مساء الخير بنات بغيت اسألكم في احد جرب حبوب الحلبه الامريكيه للتسمين اللي سمعته عنهم انها ماتطلع ريحه بالجسم واللي عندها فكره ياليت تفيدنا لها دعوه بظهر الغيب مشكورين
هلا حبيبتي انا جربت حبوب الحلبه من محل ارمال للفيتامينات وكان لون العلبه بنفسجي بصراحه اكثر من رائــــــــــــــع
تسلمين اختي عالمشاركه بس انا عندي اللي علبتها بيضه وكانت تطلع ريحه بالجسم ؟ ياريت تفيدني يالغاليه اظاهر انقرضوا العاصقيل اللي مثلي
حبيبتي انا جربتهم وعلبتهم بيضا جايه شوي بالطول ماطلع ريحه والحبوب لونهم اخضر غامج بس للامانه ماجابو فايده معاي بالمره
حبيبتي .. أنا رفيجتي ضعيفة حيل و حتى ويهها وااايد ضعيف و انصحوها بالحلبة تضيفها على الحليب و تشربها أو حبوب الخميرة و امدحتهم حيل و أسمع من البنات اللي معاي بالدوام انها حلوووة حيل و مفيدة و تجيب نتيجة الطبيعي أحلى و أفيد
ما عندي فره عنها صراحه .. بس أسمع بنات يقولون فادتهم وفي يقولون ما سوّت شي فـ يمكن تختلف قابليّة الجسم من وحده وغيرها نبي نمتن زهقناااااا :'(
اي والله نبي نمتن انا وحده مليت من الضعف لدرجه اني احتار باللبس احس كل شي مو لايق علي ولامرتب وتسلمين عالمرور اللي عطر صفحتي يالغاليه
الله يسلمج .. الموضوع معطّر بصاحبته يا الغاليه إلا بغيت أسإلج ..ما عندج فكره عن حبوب موسيجور أو برياكتين ؟؟
تسلمين حبوبه هذا من ذوقج بالنسبه حق الموسيجور ماعندي اي فكره عنهم بس البرياكتين اللي سمعته ان يفتح الشهيه ويخليج تنامين يعني اذا عندج عيال انسي تأخذينهم هذا اللي سمعته بس مو متأكده واتمنى اكون فدتج يالغاليه
لا للحين بعدنا على الزواج .. انزين البرياكتين لهم مضاار شي ؟؟ وين ينباعون ؟؟ لأن سألت جم صيدليه يقولون ماكو .. ما عندج فكره ؟؟
نصيحه ياخواتي اهم شي بهالدنيا العافيه لاتلعبون بنفسكم بحبوب السمنه والله لها أضرار اللي تبي السمنه تاكل عسل طبيعي وبأذن الله ماله أي أضرار وأنا أختي استمريت عليه شهر وماشاءالله لا اله الله الله امتنت وكافي أنه شي طبيعي تقبلو مروري
تسلمين ريانا عالرد بس انا اللي قاعده اكله حبوب الحلبه والخميره يعني كله طبيعي حبوبه واشكرج على نصيحتج وبالنسبه حق البرياكتين يالغاليه انا اللي اعرفهم كانوا يايبينه من لندن بالنسبه حق الاضرار ماني عارفه للامانه اخااااف احط شي بذمتي جربي الحلبه مع الخميره ؟
