اخواتي الكريمات اتمنى تقبولني اخت لكم في المنتدي وانا اعرفكم بنفسي زمن خريجه صيدله الكويت واشتغل بمستشفى حكومي وحاضرة لاي سؤال تحبونه عن الادويه والامراض وانشاء الله الف سلامه عليكم يارب
السلام عليكم ورحمة الله وبركاته جزاك الله خير حبيبتي على هذه الخدمة الحلوه وإن شاءالله في ميزان حسناتك :rose:.. والله يوفقك يارب في وظيفتك والله يوفقك في الدنيا والآخره ... عندي استفسار / عندج فكره عن علاج ارتفاع ضغط الدم بالأعشاب غير الحبوب ؟ وجزاك الله خير والله يعطيك الصحة والعافية ...
اختي اتمنى تكتبين لي ضغطج بالضبط علشان اتمكن من تحديد مستوى حالتج بس نصيحه حبيبتي الضغط ممكن يفجر المخ وياذي حيل يعني ابتعدي عن الاعشاب والتزمي بالادويه ولاتتكاسلين فيها واكتبي لي اسم ادويتج وجرعتها عشان اقدر اسعدج بصورة دقيقه والف سلامه على قلبج حياتي وماتشوفين شر
يعطيج العافيه اختي بما انج صيدليه ان شاء الله تفيديني وتفيدين الجميع اختي عندها مشكله سواد المنطقه تقول سواد الي فيها مثل سواد ذقن الرجل يعني الجلد اسمر فا اتمنى توصفيلي شي يزيل الهذا السواد دمتي بخير
هلا فيج حبيبتي بغيت اسألج انا فيني اثار حب شباب بويهي سويت تقشير بالأعشاب خف شوي بس ماراحو .. فـ انا ناويه اشتري من الصيدليه تقشير للويه وابدا بالتقشير لويهي بشنو تنصحيني ؟؟؟
السلام عليكم يعطيج العافيه اختي على هالخدمه والله يجزاج عنا كل خير انا عندي مشكله مثل الاخت اللي قبلي اعاني من الحبوب وشكثر كنت اعالج عند الجلديه وماكو فايده بشرتي من اي كريم تتهيج بس كنت امشي على الحبوب وكانت زينه وصارلي 12 سنه وانا مع هالمشكله لدرجه صرت استحي اكشف وجهي جدام احد من كثر مايسألوني وفكرت اسوي تقشير كريستال ولكن بعض البنات نصحوني قالوا ماكو فايده لاتسوينه والحين استخدم نتروجينا ( غسول + ماسك ) بس ماكو فايده كلش ياليت تفيديني والله يجزاج عني كل خير تقبلي تحياتي طيات الذهب
خيوه اني اعاني من تكيس مبايض وابي انزل هرمون التيسترون لانه مرتفع عندي ارتفاعه من التكيس على العلم هرموناتي كلها زينه ماعدا التيسترون هل توجد وصفه لنزيل هذا الهرمون عشان يصير طبيعي لاني تعبت ابي احمل ومو راضي يعتدل اذا التيسترون مرتفع نسبة الحمل بتكون ضعيفه انتظر الوصفه على العلم اخذت ميتافاج لمدة شهرين وعقب الشهرين اخذت حبوب دايمت لمدة شهر وللحين مازال مرتفع وش الحل؟؟؟
الله يجزاج خير على هالخدمه ربي يجعلها في ميزان حسناتك انا عندي بنتي وزنها مو مناسب لعمرها حيل ضعيفة وعمرها سنتين ونص ابي شي يفتح الشهية واكون لج شاكرة
السلام عليكم والله يعطيك العافيه انا بشرتي حساسه ودهنيه لاكن باقي فيه اثار لحب الشباب ونفسي تكون بشرتي صافيه
رجاء من الأخوات المشاركات ضرورة التأكد من جودة الأعشاب المستخدمة والتي يتم شراؤها من عند العطارين أو من أي مكان وأنها غير مصابة بأي أضرار تنقص من قيمتها العلاجية كوجود حشرة السوس أو عفن أو بقايا طينية أو ...... أو تتسبب في الضرر لمستخميها ولكثرة ما رأيته أحببت أن أنبه على الأخوات ليتجنبن ما قد يؤذيهن وبالذات ما يكون أخذه عن طريق البلع ... اللهم قد بلغت !
