البعض منا يشتري عطر و يتشكى و يقول مو ثابت غاشينا يا زين عطورات الخارج و السالفة و ما فيها اننا ما نفهم شنو العطورات المركزة من العطورات الخفيفة **** اولا أسم العطر Perfume لما نروح نشتري عطر نقلبه ونقرأ من ورا شنو نوعه اذا كان نوعه Perfume فهو عطر مركز جدا ويدوم إلى أكثر من 6 ساعات تقريبا استعماله للسهرات لان نقطه وحده منه تقلب الدنيا.نفاذ جدا والنوع الثاني Eau de perfume وهو عطر متوسط التركيز ..ويدوم إلى 5 ساعات والنوع الثالث Eau de toilette وهو عطر خفيف ..ويدوم إلى 4 ساعات ومناسب للاستعمال اليومي ورابع نوع Eau de cologne وهو عطر خفيف جدا وغالبا نلقاه بعطور الأطفال ..يدوم ساعتين بالكثير **** المشكله هنا ان المحلات الكبيرة مثل دبنهامز وباريس غاليري وغيرها يبيعون نوع Eau de perfume بسعر perfume لأننا غافلين ولا ندري
مشكوره علي التوضيح صادقه والله انا مره شريت عطر كان متوسط التركيز والسعر نفس سعر المركز الأساسي من محلات كبيره ويوم رجعت لهم قالوا ذا من الشركه جانا مغلف وماعندنا خبر انه جذي وطبعا طلعت ورضيت بالامر
