كريم بو طقه
الظاهر ناس يوالمهم وناس لأ على حسب البشرة.... خلاص هونت عنه:sad_smile: مشكورين حبايبي على الردود وماقصرتوا....
