السلام عليكم حبيباتي .. بنات شنو أحسن صالون ..؟؟؟ آنا أعرف احط مكياج و كل العروس أحط لنفسي بس هالمره أبي اروح لصالون مدحولي برجيت المارينا .. و مس أوبرا .. و ملكي لاونج مال فاطمه قبازرد .. حنان دشتي ما ابيه تغير من شكل الآدميه تطلع كائن ثاني .. أبي شي ناعم و ذرب و تساريح راقيه ..
حتى انا عندي عرس وومحتاره مابين اوبرا وبين بلو فيرجن بالرقعي مستوى مكياجهم راقي بس ماني واثقه تساريحهم لكن اوبرا تساريحهم حلوه والمكياج على طلبج انتي تقولين لهم تبين خفيف ولا ثقيل ..
عندج ياسمين الأمير للمكياج 100% يعجبني حيل لانه ذرب وحلو ماتسوي الوحده جنها مسخ مادري وحش مادري شيسمونه وعندج صالون مس فرساي واااااايد حلو وانا تعودت اروح عندهم رجاء تسوي الشعر ماشالله عليها ايدها روعه حق الشعر والتسريحات ماعليها حتى القرعه تخليها تحفه والمكياج روحي حق وحده اسمها ايمان هالثنتين احسن شي بالصالون ....وصدقيني ان شاء الله ماراح تندمين على هالصالون مس فرساي بالجابريه
حبيبتي انا عندي رقم وحده تييج لين البيت وتسويج مكياج مستوى فنادق وشعر روعه انا يبتها حق استقبال ولادتي وطلعت طلعه حلوه الكل قالي انتي رايحه فندق ماصدقوا اني بالبيت بس صج شغلها راح تدعيلي عليه ماشالله شي روعه حتى الشعر تضبط التسريحه اللي تبينها .واذا تبين رقمها حياج على الخاص واعطيج ياه
أنـــا معاها أنصحج ب بلو فيرجن رووووعـــة روووعـــة بعرس أخوي طلعت شي أول مرة أرضى عن مكياجي نـاعم وراقي بنفس الوقت .. المكياج عندج أمل وسارة .. والتساريح نوال .. والله ماتندمين .. وإذا إعجبج أتمنــى تدعيلي ..
روحي حق صالون جي جي ستايل الى بالجابريه عند وحده كويتيه اسمها راويه ..... مكياجها جدا راقي وحلو وناعم بنات عايلتنا كلهم يروحولها ما قط مره حطينا عندها الى وسألونا وين ؟؟؟!!!
شوفي وردةالجابرية كويسين وتساريح مس فرساي حلوة رشا شيك لا يحوشك وايد ذموهم وملكي فاطمة اسماعيل حلو انا جربته بطلاعتي غيروا لوكي و اهتمامهم حلو اتمنى اكون فدتك
مع احترامى لكم جميعاااا كلهم مكياجهم اوووفر -وسمر فرغلى سمعت انها مو مضبوطه مواعيدها يعنى توهقج- بس وردة الجابريه حلو
حبيبتي في صالون بالسالميه اسمه هيفا ستايل وايد مكياجها حلو وراقي وتسويلج اياه على حسب الطلب وتسريحاتهم بعد حلوه
