روايتي: غــصّــات حــنــيــن

قـــــــــــوة
السلام عليكم و رحمة الله و بركاته,,

بنات انا يديدة هني بالمنتدى , اخترت منتداكم انزل فيه روايتي هذي :>

اهيا حقيقية بنسبة كــــــــــبــــــــــيـــــــرة بس هم تدرون غيرت فيها عشان الربط + حماية أبطالها عشتو p:

اللي تحب تنقلها اوكي مافيش مشاكل بـــــــشـــــــرط تذكر اسمي + مقدمتي هذي ولا ترا مو محللة

بنزل بارتات و بشوف تفاعلكم و نوعي استانس بالردود الوااااااااايدة تخليني ابي اكتب لكم بعد
بس عاد لا تكون حنة p: انا ملووووولة و الحنة تخليني امل فاا ديرو بالكم لول
و على فكرة ترا روايتي ممكن تكون جريئة للبعض فااا هذا انا من البداية اقووول
مو تقولون صدمتينا @@

آنا حطيتها بغير هالمنتدى و بمشيكم مع بعض بالبارتات ان شالله

ان شالله تعجبكم ;>

بسم الله

*********************************************
(1)

- مجموعة انسان -
الحــــــــــاضر .. نهاية ســ 2009 ـــنـة ..
تذكـــــــــــر قبل عــــــــــــام جيت .. أشكيلك جروحي
من جرحي لك ألــــتفــــت ألـــقانـــي بـــــــــروحـــــي


رمضان !!
بأي حال عدت يا رمضان!!
وميض من الذكريات مر بخاطري
مــــر بألم..

امي طيبة: يا يمّة عيب.. لازم نرد خبر للناس طالت ترا
صرخة بداخلي: آآآآآآآآآآآه يا شوق وينج عني!! و آآآآآآآآه منكم كلكم

امي: يا يمّة طالت هالسالفة طالت و الريال شاريج .. يا توافقين يا حراام خليشوف دربه حرااام


حــــــــــــــــرام النار اللي انا فيها هذا الحــــــــرااااااااام
داليا: يما مو موافقة !!
امي بصدمة: .. متأكدة يا يمّه؟.. انتـ
داليا: استخرت وايد خلاص.. مو موافقة
امي: نصيب.. قسمة و نصيب
و طلعت امي
و مسكت قلبي النازف
حسبي الله و نعم الوكيل
حسبي اللـــــــــه وحده و نعم الوكيل

…

بالليل نزلت داليا عند امها بالحوش و الجو كان حلو حيل .. كانت ثالث ليلة رمضان ,, واضح على داليا التعب ويهها يشكي الحال, البنت ضعيفة صارت فقدت وزن ما تاكل و مع الصيام كملت و فوقه فيها قولون عصبي يعني لخبطة النظام الغذائي – الله و النظام!! – فووق نفسيتها التعبانة – كل هذا هد حيلها
طيبة تطالع بنتها و اهي حايرة بأمرها, و طيبة قلبها على بنتها بس ما تعرف تسايسها و لا تعرف تكلمها و علاقتهم كأم و بنتها مو ذيج العلاقة النموذجية , ,
قامت طيبة تسولف و تسولف تحاول اتطير شر بنتها و داليا تسمع امها ولاهي سامعتها ,, سرحااانة
و بكلللللللل حيلها ماسكة دمعتها حابستها آسرتها
و يبدي ويهها يتلون و طيبة تلاحظ بنتها و اهيا تسولف لها و تكمل سوالف تافهة الهدف منها الكلام و الكلام و الكلاااام يمــــــــــــكن يرفه عنها
سكتت طيبة .. خافت على بنتها .. داليا غلبتها الدمعة و تسللت على خدها
تطالع جدام سيدة بلا تركيز .. ماكو شي معين
نزلت دمعتها و احرجتها .. صارت تتلفت تحاول تغطي ويهها بشعرها لكن ويــــــــــن
ذاااااااااااااااك اول يــــــــوم تتحايل بالشعر و تلعب فيه يوم كان طــــــــــويل
عصتها الدمعة
عصاها الشعر
عصاها القلللللللب

"آآآآآآآآآآآآه حتى انتي يا نفسي تتمردين علي تعصيني حتى انتي ..اناااااااا"

غــــــــــضــــــــــــب بحسرة و قهر
و شديد الحزن
و الحيا ..

"امي موجودة"

طيبة تتمالك نفسها..

ادري انج محتارة فيني يا يمة و قلبج علي.. تدعينلي

امي: ليش يا يمة تبجين .. ذكري الله
مسحت دموعي و قلت كلام من الألم والله ما اذكره
كنت ابي ابجي عند امي كنت ابيها تعرف مادري ليش كنت ابيها تدري ان قلبي بعده يتألم كنت أبـــــــــــي آآآآآآه
مرة وحدة يمه مرة وحدة سمعيني و فهميني و حسي فيني مرة يمة مرة مررررة
احس بوحدة يا يمه احس بوحدة و انتي تفكيرج دايما بـ صح و غلط بـــحـــــت
ابي تفكرين تحتويني بغض النظر و بعيد عن صح و غلط ابي اثق باحساسج فيني يا يمة تكفييييييين انا وحيدة

داليا: ابي شعري!! يما ابي شعري يمه ابييييييييييييه
امي باستغراب:!!.. يا يمة تعوذي من ابليس لا تبجين.. انتي .. داليا انتي قصيتيه..
قاطعت: لا موووووو بكيفي مووووو بكيفي كنت كارهة مااااااااابي
امي بتوتر : يا يمة بيطول و يصير احلى من قبل.. ماشالله طال ترا..

انا فقدت!! كلامي قام يطلع من حرقة قلبي جدام امي مو مني
قلت: ماااااااااااااراح انسى مااااااااا اقدر ابي انسىىىىىىىىىىىىىى يااااارب
طيبة و قلبها على بنتها: حسبي الله و نعم الوكيل يا يمه الظالم الله فوقه و الله بيعوضج باللي احسن منه

استحيت و كرهت نفسي و قمت من مكاني و انا ابجي
طيبة: يما اختيارج بيدج و الزواج مو بالاكراه مو إلا يا يمه اذا ما تبيـ..
داليا – رغم البكاء- بهدوء مفاجئ : خلاص يما مافيني شي
.. و صعدت داري
.
.
هــــــــــــذا أنا
في وحدتـــــــي ..
بــــعــــدك ,, على الـــلـــــــــــــه الـــعــــوض
لَـ شفــــتـــني في مــــرايـــتــي ؛ ألـــقـــانـــــــا مـــــا نـشـبـه بـــعـــض !

دخلتها و سكرت الباب بتوتر
حركت عيوني بداري أطالعها .. طاحت عيوني عالمنظرة ..قربت منها و تأملت لوني الشاحب

(( لــــــونج حلو... انا مااحب البيضة..و انتي سمارج حلو.. فاتح ! وايد حلو))

و راح نظري على خيال عيوني الذبلانة في المنظرة

(( هذي عيون دالـــــيـــــا أعرفها
ممــــــــيزة
إي! .. عيون داليا حلوة ..))
(( انتي شنو عيووووووون عليج @!@
والله لو آنا عندي هالكبر عيون جان اشوف فيهم السعودية ههههههههههههههه))

و فــــــرَّت من شفاتي ضحكة متــــحـــــســـــرة
آه

(( أحـــــد قــــالّج من قبل ضحكتج حلوة ؟؟))
(( أحب ضحكتج !! من قلب تطلع..يا عساها دوم ..))

سكرررت عيوني حيل على دمعة حارة و ايدي على اذني عشان لا اسمع مابي اسمع اكثر ..
بس هالصوت براسي .. محد غيري بالغرفة..

(( ايدج هذي لي! .. والحين الإيد الثانية صارت هم لي))

فتحت عيني و نزلت ايدي بالعدال من اذني.. تحسست اطراف شعري .. بــــــــوي
شعري بوووووووي

(( احب البنت اللي شعرها بوي ! انتي البوي يطلع حلو عليج..عاد كيفج اذا تبين تقصينه))
((قصتج غريبة شعـــــرج حـــــلــــو.. عادي ألمسه ؟))

داليا: بـــــــــــــــــــــــــــــــــــــــــــــــــ ـــــــــــــــــس بـــــــــــــــــــــــــــــــــــــــــــــــــ س كفاية بسسسسسسسسسسسسسسسسسسسسسسسسسسسسسسسسسسس
عضيت شفايفي و انا ابجي مابي صوت بجي مابي اسمعني ابجي بسسسسسسسسسسسسس
رديت ألتفت عالمنظرة..

((أطلب منج طلب ؟ مشـــي الحمرة على شفايفج))

و إذنــــــي
و رقبــــتـــــي
و صـــــــــــــدري
و طــــــــــــــولـــــــي
كـــــــــــــــــــــــلـــــــــــــــي
كــــــــــــــــــــــــلـــــــــــــــــــــــي
داليا بسخرية و استسلام : هههههههه !! حسبي الله و نعم الوكيل
بتتم معاي .. ضـــــــــــــــــــــــــــــــــــاري بتتم معاي ! و كل شي بيذكرني فيك
حتى انا كــــــــــــــلّـــــــــــي بذكرني فيك !!!!!!

كـــــل شــــــي حـــــولــــــــــــــي يذكــــــــــــــرنــي بشي؟
حتـــــــــــى صوتـــي و ضحــــــــــــــكـــتــــــــــي لك فيها شي
لو تغــــيـــــب الدنـــــــــــــيـــــــــــــا عمـــــــــــرك مـــــــــــا تغـــيب
شــــــــــــــــــوف حــــــــــــــــــالـــي آآآآآآآآآآآه من تـــــــطـــــــري علـــــي

برجفة مسكت تلفوني بكلمها بكلم شــــــوق مهما كان انا احتاجها
و افقدهــــــــــــــا
بس..لاء
داليا: هههههه .. ماله داعي!
ما تركت التلفون ,,, و حطيت على رقم مكتب الدكتور صالح اللي اراجعه ,, معالجي النفساني من سنة
أريج: أيوه آنسة داليا؟ مبارك عليكي الشهر
داليا: هلا أريج علينا و عليج يعطيج العافية, من فضلج تشوفنيلي متى اقرب فرصة اقابل دكتور صالح؟
أريج: أيوه يا أفندم, لحزة وحدة ... تحبي بكرة الصبح الساعة عشرة؟ هههههههه حتبئوو صايمين بس انا عارفة انتي مابتجيش مواعيد المسا
داليا بضيقة: ماعليه اذا يناسب الدكتور خليني الصبح..

************************************

منو ضاري ؟؟ و منهي شوق ؟؟
و شعلاقة كل هذا بمشروع زواج داليا المرفوووض

اهيا ليش قصت شعرها؟؟

اصلا شسالفة داليا و التأهيل النفسي؟؟

تحبون تعرفون ولا ما يسوى ؟ P;


--------------------------------------------------------------------------------​

(2)

.
.
.
دكتور صالح: رفضتي ؟! بصراحة صدمتيني يا داليا .. هذا المفروض يكون مؤشر ايجابي لكن يعتمد على السبب و ليش استقريتي على رفضج لخطيبج بالنهاية
داليا: دكتور ليش صدمتك
صالح: انتي غرقانة يا داليا.. و الغرقان يتمسك بأي قشة تنجيه من الماي..و انتي تبين تتزوجين تبين تهربين من الواقع و خفت توافقين من غير تفكير.. لكنج رفضتي.. و كلامج اخر مرة كان فيه قبول..داليا خلج صريحة معاي و اساعدج!
داليا: كلمتني و قلتلي اقعد مع نفسي و افكر قبل لا اعطي كلمتي و بالفعل طبقت كلامك.. و كنت استخير يا دكتور..ماكو نصيب
صالح : داليا! أبي الاسباب اللي بنيتيها بفكرج كأساس للرفض
داليا: ما ارتحت دكتور ما ارتحت
صالح: ساعديني اساعدج!! تراوغين بمصلحتج ليش !!
سبب الرفض واضح لكنج ما تبين تعترفين.. ليش يا داليا تحسسيني ان نرد لي ورا ليش
داليا: دكتور! انت قلت ان رفضي فيه مؤشر تقدم
صالح: بأمل مني تبررين لي اسباب منطقية على رفضج .. لكنج رافضة لانج .. تقارنــيـــن!! تقارنين المتقدملج بـ ضـــــاري!!
بدفاع: لاااااااااا يا دكتور انـ..
صالح بهجوم: لا تنكرين مقياسج بعده اهو ضاري و بعده ضاري مسيطر عليج و بعدج مبهورة بحضورووره المتصور لج من فرااااااااااغ
بكل جوارحي: أرجووووووووووك يا دكتور افهـــــمـــــني مقياسي كان نفسي كان انا! و هالخاطب ما يناسبني ما يناسبني
صالح: ههه أفهمج؟ ولا تقصدين أحــــس فيج؟
بألم: إفـــــــهـــــــمــــني.. عقلي اللي يتكلم والله
صالح: أشك..قوليلي ليش رفضتي
داليا بتشتت: كلامه..أسلوبه..خجله مني ..و واضح مرتبك و يبيني..طموحه البسيط..
صالح: داليا؟ مقياسج ضاري! بعدج تبين حضور طاغي و جرأة .. و تحكم اقوى منج مــــثــــل ضاري
مشاعر الدفاع و الانكسار و الحيرة و الحزن فيني اختلطت .. مزيجها مر..مــــــــــر
صالح: داليا..ضاري راح.. و عايش حياته و ســـــــــعــــــــــــــيد بدونج انتي ساعدي نفسج

كان اقسى شي انه جرح كبريائي كامرأة

غضب طل من عيني و ارتسم على شفايفي و غطى الـــــحــــــــزن والله الحزن اللي تفجر من هالكلمة
داريته بالغضب
شلون يا دكتور صالح تقول جذي تجرحني؟!!

انتفضت بمكاني: انا ادري ولاني مهتمة انا ما يهمني مايهمني و انا رفضت هالزواج عشاني انا مو عشانه موووووووووووو عشان ضاري

دكتور صالح يهيج مشاعري اذا شافني كابتة و مكابرة و لابسة قناع البرود.. و اهوا يدري انه اذا فجر البركان داخلي تكون الجلسة متعبة له مو بس لي.. هالريال تعبته معاي وايد.. ما خذا مني بيزة وحدة من بديت اتعالج عنده.. لاني كنت رافضة العلاج.. و كنت ما اثق بولا ريــــــــال بالدنيا .. لكنه بذكائه و بحسن نيته و شطارته قدر يكسب ثقتي.. و كان دايما يقولي انتي مو مجرد مراجعة عندي و يعطيني حافز يقولي عندي أمل فيج.. و بيوم من الايام بكون فخور فيج
شاب صغير بأول الثلاثينات من عمره لكنه أبووووووووووووي الروحي.. كنت أشوفه معلم و احترمه جدا لكن بعد ما غير فيني واثر فيني.. ساعدني وايد .. كسبني.. صار ابوي الروحي اقولها مرة ثانية و احبه مو بس استاذي اللي احترمه
و بعد الشد و الجذب و المعركة اللي خذت من الوقت ما خذت
..اختصر..
صالح: انتي تدرين اني اسئلج الاسئلة مو عشان اعرف اجاباتج لكن عشان اشوف شلون تجاوبين و هذا اللي يهمني..ما يهمني ضاري او خطيبج او ابوج و اخوج و امج و خالتج و شوق!! يهمني تعاطي داليا في علاقاتها  لانج انتي اللي تييني
و لا تزعلين يا داليا اذا قسيت عليج بالعكس.. انتي بالفعل تغيرتي تغير كبير من اول جلسة لنا من سنة؛ تغير أظلمج اذا نكرته.. لج تذبذبات.. ابيج تتخطين هالمرحلة للأحسن
داليا: ادري يا دكتور..

آآآآه يا دكتور

صالح: يا داليا انا عندي ايمان فيج ..و انتي.. مو اي واحد يقبل بحالتج صعبة!

هههههههههه بكل حسرة و وِحــــــدة !! صـــحــــيـــح اهو الوحيد اللي قدر يمشي معاي بالعلاج و غيره ما قدروا

داليا: شلون
صالح: لانج مرتبة كل شي بمخج بتسلسل معين ما تقبلين انه ينكسر بسهولة و عنيدة منطقج ما تساومين عليه و كنتي رافضة العلاج و راسمتلي حدود لا يمكن تسلمين اني اتخطاها
داليا: العلاج ما كان رغبتي ولا كان اختياري, كان بأمر اهلي خالتي و امي..ما كان عندي رغبة ولا ثقة..شلون يصير عندك ايمان فيني و انت تدري؟!
صالح يبتسم: اممممم تحدي! و انتي تدرين انا اعشق مهنتي

ابتسمـــــــت ادري والله الله يحلل رزقه هالانسان دينه برقبتي لي يوم الدين 

صالح: و ساعدتيني بشغلة فيج وايد يا داليا ما تتخيلين
داليا: شنو
صالح: صراحتج مع نفسج و صدقج.. انتي ترفضين النفاق.. عنيدة لكن اذا شفتي الكلام منطقي اقتنعتي..ما تمثلين على نفسج
داليا بغصة: المنافق ظااااااالم المنافق ظلمني يا دكتور
صالح: انظلمتي وايد.. داليا انتي تبين الريال اللي يحتويج ما تبين اي واحد انتي عشتي حياة و ضروف صعبة و تبين تعوضين .. صدقيني يا داليا الرياييل مو مثل مثل ! انا كنت اشوف بذاك الخاطب الريال اللي شاريج و اللي ممكن يعوضج حرمانج.. بس ولا يهمج انسي اللي فات و ركزي عالمستقبل

آآآآآآآآه و بانكسار من قلبي.. نزلت عيني بحضني
صالح: و شوق يا داليا ؟
بغصة و برود مصطنع: خلاص يا دكتور..كتبة الله احسن..اهيا ما تقدر و انا تعبت.. يمكن باجر الله يكتب شي ثاني؟ لكني اليوم راضية
صالح: أسئلج سؤال؟ ليــــــــش تييني دام انج راضية!!
.
.
.
​

بعد جلسة الساعتين كالعادة.. و بسيارتي الساعة 12 و نص الظهر
امسح الدمعة..طالعت البناية اللي فيها مكتب الدكتور صالح ..
و مـــــــر علي كل شي مــــــثـــــــل الـــــشــــــــــــريــــــــــط يمر جدامي
.
.
.
طيبة بهلع تحاول تصد زوجها عن بنتها: جـــــــااااااااسم حرام عليك هذي طفلة سبع سنوات ما تفهم
جاسم و كل شياطين الجن براسه: براااااااااااااااااااااااااااا براااااااااااااااااا البييييييييييييييت انتي مو بنتي موووووووووووو بنتييييي
و يطالعها بعيونها : تسمعييييييييييييييييين؟؟؟ انتي بنت امج منتي بنتي انا ما احبج مــــــــــــــا أحبج
و يغرس اصابعه بجتفها بكل ما تحمل قوة ضــــــــــــابــــط على بنــــــــت سبع من قسوة و يحذفها حافية برة البيت
بعز الظهر
و الشمس مستوية
و داليا تبجي بصوت مسمووووووووووع و تداري صرخات الالم من آذان الجيران و عيون المارة في الفريج بحياء و خوف
رغــــم الالم .. من حرقان حرارة الشمس المنعكسة عالارض اللي تلهب ريولها الصغيرة الحافية
آآآآآآآآآآآآآآه آآآآآآآآآآآآآآآه
تبجي و تتأوه و تداري
وين أروح؟
طقيتني يا يبا..و حذفتني بالسجين على فخذي
و الدم من شفايفي نزل على طراقاتك
و بعدي احس بضرب النعال على ظهري من امس
و دميت لي ايدي بالمسطرة من ايام
و ضرب الخيزرانة على ريولي
اللي قاعد تاكلهم الشمس!!
و تطردني؟ عشان تطالع مباراة من غير ازعاج!!
و لا ازعجك و انا اتهاوش مع عبدالرحمن اخوي
اهوا الولد
و انا البنت
اهوا غير
انا... ما تحبني...و طردتني
لو جلـــــــب ما قطيتني جذي يا يبا
بس عطني نعال البسها و علمني وين اروح؟
.
.
جاسم: صــــــــــــــــــــلّي ولا والله احرق ويهج بهالنار
و باجر بتحترقين بجهنم أكثر
بهلع و صراخ: يبا لاااااااااااا تكفى يبا لااااااااااااا تحرقني يبا لااااااااااااااااااااااااااء لااااااااااااااااااااااااء
جاسم: و اضربووووووووووووهم لـ سبع
و تلمع النار من عود الجبريت و تلمع عيون بوعبدالرحمن وياها
.
.
جاسم: عبدالرحمن ولدي و شايل اسمي
طيبة: يا جاسم هذي هم بنتك لا تفرق بين العيال صاروا يكرهون بعض يكرهووووون بعض
داليا من ورا الباب تتسمع و بقلبها تتمنى تكون صبي و عزمت تكوووووون

صبيان و كرة و مصارعة و شورتات و قص الشعر! و البنت فلتت صارت دفشة تماشي الاولاد!!

طيبة بعصبية: انتي مــــــــــــــــافيج انوثة مااااااااااافييييييييييييج؟؟!!
و تجاوبها عيون داليا بالكثير واللي انتي ادرى فيه يا يمه
و تمنعها طيبة بألم عن رفقة الاولاد و تقول بقلبها يالله صبرني
داليا تستسلم لتدخلات امها... ابوي ما اهتم.. صبي ولا بنت ماراح يهتم!!
أكرهه.. اي.. مــــــــــــــاحبه
انا اكـــــــــــــــــــــرهه .. و بيووووم راح يكبر و اقطه بدار العجزة هذا اذا رحمته
.
.
تدش داليا مراهقة و تفهم .. تفهم اللي ابوها يسويه بالصالة!!
و تحط بقلبها سنين ما تقول حق احد ان ابوها يلمس نفسه بالصالة
و بالطقاق عنده شافته بنته او لاء!!
داليا: انت.. انتاا نـ ـجس
و الجواب كف لا يرحم و على منطقة بويهها يدري انها حساسة ..داليا تتعالج من ارتخاء اربطة الفكين ,عظام ويهها ضعيفة

طيبة: تبي تشووووووووووووووه البنت تبي تشوه بنتك؟؟؟؟؟؟؟؟؟؟؟؟؟ بتفر و يههااا
جاسم: اكسر ويهها هالجلبة
طيبة: و ليش ليش تقولين حق ابوج نجس مو عيب؟؟
داليا:...
طيبة: يا يمه ردي شسوى ابوج
داليا:....
.
.
طيبة تبجي من ورى التلفون: طـ طقني يا تهاني مد ايده علي فوق الدسك اللي بظهري يطق يبي يشلنــييييييي
تهاني: ما اخليج وياه و انا اختج و انا امسك قضيتج و انا محاميتج اترافع حق الناس و اخلي اختي تنهان!! عطيني تقاريرج الطبية و كل اوراقج

طيبة: يما داليا انا عزمت اتطلق و لااا تلوميني
داليا: يعني.. يعني قصدج راح اصير مثل شوق؟ امها و ابوها ما يعيشون مع بعض مطلقين
طيبة: .. يا صبر أيوب على بلواه
داليا تبجي .. مابي امي تتطلق مادري ليش .. و ياخوفي اعيش مع ابوي!!! انا خايفة امي تروح و اعيش مع ابوي!! شوق و اخوانها مع خالي زيد بس خالي زيد طيب انا ابوي يكرهني يكرهني لااااااء
.
.
جاسم: سمعيني زين يا بنية.. يا حماارة
انتي تسوين مشاكل بيني و بين امج
داليا انصدمت:..انا!!
جاسم: ايــــــــــه انتي السبب انتي السبــــــــــب
.
.

طيبة بحزم: داليا سمعيني.. اذا ما قطيتي شي على راسج (تحجبتي) ابوج بطلقني فاهمة؟ تبين تتسببين بطلاقي من ابوج ؟؟ تبين تطلعيني من بيتي؟؟
داليا بضياع: لاااااااااااااء مابي اكون السبب خلااااااص خلاااااص راح اتحجب
راح اتحـــــجـــــب
.
.
طيبة: تكلمين؟؟؟ تحبييييييييييين؟؟؟ يا قليلة الادب شقصرنا علييييييييج فيييييييييه ما تقولين ؟؟؟؟؟؟
داليا ببكاء هستيري: آآآآآآآآآآآه وعدتيني اكلم فهد لو بس ايميلات من فترة لي فترة الله يخلييييييج احتاجه يما احتااااااااجه
طيبة: جــــــــــــذااااااابة قليلة ادب ما وعدتج و ابجي ان شالله تموتين بجي انتي ياهل و اللي براسج بيصير بريولج و بربيج من يديد يا دلووووي حمدي ربج ما علمت ابوج والله اعلمه ترا والله
داليا: لااااا يماااا
و ألف آآآآآآآآآآآآآآآآآآآه
.
.
و آآآآآآآآآآآآه
و وايد أكثر 
و بهالاجواء.. على هالمنوال.. في منزل متواضع.. كبرت داليا



شوق: هههههههههههه يا معودة حمدي ربج ما عندج مرت ابو تغصبج تقولين لها (يمّا) عشان عيالها لا يتعقدون!!
داليا: الله يخليج لي.. اختي
شوق: و يخليج لي.. انتي مو اختي.. انتــــي آنـــــا!

.
.
ارتجف اسمها على شفايفي.. همست لما ذكرتها : شـ ـوق..

بنتين خوات تــــوأم ... مو بالدم .. لكن بالروح
بعــــ سنة 1995 ــيـد
كانت داليا و شوق قاعدين يلمون بعض و يبجون و يمهم الباربيات و الالعاب عالارض..
شوق: لودي والله احبج انتي اكثر من مشاري مهما صار انتي بنت عميمة طيبة و مشاري ولد يرانّـا..!!
داليا: و حتى انا.. اوعدج ان اذا مشاري خطبني اقول له على شرررط تتزوج شوشو وياي .. انتي بعد سوي نفس الشي >>> تبي تضمن لووووول
شوشو: اي اي يالله عاد لا تبجين هههههههههه
داليا: هههههههههههههه

داليا و شوق عاجبهم هالصبي و نسجوا عليه خيالاتهم الطفولية و سوو المسألة باتفاق ودي,, اهوا ولا يدري عن هوا دارهم ... بس مو اهو المهم
.
.
و بعده بعيد ... سنـــــ 2000 ــــة
شوق: هههههه.. يترااااوالج ان انا وياج بنتم دايما ربع! .. باجر ليمن نكبر و كل وحدة فينا تتزوج ماراح نزور بعض وايد نفس الحين ماراح نصير وايد ربع
;p
داليا اللي حز بخاطرها كلام شوق : معقدة ! شمعنى
شوق: يعني شوفي امي قبل لا تاخذ ابوي كانت رفيجة عمتي تهاني الروح بالروح,, و بعد ما ابوي طـــــــــــــــلــــــــــــق امي انقطعوا عن بعض... اصلا من ايام ما ابوي و امي متزوجين و مشاكل بينهم.. خلاص اقولج مو ربع ! الكبار حياتهم معقدة انتي صغيرة و ما تفهمين هالشي >> ياااااه يالكبيرة @@
داليا و اهيا تكابر الغصة : كيفج اذا كبرنا صيري معقدة !! بس انا مابي

الكــــــــــــــلام مو من قلب شوق .. شوق خسرت و فقدت حنان .. لو مهما دللها ابوها زيد هالريال الطيب.. فحنان الام اللي انحرمت منها ما يتعوض.. تبني هالحواجز عشان تحمي نفسها من خسارات ثانية
بس داليا عكسج ! فـــقـــد الحنان اللي عندها من نوع ثاني !
و بكل شي هالبنتين عكس بعض .. سبحان الله كأنهم يكملون بعض !! و تمر الايام و يكبرون مع بعض
في بيت يدهم عبدالله و امهم شريفة ربوا مع بعض ..شوق تعيش هناك مع زيد ابوها و اخوانها بدور و عبدالله .. قبل لا ياخذ مرته الثانية و يطلعون في بيت مستقل
و داليا تزووور بشكل يومي ليل نهار ..
وين شوق ؟ مع داليا
وين داليا ؟ مع شوق !
;>
.
.
في 2002
شوق: أأأأأأأذبحج لاااااااا ريمووو ولا لويييلووو لهم شغل بمكياجج و بدلتج بعرسج لوووووودي فاااهمة !!!
داليا ميتة ضحك و بلعااانة: ههههههههههههههههه مـ مــوووو بكيفج ريم و لولوة رفيجاتي خو ماكو غيرج مثلا؟! هههههههه
شوق بصدمة: !!! دااااااااااالياااااااااااا انا غيييييييييييييير
داليا: ههههههههههه انزين انزين يبااا فهمنا.. اللي يسمعج يقول الخطاب عند الباب!! ليما اصير عروس مالي غيرج,, و انتي بعد
شوق: حمارة! عبالي بعد
.
.
سنـــ 2003 ــــة
داليا تكلَم و تحب اول مرة
شوق تكلّم و تحب هم أول مرة
ينقدون على بعض و يتناجرون و كانت اكبر زعلة و اطول زعلة بينهم مدتها شهر ما يتحاجون... و بالعيد .. يتصالحون
شوق بعتب و من ورى دموعها: مـ مــا هقيتها يا داليا تخلين هالامور تفرق بينّا احنا اكبر من جذي
داليا بـــتــــنــــاقــــض حـــزم و حــــــــنـــــان: قلتلج هالولد ما يصلحلج .. ما هقيت تخلين ريّال يفرق بينّا
شوق: والله ما اخلي ريّال يفرق بينّا انا اختارج انتي و سيف بنساااه حتى لو اني احبه.. الله كريم
داليا: و انا احبج ! اكثر من فهد والله والله
شوق بألم : شلون تقولين ان ريال يفرق بينّا شلون !! انا كنت ادري ان بنتصالح لانج داليا و انا شوق
داليا: اوعدج عن نفسي ما اسمح حق ريّال يفرق بينا وعــــدي ما انساه يا شوق
شوق: و انا اوعدج .. ما يتدخل ريّال بينّا.. ولا نفترق .. ولا اي ريّال يفرقنا..
و كــــــــــــــانت مراهقة
كانت فترة مراهقة
.
.

صــــــــــــــداع براسها .. تعبت .. تعـــــــبـــــت

حركت داليا سيارتها من مواقف البناية رايحة بيتهم رغم انها تحس انها ماشية بدرب المجهول...
.
.
.

ممكن يكون هالبارت ثقيل و مشحون مضغوط لكن ما عليه انا متعمدة لاني بنهي المقدمة و الـ"فلاش باك" هني..

و بعد هذا راح نبدي بالفصل الأول

فااااااا يا ترى هل من متابعة ؟ p;​

الجزء الاول-
تذكر قبل عــــــام؟
.. بداية ســــ 2008 ــنة..
صرخة فـــــــــــزع و ألم لا ارادية انطلقت من أعماقها و اهيا تحس و تشـــــــوف بعينها اللي توه صار فيها
محد سمعها..
كانت بحمامها داخل دارها المنعزلة نوعا ما ,, تسمع ولا تعي صوت الماي يجري بغزارة من الدوش
بصمت من بين دقات قلبها الذاهلة كانت تراقب و تــــــــســــــــــتوعـــــــب الدم دمــــــــــهــــــــــا و اهوا يختلط في الماي
و تبدي.. تستوعب
صـــــــــــــــــرخـــــــــــــــــــت اراديا هالمرة و و لصقت ظهرها العاري بطوفة الحمام و اهيا لا تستشعر برودتها القاسية على جلدها ..كأنها تحتمي في هالطوفة من هول اللي صار و اللي ممكن يصير بعد هالحادثة
فــــــــقـــــــدت شـــــوق عذريـــــتـهـــا
بكت بمرارة بمراااااااارة و تزيد تزيد كل ما استوعبت اكثر
عقلها يشتغل بسرعة رهيبة بهاللحظة, يستوعب - مع كل لحظة تمر - اللي صار اكثر
و يألمهاااااااا احساسها كل ما تشبًّع عقلها من استيعاب للموقف واهي تستشعر بكل مافيها و لحظة بلحظة
صـــــــــــانت نفسها..
رغم حبها القديم لـ سيف و اللي لازال ياكل قلبها التعبان
شوق ما رضت حتى يشوفها من بعيد لي بعيد !
تشاء حكمة الحكيم سبحانه انها اهيا من بين كل البنات اللي حبوا تفقد أغــــــــلى ما تملكه البنت في حــادث تعيس خارج عن ارادتها
حركت عيونها و طاحت على اللي خذا عذريتها.. الحديدة المكشوفة في البانيو!!
آآآآآآآآآآآه ليتني و لـــــــــــــــــــيتنــي استعيلت على تصليحها ليتني
جان ما تلقفتني من تــحــــــــــــتـــي لما زلقت بهالماي
بس لو صلحت هالحديدة!!
يــــــــــا حسرتي !!!
!!!!!!
فجأة .. علت ملامح الجد وجهها ..استنكرت اللي صار شنوووو بهالسهولة تصير مو بنت بلحظة جذي معقولة !!! لاااااا هذا لا يعقل
فكرت : بتأكد !! انا بتأكد
و بكل يأس و بحركة قد يعتبرها البعض غبية
حيث انها و بالتأكـــــــــــــيـد تقضي على بقايا عذريتها ان بقيت
تاخذ شوق بطل ماي صحة تفرغه...و تدخله فيها
ببكاء مكتوم مرير تتأوه: آه
يطلع البطل منها مغطى بالدم
و شنو كانت تتوقع غير جذي ؟؟ اهيا اصلا تدري انها قاعدة تخوره بهالتصرف !!!!
بس نفسها كانت تاكلها انها تتصرف اياً كان التصرف!!!
حذفت البطل بقسوة بقــــــســــوة بعد ما تأكدت ان البطل محى آثار عذريتها اللي مزقتها الحديدة المكشوفة
و بكت بحرقة .. كانت عارية فوق نزيفها على ارض الحمام..
.
.
داليا: هالووووووووووووو
شوق: دالـ يـا
داليا: يسسسسسس يالقاطعة هههههههه
شوق و الجد بصوتها: اوكي باي ليما تشبعين هبال دقي
داليا: !!! شدعوة عليج
بعصبية و تهجم: انتي غبية !! بكل وقت تضحكين!! ما تحسييييييين قلبج ميت !! روحي جد جــــــــــد مالي خلقج عبالي كفو والله
داليا: شوووووووووووووق!! انتي شفيييييييييييييييج
انفجرت شوق باكية و قصت لها اللي صار من اسبوعين
تناثر الكلام مبعثر.. جمعته داليا من بين صدمتها و ذهولها حتى تكمل الصورة البشعة
و تفهم
داليا: من اسبوعين
شوق: اسبوعين
داليا: ولا تقولين حق احد؟! و الحين قاعدة تقولين لي!!
شوق: ما تتخيلين الخوف..انا ما انام

شوق كتومة .. كتــــومــــة .. و اذا قربت عالانفجار لجأت لبنت عمتها و توأمها داليا
فـــــقــــــط لا غير
مع الرفض القاطــــــــــــــع لأي تدخلات خارجية

بعد محاولات مكثفة في ظرف اسبوع قدرت داليا تقنع شوق تاخذها بالسر عيادة امراض نساء
شوق ما تبي احد يتدخل!!!
داليا بنت عشرين و قليلة خبرة!! إي شتسوي ؟؟ مو نوعها تعلم الكبار اذا أمنوها على سر

ادري مو تصرف حكيم..بس انا شايفة ان ماكو احد كبير يقدر يكلم شوق غير طبيبة
و الطبيبة تكون اقسمت على سر المهنة .. تكلم شوق عن علم و خبرة و دراية .. اكيد مارة عليها مثل هالسالفة مليون ! ممكن تقنعها بحل او عالاقل تقنعها بتدخل الاهل
و خذيت شوق و رحنا
و مرت علي الدقايق دهر و انا انطر شوق برة غرفة الفحص
سألت رفيجاتي منو احسن طبيبة امراض نسا و ولادة و خليتهم يسئلونلي و بالاخير دلوني عليها
بس يوم رحنا هناك لقيناها مو مداومة !! و بمكانها طبيبة ثانية.. دكتورة هالة
ترددت اخلي شوق تدش ولا لاء؟ بس انا اضمن هالعنيدة ترضى تيي مرة ثانية؟!! مستحيل
توكلنا على الله
آآآآآآآه يا طول الانتظار
يا صبر أيوب
و تهلل وجهي يوم طلعت شوق.. تبادلت الارقام مع الدكتورة
الدكتورة: زي ما وعدتك يا حبيبتي.. حبئى أطمنك بكرة المسا ان شاء الله
شوق: دكتورة انا مو عارفة شلون اشكرج
الدكتورة: لأه يا حبيبتي حتزعليني منك واللهِ دي مهنتي و ده واجبي

و طول ما البنتين ماشين و طالعين من العيادة حتى وصولهم للسيارة كانت شوق كلها نظرات حذر و شك و ريبة و احساس بأن الناس كلهم يدرون كلهم يعرفون ليش اهيا هني
شدت داليا على ايدها برفق, طالعتها شوق .. و بادلتها الابتسام بانكسار

اتفقنا نكون اثنين ..
آنا الرمش و انت العين ..
إذا ما فرقنا القدر .. ما تفرقنا البشر

مادري.. آه من القدر ؟ ولا آه من البشر !
ولا الاثنين؟
الاثنين..

...

و بأجواء ثانية
مــــــــخــــــــتــــلفة بما تحمله كلمة اختلاف من معنى
رغم شبه واحد بس..
انهم ايضا اثنين اصحاب و اخوان دنيا.. و يجمع بينهم رابط الدم كذلك
علي و ضـــــــــاري

علي: يا اخي والله سياقتك برود بروووود
ضاري: الشارع يقول 80 .. نمشي 80 !!
علي: يبا والله انسطلت و الشــــمــــس ما ترحم , صارلنا جم يوم بالبحر نحدق يرحم امك اسرع شوي بنااااااام
ضاري: الـــلــــــــه!! الحـــــــيـــــــــن إنت يالميدة تقول هالحجي ! ولك شخليت لغيرك هع هع
علي: خير خير يبا اللي يحدق وياك ياكل تبن قايلك مريض لا تهوس علي لا تمددهاااا
ضاري: سلم قلبه سلامتس
علي: مداوم بااجر؟
ضاري: إجااازة يا حبيبي
علي: بتتفرغ حق شيسمونه
تغيرت ملامحه للاقتضاب..ضاري حذف زقارته من الدريشة
علي: اي مالقيت اللي تريحك.. عادي يا اخي نادية تعين و تعاون,, شدعوة على كبريائك اللي ما يسمحلك تسمح حق نادية تلقالك صاحبة .. اهيا عارفة المزاااج
ضاري: انطم لا من الدريشة و الله.. انا ما قلت جذي ! اهيا قالت مو عاجبني حالك و بلقالك اللي تسرك... جانها بتلقى ما عندي مانع و ان مالقت طقاق يطقها و يطقك ماني عيزان عن روحي ولاني طايح بجبد نفسي ولاني سائلها لقيتي ما لقيتي و من صج جب لا ترد على كلامي لا صج من الدريشة تلحق زقارتي
علي: بل بل بل
ضاري: اييييييييه والله!
علي: ...
ضاري: ههههههه ياخي دبر عمرك بالاوووووول
علي: ايـــــــــــه الله كريم !
ضاري: جب كل خـ.. شتبي بعد! متزوج و مرتاح انا ما عندي حتى احد يسويلي لقمة يوم اكل يوم لاء
علي: والله شكلي بطلقها والله
ضاري: الطلقة الثــــــانية
علي: دفعة مردي
ضاري: كفو عليك بو لطّووف

ضاري و علي ماهم شباب مراهقين..
يومها كان علي 32 سنة.. متزوج أمل من العايلة,, خذاها و اهيا بعدها بنت ثانوية
واهوا مراهق ما كمل الـ20 سنة ..
كانوا يعشقون بعض في بداية زواجهم
كانوا احلى زوجين صغار لين ما بدوا الاهل يتدخلون بينهم
يتدخلوووووون امهاتهم!! هذا و اهم اهل!
أمل يــــات على نفسها ألف مرة لين قدرت تكسب خالتها ام ريلها و شوي شوي صارت بحسبة بنتها مو مجرد جنتها
أمل ذكية , بس عنيدة
أما علي كان يتبع سياسة الصد.. كان يصد و يصد عن المشاكل و الحنة و يعرف على مرته بنات و ينسى عندهم لكن الحنة تطحن تطحن فوق راسه و ام امل تشب الشر و تفتح عين بنتها على علاقات ريلها و يزيد التدخل اللي يؤدي بـ علي للانفجار اللي نتيجته تجريح و تهشيم لعلاقتهم اكثر و اكثر او تهور لا تحمد عقباه وصل مرة الى الطلاق
لوما غضب ابو علي و ابو امل جان ما ردوا
بنتهم لطيفة فاهمة كل شي .. لطيفة مو صغيرة .. لطيفة بنت 11
علي صــــــــــــــــاد عنها و عن امها مل من المشاكل.. يبي حب ينسيه.. رومانسي بزيادة .. كان رومانسي مع امل لحد ما كرهها ..
تعبان .. و شخصيته ضعيفه.. واضح تعطشه لحنان انثى..
عشان جذي اغلب البنات ما ينجذبونله و يبقون علاقتهم فيه مجرد صداقة.. و اهوا ميت يجذبله وحدة أي وحــــــــــــــــدة
عكس ضاري 
ضاري شخصية معقدة يصعب وصفها
كثر ما يصعب التعامل معاها
ســـــــاحــــر شخصيته فيها سحر توحي فيه و نابع من التضاد المتأصل فيه
سكّير عالمزاج لكن حاضر البديهة و سريعها.. لي درجة الذكاء الحاد
ما يصلي, لكنه يصوم!!
راعي حفلاااات لكنه يختار منها الارقى لانه يشوف نفسه راقي و فوق الكل
مراوغ مناور و خادع بدون ما يقول في حديثه جذبة وحدة... انما يخلق جو كاذب وهمي (نفاق)
مغروووووور بنفسه حتى و اهو رخيص!
كلامه موزون مدروس موضوع منطقي تحليلي و ان كان في ما لا يقبله المنطق!
حـــضـــوره .. طـــــاغي .. طاغي طـــــــــــــاغــــي و ان كان ظالم
تحتار.. هل في بقلبه حنان؟ انت بالفعل تسأل!! في بقلبه حنان؟؟ مرات يتهيألك حنانه .. رغم انك ألــــــــــف مرة تشوف جبروته
آنا ما اقدر اقول عنه اكثر من جذي..
بستشهد بكلمة قالها عن نفسه:
آنا الريّال اللي أمج دايما تحذرج منه!

حبّوه ألف و بيحبونه بعد ألفين.. كثر ما يكبر بالعمر كثر ما تزيد جاذبيته
و اهو ضابط بالجيش يومها كان 33 سنة, مطلق و عنده ولد (حمد) ثلاث سنوات.. أهو نقطة ضعفه و مصب حنانه الصادق..محروم منه بأمر المحكمة.. اللهم الا 4 ساعات في الاسبوع..

ذيج الايام ضاري يدورله صاحبة يديدة .. مل من الاشكال الي مرت عليه مؤخرا كلهم جلاب كلهم وصخات
وده بشي غــــــــيـــــــــــر يشيل عنه الكآبة و يردله الـــــــــــروح .. بس شنو و اهو اللي جرب كل الانواع! اهو نفسه ليلحين ما يدري شنو البلسم المنشوود

نادية هذي صديقة على شاكلته لاحظته وحيد بسهرتهم ذاك اليوم,, و وعدته باللي يسره
بس ماهو متحمس.. عارف شنو الاشكال اللي بتيي من تحت ايدها .. لا جديد!! نفس النمونة..
.
.

​

بيومها و حزتها كانت داليا عند رزان, بنت وياها بالقروب في مادة ماخذتها بالجامعة,, كانوا متيمعين و يحضرون شغلهم مع بعض
بس داليا ما كانت مركزة و ماخذة سالفة شوق حجة تمنعها عن التركيز..
الدكتورة هالة قالت لـ شوق انها غلطت شلون سكتت على نفسها فترة طويلة, لان الجرح الداخلي - اللي سببته الحديدة المكشوفة في البانيو - خلال هالفترة احتمال كبير يكون اندمل!
و هالجرح اهو الدليل الوحيد على ان شوق تعرضت لحادث مو...
كان المفروض تراجع ابجر عشان تثبت هالشي بتقارير طبية
لكن بكل الاحوال طلبت الدكتورة منها تراجع الطب الشرعي
و شوق حلفت يمين انها ما تراجع الطب الشرعي لان السالفة فيها حضور ولي امر,, و خلاص سلمت بيأس ان الجرح التأم
اهي وسواسية و منعزلة و حــــــــزينة و فاقدة الامل بالذات بعد ما تخلت عنها الطبيبة اللي اكدت لها انها صدقت عفتها و بتكون يمها.. ما دقت على شوق ولا ردت على اتصالها!!
و قالتلها داليا خنروح لها العيادة و شوق رفضت لانها حاسة برفض الدكتورة لها

شوق بهدوء: أعذرها.. راجعت نفسها او زوجها.. و شافت ان من مصلحتها و اهي وافدة ما تدخل نفسها بمسائل معقدة و طب شرعي
داليا بحماس و انزعاج: حقيرة!!! يبا اذا ما ترد عليج هذي اكو غيرها و احنا بالاساس ما كنا رايحين لها و بنروح للي كنا نبيها ما خسرنا شي
شوق باصرار قاطع: خــــلاص


داليا مو قادرة تشتغل مع رزان, و تحس بحمل هالسر اللي ممكن تكون غلطانة انها تحتفظ فيه و تبي تطلع من رزان بأسرع وقت عشان تروح تقنع شوق عالاقــــل تدخّل بدور اختها الكبيرة بالموضوع
الطبيبة هالة وضحت لـ شوق ان الموضوع مو هيّن, فوق ما شوق اساسا كانت مستكبرته...آه منها الكلبة شلون تنسحب جذي!!
شوق بروحها ما تثق بأحد و هذي اكبر طعنة تتوجه لها

قطعت قلبي و انا اسمعها تبجي بحرارة تقول لــــــيـــت امي عايشة معاي مثل باجي البنات انا ضــــايعة ضــــــايــــعـــــة

آه يا شوق ما تضيعين و انا اختج!! والله ما تضيعين و انا اختج!!
قلبي عليج و يعورني

رزان: ههههههه يبا خلاص بلاها شغل حتى انا طقت جبدي ههههههههههه
داليا: زييييييييين ما بغيتي,, خلأقوم انا من رخصتج
رزان: لا وين عيييييب تو ما نور بيتنا اول مرة تزورينا خلج  ترا انا اعرف اسولف و اونسج و اقلبها قعدة طرب مو نشب هيهيهييي
داليا: يا بعد قلبي والله اليايات اكثر ان شالله بس صج لازم امشي وراي لووووووية
رزان: انزين لودي انحاشي انحاشي يمه منج
داليا: شدعوووووووووة
و شلت اغراضي و مشيت معاها توصلني
.
.
علي: ما بغينا نوصل يبا.. ودي اقول حياك بس ادري انت هلكان تبي شقتك تبي تتسبح و تخمد مثلي ! سو باي باي آند جااااو
ضاري: لا حبيبي قول حياك آند ولكم لاني بنزل اسلم على خالتي صارلي دهر ما شفتها
علي: اووووو يبا لزقة عنزروت يا اخي فارج بنّام بنـــّــام الواااااالدة و الوالد هجواا من البيت ماكو الا امل و لطّوف و رزااان
ضاري: لزقة شنو يا روح امك؟ يلا ول نامت عليك طوفة شابع من ويهك الودر و هـــــــم بنزل عشان خااااااطرك أسلم على بنت خالتي رزان @@ اخلص نادلي امك و انت طس لا ترز فيسك يالله
علي: بــــــــل والله بل
و ينزلون,,
يقعد ضاري تحت بالصالون و يروح علي فوق ينادي امه

ضاري طقت جبده.. ما يسويها عليوي ينساني و يخمد!.. يسويها؟
إففففففففففففف

***********************************************

<; ? Guess What​

مرحبـــــــــا صبايا


كان هذا آخر بارت نزلته لي هاللحظة

و ان شالله بكمل لكم حسب تفاعلكم كما ذكرت آنفا >> حلوة آنفا لول

يالله على خير ألقاكم

يعطيج العافية كملى القصة ناطرينج يا الغلا