السلام عليكم ورحمة الله وبركاته انا حبيت اسوي هالموضوع ونتعاون فيه ونكتب فيه كل زيت استعملتيه على شعرج ابيج تكتبين اسمه والمده اللي استعملتيه فيها وشنو نتايجه واللي بتحط لنا صورته زيادة الخير خيرين بالاخير نبي نفيد ونستفيد ملاحظة : الموضوع لزيوت وخلطات انتي تسوينها بيدج مو شاريتها من وحده :teeth_smile: وانا بقولكم عن الزيوت اللي استعملها من تقريبا 4 سنين والحمدلله ماشيه مع شعري وهي عباره عن زيت الخروع << نص العلبه لان سمعت ان كثرته يضر الشعر زيت الجرجير <<كله زيت السمسم <<كله الحل<<اللي لونه بنفسجي للامانه هذول استعملهم يوم بيومين يعني اليوم احطهم انطر يومين ما احط اليوم الثالث احط اقل شي اقعد فيه 6 ساعات .. ونتايجه مايحتاااج رووعه بمعني الكلمه طول وكثافه ويطري الشعره ما اطولها عليكم انا كتبت تجربتي وياليتكم تكتبون تجاربكم والله يخليها في ميزان حسناتكم اللهم امين
يسعدني اكون اول من يشارك في هالموضوع اللي ان شالله يعود بالفايده للكل ويعطيج العافيه يا قلبي لطرحج القيم 00 واناعن نفسي الخلطه اللي مستحيل اهدها "الحنه" واهي مفيده سبحان الله للشعر والخلطه عباره عن (حنه المقدار اللي يكفي شعرج+ ملعقه صغيره حبه البركه مطحون +ملعقه كبيره زيت زيتون )
الشرف لي اختي همسة امل ونورتي موضووعي وشي اكيد الحنه مفيده وكان الرسول عليه الصلاة والسلام يستعملها وشاكرتلج ....
تسلمين على الموضوع الرائع فعلا ذوق حبيبتي وانا عن نفسي مااقدر استغنى عن زيت املا استخدمه من زمان وماشالله مره حلو وشكرا
انا والله استخدم الخلطه العجيبه وااااااايد تغير شعري عليها الحمدالله مشكوره على هالمشاركه الحلوه حلو التواصل مع بعض
حبيبتي .. أنا استخدمت الصبار الطبيعي عجييييييب يطول و يكثف و ينعم الشعر وايد حلو و في الزيوت السبعة في أحسن أنواع الزيوت يهبل و تلاقينه عند العطار و زيت براشوت جوز الهند حلو و ريحته حلوة بعد و ينعم حيييل و في منه كريم حق بعد الاستحمام و ما يدهن الشعر بالعكس يعطيه لمعة حلوة
مشكوووورين حبايبي ويعطيكم الله العافيه كيكه الخلطه السحريه من الحواج ؟؟ سويت غيرل اي الصبار حلو للشعر وانا سمعت المغربيات اللي قبل يتسبحون فيه يكثر الشعر ويعطيه لمعه ...
مـــــــــشكورة حبيبتي على الموضوع اللي اكثـــــــــر من رائع الصرااحة انا استخدم الخلطة العجيبة تو بديت فيها الصرااحة وحده لقيتها بالعطار قالتلي عنها وتمدحها حيييل وهم استخدم بالاسبوع مرة وحده دابر املا اما الشامبو فأستخدم شامبو ميتال
أنا أستخدم الخلطه السحريه من العطار وأضيف لها زيت الخروع الصغير صراحه حلوه نعومه ولمعان واستخدم حنه جويريه عباره عن ماسك حنه مخلوطه مع أعشاب وزيوت ومعجونه بماي زمزم صراحه روعه ووقفت عندي التساقط بشكل رهيب
عن نفسي استخدم هذا الوصفه حنه +2 بيض+شوي من زيت املا في الاسبوع استخدمه مرتين بعنف والشده استخدم زين املا الذهبي...+موظبه على جلسات الشعر في الصالون اتوقع تحط في الخلطه حلبه لا ريحتي مأساه...الحمد الله شعري في طراوه بس مشكله حده في الطول حتى نص الظهر ...الحلم العربي يطول ما اعرف ليش يمكن زعلان
ضيفي على خلطتج زيت الخروع ترى يطول الشعر بشكل رهيب وترى البيض مايمدحونه يقولون فيه مواد ضاره ماتروح إلا بالحراره قصدهم بعد ماتطبخينه
