السلام عليكم هذي ااول مشاركه لي بالمنتدى الروعه سيدات الكويت الله يبارك لكم فيه ويرزقكم الخير كله ادخل بالموضوع ::: لاني من ذوي الدخل المحكوووك ..وهي درجه تأتي بعد ذوي الدخل المحدود ..!! حبيت ازيد من دخلي ولاني ما اشتغل فكرت اني اجرب التجاره واستقريت على اني ابيع المستحضرات التجمييل من مكياج عطور لوشن بس مو عارفه من وين ابدي وين الاقي احسن او على الاقل الماركه اللي ماشيه هالايام وبكم يكون سعر الجمله انا قريت اليوم وحده عارضه مكياج بس سعر الحبه بدينار يعني انا راح ابيع بكم اذا شريت سعر الجمله الحبه بدينار .. ؟لاني ناويه ابيع بربح قليل بس عشان شغلي يمشي وشنو اكثر شي عليه اقبال . الله يعافيكم ردوا علي وجاوبوني وجزاها الله كل خير اللي تفيدني بمعلومه ولو بسيطه عن مكان بيع الجمله والسعر واذا كانت متعامله مع احد يوفر هالمنتجات لا تبخل علي بعنوانه والله ان افككاري مو مرتبه بالمره سامحوني ... اللي ترد وتفيدني الله ينولها اللي في بالها
حبيبتي بلمباركيه محلات بيع مكياج بلجمله ومافي ماركه معينه ماشيه الناس اذواق يا قلبي بس حاولي انج تختارين ماركه طبيه علشان تناسب الكل تدرين في ناس بشرتهم حساسه ما تستحمل اي نوع من المكياج
حبيبتي عندي مكياج أسعاره أقل من الســـــوق .. وأصلي مو بوطقة .. بس انا يبيعونه لي بالجملة أرخص بوايــــــــــــد من السعر اللي يبيعونه للزباين .. وانا الي احتاجه منهم أساسا بس كريــــــــم الجسم(لصالوني) والاسفنج وصمغ الرموش وهالشغلات وشي بسيــــط من مكياجهم أستخدمه بمكياجي .. وعشان جذي بلّشت أتاجر فيه واللي بره بدينار بتلاقينه عندي ب750 واللي بره بدينارين ونص بتلاقينه عندي بديــــــــنار ةانا ان شاء الله بعد فترة بسيطة راح أنزّل مواضيع للمفرق فقط ,, والجملة على الخاص واذا تبين تفاصيل أكثر طرشيلي على الخاص .. والله يوفقج
