صباح و مســــــــــــــا الخيـــــــــــــــرات يا بنات حبيت أعرض لكم صور المكياج الخاصة بصالوني .. والخاصة فيني بعد .. وان شاء الله تعجبكم أو على الأقل تستفيدون منها .. حطيت لكم مجموعة من الصور منها اليديد ومنها القديم .. و(مـــــــا أحـــــــلل اللي بتستخدمـــــها تجــــــاريا وما تقول انها منقولة عن صالوني ) واترككم مع الصور ... وانتظر ردودكم .. نبدا بالنواعم.. وهذا نفس المكياج عن قرب وهذا المكياج الأحمر الناعم وهذا المكياج للي عيونهم وساع وجفنهم بارز (هذا أنسب وأحلى مكياج لهم) وهذا اهو نفس المكياج من زاية ثانية أما للي تحب العين المفتوحة.. هذا المكياج وهذا التغيير البسيط أما هذا المكياج يكون بنفس الطريقة .. بس للي عيونهم صغار نسبيا.. نركّز فيه أكثر على الجزء السفلي للعين و يكون اللون فيه واضح وبطريقة عريضة نسبيا (يكبّر العين) وهذا المكياج الخليجي .. مع العجينه لو تلاحظون .. وللعلم بس كل الصور بهالموضوع بــــــــــــــــدوووون فوتوشوب ..(منطقة العيون بدون فلاتر) أما هذا المكياج للي يحبون الألوان بمكياج العيون.. بس يا جماعة ترى مو أي عين يكون حلو عليها ولا أي جفن.. يعني حسب ملامحكم وعيونكم ومناسبتكم وعمركم بعد اختاروا المكياج المناسب.. وكونوا صادقين مع أنفسكم قبل الناس .. أكيد بتطلعون بأحلى صوره اللي تمر وما تبي تكتب شي لا تنساني بدعوة حلوه من قلبها .. ومشكورين على المرور ..
مشكوره يا قلبي ريميا وشكرا للي مرت وقيّمتني بسيء .. ان شاء الله يصير أحسن وأحسن ويعجب الكل .. بس الحمدلله ان بعمري ما حطيت لوحده ولا عجبها لغاية اليوم .. بنات الصورة الثالثة والسابعة طالعين مو نفس الصوره الأصليه وفيهم شوائب من ناحية العيون ليش؟؟ منو تعرف؟؟ اللي تعرف يا ريت تفيدني .. الصور الأصليه والله مو جذي لو الإدارة يرضون جان حطيت اللنك بالفيس بوك تشوفون الفرق بس اللي تعرف عفيه لا تتأخر علي بسرعه
و الله شوفي شغل ايدج تبارك الرحمن اينن بس حاولي يا قلبي تبتعدين عن العكفات انا اسميها عكفة و البوز و الألوان الصارخة لان تبارك الله شغلج مضبوط بس يبيله يكون انعم من جذي لج مستقبل باهر يا الغالية
حبيبتي تبارك .. أول شي باشكرج من قلبي على صراحتج وتشجيعج.. ومرورج بعد يالغالية بس انا معاج على موضوع العكفات على قولتج .. بس الصور الأصلية مو جذي :sad_smile: ما أدري ليش طالعين هني جذي مو مرتبين .. حمّلتهم كذا مرة بس الصورتين 3 و7 كلش طالعين غير عن الأصل.. وما ادري ليش؟؟!! أما بالنسبة لان يكون المكياج أنعم.. حبيبتي انا امشي على ذوق الزباين.. واللي يحبونه الأغلبية .. وأغلبية زبايني ما يحبون أخف من جذي .. بالعكس عندي أثقل من جذي بوايد.. والزبون دايما على حق .. وانا ترى مو يديده انا صار لي أكثر من 10 سنين أشتغل بالماكياج:smile: يعني بالمستقبل باصير عيوز :mskket: ستري على ما وايهتي بس :smile:
لولو امرصع ذهب ====>>>> هذا دلعج من اليم وراايح لووووووووول تسلم اناملج يالغاليه شغلج حلووو ونب نشوف مال العرايس ماعليج امر وتساريح شغل صالونكم
ماشاءالله رووووعه تسلم ايدج واااايد حلو عاد عندي عرس قريب ومحتااره وين اروح بس الحين خلاص بيي عندج ماشاءالله وااااايد حلو اله يوفقج يارب
تبارك الرحمن شغلج حلوو ومرتب بس عندي تعليق صغير اخر صوره العارضه تبارك الرحمن عيونها وسيعه شويه مفروض من داخل تحطين كحل ان شاء الله اذا صارت عندي مناسبه راح ايج واقولج انا منو تقبلي مروري
فديـــــــــــــــــــتج انا .. أحلى لقب :smile: الله يخلي لج زوجج ويقر عينج فيـــــــه ويكافيكم شر الحسّــــاد .. ان شاء الله جو يوم وأنزّل صور مكياج 2010 والموجود حاليا من صور التساريح.. والعرايس بعد قترة قصيرة ان شاء الله .. مشكوره على المرور .. وعلى كلامج المذهّب :smile:
