[b]السلام عليكم ورحمة الله وبركاته: مساكم الله بالخير اخواتي الكريمات[/b]حبيت استفسر عن الجامعة المفتوحة اللي عندها فكره عنها شلون طريقة الدراسة فيها بالعربي ولا الانجليزي وشنو التخصصات اللي فيها واهي سهلة ولا صعبة وفيها اختلاط ولا لا وجم تكالبف الدراسة فيها؟؟؟؟ وشكراً
عليكم السلام انا بجاوب على اسئلتج ياقلبي انا ادرس فيها حبيت استفسر عن الجامعة المفتوحة اللي عندها فكره عنها شلون طريقة الدراسة فيها بالعربي ولا الانجليزي وشنو التخصصات اللي فيها واهي سهلة ولا صعبة وفيها اختلاط ولا لا وجم تكالبف الدراسة فيها؟؟؟؟ طريقة الدراسة فيها: طريقة التعليم المفتوح .. يعني دوامها مو كل يوم نفس الجامعات الثانيه .. يوم بالاسبوع او يوم كل اسبوعين الدراسة بالانجليزي ... في كم مادة بس بالعربي مو وايد يعني ينعدون عالاصابع اما التخصص كله بالانقلش اما التخصصات اللي فيها اهم: ادارة اعمال ( نظم ادارية، اقتصاد، تسويق، محاسبة) تقنية معلومات(تقنية معلومات وحوسبة، تقنية معلومات واتصالات، علوم الحاسوب، الحوسبه مع ادارة الاعمال) وتخصص ادب انجليزي وماقدر اقولج سهلة ولا صعبة لان كل شي يبيله مجابل عشان يصير سهل :smile: الجامعة اختلاط لكن داخل القاعات مو مختلط .. وتكاليف الدراسة قليلة بالنسبة لـ باجي الجامعات .. يعتمد على المواد اللي تاخذينها بالكورس اتمنى اجوبتي تكون واضحه ومفهموه :smile: بالتوفيق حبيبتي
السلام عليكم اختي بكرة احلى اعذريني عالـتأخير بس والله ما عندي فكره تقدرين اتراجعين الجامعة وتسألينهم
انا توني متخرجه من البحرين ماستر وودي اكمل دكتورا اذا في جامعه معترف فيها وتكون الدراسه فيها بالعربي وما يكون فيها توفل وشكرا
بنات ما تدروون متى التسجيل بالجامعه المفتوووحه و شنو التخصصات اللي ممكن ادرسها .. اقصد مواد ادبيه ... دين - انجليزي - تاريخ و جم تقريبا اسعار المواد ... اقصد الماده الوحده لو كانت غاليه جم بتصير و اذا رخيصه جم بتصير و انا عندي دبلوم .. بسالكم ادرس سنتين و الا اربع سنين و يقبلوني كنسبة ثانويه عامه و الا على شهادة الدبلوم ووين مكانها بالضبط باي منطقه و اذا كان لها باصات للتوصيل و الا لا و اذا اي لها باصات جم اسعار الباصات
حبيبتي التسجيل راح يعلنون عنه بالموقع قبلهااا ,, في تخصصات اداره اعمال وتقنيه معلومات وانجليزي و(التربيه بس الحين مسكر ) على حسب كل مادة ولها سعرهااا الخاص بس مقارنتها بجامعات الثانيه اهي ارخص جامعه يعني مثلاا انا خذيت الكورس الي طاف 3 مواد كان اجمالي السعر 370 دينار تقريبا ,, وهم انا كنت مخلصه دبلوم تجاري بتخصص اداره ودشيت الحين بالجامعه نفس التخصص بس عادلولي 14 وحده اهي موجوده بمنطقة خيطان حبيبتي ماكو باصات للتوصيل ,, اتمنى اني اكوون فدتج ,, واي شي تبينه اانا حاضره
انا خريجه الجامعه العربيه المفتوحه والي يقولكم الجامعه مو معترف فيها غلطان طبعا تخرجت وتوظفت بالعدل مع ان تخصصي بكالريوس تربيه اجتماعيات بس ماحبيت التدريس ورفيجاتي توظفو مدرسات بمدارس حكوميه وعلى طول قبلوهم لان التربيه تبي موظفات كويتيات من الجامعه العربيه . فماعليكم من الي تقول الجامعه مو معترفه
حبيبتي بغيت اسئلج مافي تخصص مافية انجليزي بصراحة عقدتي الانجليزي اذا مادة وحدة تقزر ولا من ادخل لين اتخرج من الجامعة والانجليزي معاي بصراحة مليت من القعدة خاطري ادرس مع اني مخلصة الثانوية ودارسة دبلوم سنتين اللة يوفق اللي ترد
امبلا حبيبتي في الي اهو تخصص التربيه بس اعتقد حاليا موقفينا عساس يضبطونه لكم لانهم العبو فينا لعب وكل شوي كانو يغيرون الطريقه مره معلم فصل ومره معلم ماده وأذونا فوقفوه عساس يشوفون له حل ومنه تخصص عربي واسلاميه واجتماعيات ورياضيات أساليهم اذا فتحو التسجيل والله يوفقج ان شاءالله
حبيبتي امونة اللة يجزاج خير على هالبشارة الحلوة بصراحة ماداني الانجليزي بس حبيت اسئلج اذا بستفسر اي قسم اروح فيها واذى ادلين مكانها وصفية لي ومشكورة يالغالية
