السلام عليكم بقولكم قصتي وابيكم تساعدوني حق اللي صار لها مثلي اول شي انا اخر موعد حق الدوره كان تاريخ 1_12_2009 تاريخ 9 _1 سويت تحليل بيت طلع انه مو حامل فعرفت اني مو حامل لانه انا وايد اتاخر علي الدوره يعني متعوده تاريخ 12_1 رحت المستشفى عشان من بدت اتاخر صار فيني التهاب المهم سوت لي تحليل بول وانتوا بكرامه .. وطبعا اصدمتني لما قالت اني حامل مع العلم توني عروس يديده يعني شهر 12 كان عرسي بس قالت لي انه فيج التهاب وعطتني تحاميل وبدون جماع لمدة اسبوع طبعا انا سمعت الكلام بعد الاسبوع او اكثر بيومين صار جماع والصدمه انه نزل علي دم مثل دم الدوره تقريبا تم يوم كامل وبعدين قام ينزل علي البني ورحت وقتها سويت سونار قالوا لي لازم ترتاحين على ظهري وعطتني تحاميل مثبت لمدة اسبوعين ومافي جماع خلصوا 3 اسابيع وبعدها صار جماع وهم رد نزل دم وعطوني هالمره حبوب وهم قعدت 3 اسابيع ما صار شي وكنت خايفه حدي .. واخر مره بعدها هم صار بس كان للاسف نزيييف حاد صار فيني ورحمي تبطل 1سم وقتها عطوني ابر وحبوب وتحاميل وتميت عندهم تقريبا اسبوعين نايمه بالمستشفى وقالوا لي عندج المشيمه منفصله عن البيبي وبعدها رحت عن اهلي وقعدت 3 اسابيع طبعا انا الحين بالرابع وقبل يومين نزل علي دم ورحت الدكتور قال هذا من المثبتات لانج وقفتيهم طبعا اهما خلصوا بالاساس وطلع فيني سكر حمل بعد واخذ ابرتين ... بنات ابي اعرف شنو بكون وضعي وكل شي بيد الله انه بتم حملي او لا بس ابي نصايح وانا تعبانه حيل كل ما اروح اسوي سونار احس بيقولون لي البيبي متوفي ما ادري شسوي تعبت وايد طبعا انا رديت بيت زوجي الحين ساعدوني بليز اللي مرت بنفس حالتي
هلا اختي والله مادري شقولج بس شلون يقولون المشيمة منفصله معقولة ليش ماسولج تنظيفات انا اعرف وحده نفصلة مشيمة البيبي وهي بالثامن وصار فيها نزيف علا طول دخلوها العمليات ولدوها وبمستشفي حكومة مونقول خاص بس بياخذ منها فلوس ياليت تروحين وتشوفين نفسج هل البيبي في نبض او لأ لاتسكتين علا روحج وياليت اتطمنيني عليج والله يحفظج من كل شر يارب
حبيبتي ام سكن المشيمه صج كانت شوي منفصله بس البيبي كان في نبض ومافي الا الخير هذي النقطه نسيت اوضحها لكم وكل ما اروح يسمعوني النبض يعني مافي شي بس انا خايفه انها تنفصل كلش لانه النزيف اللي صار كان مو طبيعي وبكميه ما تتصورينها
هلا فيج اختي اولإحمدي ربج ان في نبض ولا انفصلت كلش لان انا استغربت حيل بس اهم شئ ياقلبي ريحي نفسج ولاتشيلين أي شئ عشان البيبي والمشيمه وابتعدي نهئيا عن الجماع اذا صج تبون البيبي والله يقومج بالسلامة يارب تحياتي لج
