مرحبا بنات أشوف ماشالله بنات وحريم اجسامهم تللللللللللمع ونااااااااااااعمه لااله الالله جربت كذا كريم ومرطب ما اصير نفسم او بمعنى مايطول الترطيب معاي وكل اللي جربتهم ما يعطوني اللمعه اللي اشوفها بالحريم اذا عندكم فكره عن احسن مرطب ويعطي لمعه بس مو زري بنفس الوقت لا تبخلون علي شاكرتلكم
هلا اختى انا استخدم مرطب وايد حلو طبعا من بعد تجارب الصراحه ما خليت مرطب ما استخدمته بس طحت على مرطب ناسبنى وعيبنى ما ادرى اذا عنكم ولا لا اكيد فى من الكرفور دايما اخذه او من الجمعيات هو اسمه EssENtiAL_MUSK وعلى فكره احسه ان يبيض حتى سعره رخيص واتحصلينه صوب كريمات الترطيب ومرسوم تحت دائرتين على بعض وحده عليها سهم والثانيه شكل زايد
أنا أستخدم لوشن فيتامين سي البرتقالي تحصلينه عند العطار سعره أعتقد من دينارين ونص أو 3 دنانير والثاني مرطب المجدد للكولاجين من ماركة ستيفز تحصلينه بالجمعيه وسعره رخيص أعتقد بحدود الدينارين هالحدود إثنينهم حلوين بصراحه أنا أخلطهم مع بعض وأدهن جسمي يسوون لمعه
مشكورين حبايبي على هالمعلومات بالنسبه لكريم المسك جربته ماناسبني خفيف حيل اما فيتامين س بجربه انشالله
انا استخدام كريم الفطر الريشي مصنوع من الفطر وهويوجد بصيدليه خاصه بمنتجات الفطر الريشي اذاتبين العنوان انا حاظره
كيييييييييييكه تبين نصيحة اختج بلا مرطب بلا نيله كل يوم انا اتسبح و ادهن جسمي في بيبي أويل مال اليهال اللي مغطته برتقاليه تلقييينه بكل الجمعيات صاير جل والله لو اقوولج عجيب شوية كل يوم احط حتى ريلي يقوولي حلاتها مرتي ناعمة جنها بيبي و رفييجاتي بعد يعطي لمعه مو طبيعيه ونعوومة و يلين الجسم والله انا احط بليل قبل لا انام او لما اقعد الصبح والله ريحته عجيبه حق قبل النوم تنامين بسرعه يهدي الاعصاب و الصبح ينعنشج حق الدوام والله رفييجاتي شككوني بنفسي قاعدين يلمسون ايدي يقولون وناسة انا انصحج فييييييه
:wink_smile: حبيبتي .. كلام البنات صح يعطيهم العافية بيبي أويل عجيييييب و الله أنا كنت أشتريه حق بنوتي و أستخدمه أكثر منها و ألحين صرت أشتري لي و لها و صرت ما أستغني عنه بعد الشاور أو قبل النوم موفقين جميعا
هلا حبوبه شوفي أول شي و ضروري لالالالالالالالالالالالازم تتفركين عدل لأنه الجلد الميت اهوه السبب في بهتان لون البشره و جفافها فعشان جذي لو شنو تحطين ماراح ايب مفعول و اذا ياب بيكون مفعول بسيط بعدها و انتي بالشور لاخلصتي بس قبلا لاتطلعين دهني جسمج بجل البيبي أويل مال جونسون للأطفال أخذي بعبير الزهور أو البابونج و دشي تحت الشور مره ثانيه و كتي على جسمج الماي و طلعي و تنشفي عاااااادي بعدها أخذي لوشن فازلين بزبدة الكاوكاو و تدهني و شوفي بشرتج شلون بتكون و اللمعة اللي بتصير معاج تحسين انه يلدج صار ناااااااااااعم و اللمعه اللي فيه صحيه
مشكوووووووووووووووورين حبايبي بس والله كل اللي قلتوه جربته والله ماكو فايده اول ما احط البيبي جونسون شحلات جسمي وعقبها ماشني حاطه شي ويدبق على الملابس
حبيبتي يمكن فيج جفاف بجسمج كثري من شرب الماي أقل شي شربي 6 - 8 قلاصات باليوم وان شاء الله راح تشوفين النتيجه اللي ترضيج
أول شي لازم التغذية الصحيحة ( شربي من 6 إلى 8 اكواب ماي باليوم ) علشان البشرة تترطب من الداخل و اكلي باليوم طبق أو طبقين سلطة هذا بالاضافة غلى الفواكه حبتين أو 3 حبات باليوم و الكريمات اللي جربتهم و صج مفعولهم ممتاز عندج : - كريم نيفيا المرطب بالككاو - كريم 21 البرتقالي الطويل مو الدائري حتى ريحته حلوووة - كريم جرجنز وااايد ممتاز
