كل الشكر لك دكنور لكن أمي طولها 170 ووزنها 120فتقدر تسويها لأن الوزن الزايد بدا يتفخ القدم وصعوبة بالمشي وشكرا
السلام عليكم ورحمة الله وبركاته احب اشكر الادارة على استضافتك بالمنتدى نورتنا بوجودك واشكرك يا دكتور على جهودك الثمينه ابي أسألك دكتور اختي عمرها 14 سنة وطولها تقريبا 156 ووزنها 149 ولو تشوفها شكلها موطبيعي مسكينه الله يعينها .. بس اهيه تعاني من انيميا بالدم وخمول هل يصير تسوي عمليه تدبيس او شفط دهون او شي ثاني لأن عمرها صغير فما ادري يسمح لها او لا وحييييل تعبانه نفسيا وغصب تمشي تتعب بسرعه ما تتقبل اي ريجيم ماتقدر وديناها التغذيه كذا مره لكن ماكو فايده اذا ماكلت ايدينها ترجف !!! شنو الحل برايك دكتور ارجو المساعده..
حالة اختك من الواضح انها تحتاج عملية ( تدبيس معدة انسب خيار لها ) لكن تتطلب وقت كثير لافهامها العملية ومتطلباتها وجهد مننا ومنكم لضمان نجاحنا في انهاء معانتها ومنع المعاناة من التفاقم سوي لها موعد عندنا ويبي الله يسهل عليها انشالله
حيام الله اختنا العزيزة مشكوره علي اطرائك بس هذا من واجبنا تجاه من يحتاج المنفعه من العلم والخبرة . بالنسبة لعملية التكميم ارجعي الي مقالاتنا في هذا المنتدي فيه بعض الشرح - سنقوم بتفصيل شرح العملية اكثر عند لقاءنا بالعيادة انشالله . بالنسبة لمستشفي العرف فقد اسسنا وحده متكاملة تهتم بالسمنة من جميع النواحي تحت سقف واحد ومن خلال كفاءات تم اختيارها بعناية . الوحدة تتكون من عيادة للتغذية وعيادة لجراحة السمنة وعيادة للتجميل والليزر لتكون وحدة متكاملة تتعامل مع جميع احتياجات السمنة من وزن زائد وسمنة الي سمنة مفرطة ومن سمنة عامة الي تجمع دهون بمنطقة معينة كلها تحت اشرافنا وسوف تبدأ رسميا بالاول من يونيو انشاللله بالنسبة للاسعار فنتحاشي الكلام عنها عالمنتدي العام وماتشوفين شر انشالله
السلاااااااااااام عليكم دكتور حابة اسالك انا وزني 77 وطولي 157وصارلي 4 شهور كل ماجيت اسوي رجيم بدال ما اضعف امتن مع ان كان وزني 65 وكلمالي وازيد لين وصلت 77 وخايفة امتن اكثر وانا من النوع اذا سمنت تعبت وودي اسوي شي ما احاتي السمنة بعدة ابي نصيحتك دكتور هل اقدر اسوي العملية واذا سويتها عادي احمل ولا لا مع العلم اني اولد طبيعي وعمري 37 وعندي 3 اولاد وابي اعرف انت عندك عيادة وابي اسمها وعنوانها وابي اعرف سعر العملية اذا احتاج لها لاني مليت الرجيمات وصايرة ازيد كل يوم وحيل خايفة من الزيادة هذي وجزاك الله خير ابي شي امن ومالة مضاعفات لاني ام الخوف 000وشكرا
كتلة جسمك صغيره (31) عالعمليات ممكن نركب لك بالون معده كامر مؤقت ومساعد لانزال الوزن - طبعا البالون له سلبيات وايجابيات ونحتاج نناقشها لما نشوفك العيادة راح تكون بمستشفي العرف بالجهراء راح نبدي الاول من يونيو انشالله
السلام عليكم دكتور وزني بزيادة قبل اسبوعين كان95 والحين زاد98 مع العلم اني اسوي رياضة وتخفيف وماينزل يزيد اكثر وطولي 165 والحين انا نفسيا تعبانة واول راسلتك وقلتلي ان التكميم ماتناسبني طيب شنو الحل؟
دكتور ارجو الرد علي وزني 116 وطولي 155 متزوجه ووعندي تاخر بالحمل من زيادة الوزن وحاولت بكل الطرق انزل وزني لكن ماينزل بطيء واحس اني كرهت الدنيا بكبرها وامكانياتي ما تسمح لي ابد اسوي عمليات رحت عند كذا دكتور تغذيه ولكن لا حياة لمن تنادي انزل5 اصعد 12 ليمه وصلت ل116 الله يكون بالعون شنو تنصحني دكتور اسوي في مجال احد يساعدني بالمستشفيات الحكوميه ؟؟؟؟؟؟؟؟؟؟؟؟؟
السلام عليكم دكتور انا من السعوديه بس حبيت اسألك اي افضل عمليه واكثر امان تكميم او بالون او اي شئ ثاني للمعده ودي اسويها وخايفه وينفع بعدها احمل والا انتظر سنه وهل تعرف دكتور ممتاز في الرياض او يعني سمعت عنه جزاك الله خير
لو سمحت دكتور عندي استفساااار ... السلام عليكم ... شلونك دكتورنا العزيز اولا :rose: شاكره لك تواجد الاكثر من رائع معنا بالمنتدى وتعبك للرد على اسألتنا ... وان شاء الله يكون بميزان حسناتك يارب .... واشكر الادارة ايضا بمجهودها الجميل ... :rose: لو سمحت دكتور عندي استفساااار ... أنا عمري 29 ووزني متغير مابين( 115- 105 ) يعني بينهم بالضبط دايما وهذا وزني من لما كنت 14 سنه يعني من الصغر وحاليا وزني 108 وطولي 169 وللعلم أنا متزوجة من 10 سنوات وعندي بنوته وحدة الله يخليها و عسى الله يرزقني لها اخوان وخوات ...يارب أعاااني من تاخر حمل بسبب السمنه وعندي الالام بالمفاصل والظهررررر بكثرة من8 سنوات لما ولدة بنتي بقيصرية وبعدها بشهرين سويت عملية المرارة وشلتها ومن سنتين او اكثر جاني ارتفاع ضغط وشقيقة وخذيت كورسات علاج والحمد لله خف الصدااع حيل ... سؤالي هل احتاج لعملية ؟ لان نفسيتي تعباااانه علما اني حاولت بالرجيم مرات عدة وما كان ينزل وزني اقل من ال100 ويرجع يزيد واذا ان شاءلله لسويت عملية جم يصير وزني وانا من سكان الجهراء ...... >> يعني اقدر اخذ موعد من المستشفى وشلون الطريقه ....او من المستوصف أو أي عيادة ؟؟ و سؤااالي الأهم هل تكلف العملية والا..عالحكومه...؟ لان ظروفي شوي صعبة الحمدللة.... منتظرة ردك .... جزااااك الله ألف خير... وكثر الله من امثالك... سامحوني ادري طولت عليكم.... تحيااااتي
تحتاجين عملية بالحكومه بس تدفعين ثمن الدباسات بالنسبة لي شخصيا - انا اضطريت اوقف عملياتي للسمنة بالحكومه للاسف , وذلك لضغط الحالات والزحمه
مساء الخير دكتور ... انا اختكم من السعودية ... حبيت اسأل عن افضل طريقة لي لنزول الوزن السريع .... طبعا انا وزني سابقا 80 كيلو وطولي 165 سم سويت عملية شفط دهون للكرش وسويت رجيم ونزلت 5 كيلو وبعدين حملت وولدت بقيصرية وصار وزني بعد ست شهور من الولادة 109 كيلو مع العلم اني خلال الاربعين كان وزني 94 كيلو .... ارجو من دكتور ابراهيم الرد علي لأن نفسيتي زفت والزوج الله يهدي ينق علي زاد وزنك ... زاد وزنك ... والله اني وزعت ملابسي الجديدة على خواتي .... ومنقهرة كثير من شكلي .... الله يخليك رد علي بسرعة .... تحياتي ....
شكرا على الرد دكتور ..... بس لو سمحت .... وين تسويهاااا الحين .... ؟؟ وجم التكلفه ...؟؟ وشكرا مرة ثانية... تحياتي ...
