شرايكم نبدي برنامج رجيم بسنا من المعجنات والحلويات والمجابيس لازم نصك حلوجنا شوي:mskket: انا عن نفسي بديت من هالاسبوع انا ورفيجتي وبنتحدى بعض من تنزل اكثر شرايكم تشاركونا التحدي :wink_smile:
اهلين اختي ياليت اقدر ادش التحدي معاكم بس انا مسويه دايت معين عموما ياااااارب توصلين للوزن المطلوب انتي وخويتك تحياااااااااااااااااااتي
والله انا صار لي 3شهور ماشية على نظام معين ومرتاحة عليه وهو اكل المشويات والاجبان قليلة الدسم بكمية قليلة وآكل خبز شعيييير ما يمتن ولا شي بالعكس يشبعج بسرعة وبنفس الوقت يهضم ويخليج تنزلين بس كل شي بالارادة يعني ب3 شهور كان وزني 80 وصار الحييين 66 واااااااو وناسة والفال لكم انشالله وبكمل لين اوصل 60 انشالله
تحياتي لاميره حالمه وبالتوفيق ان شالله كويتيه حبابه مشاءلله تبارك الله وعقبال ماتوصلين اللي تبينه بصراحه يوم شفت ردك تحمست على الرجيم اكثر وحبيت اشكرك من جد حمستيني
والله ودي اشارك شنو البرنامج بس انا والدة قيصرية صارلي 11شهر وقلت يمكن اشترك كنترول كالوري اورجيم سنتر
اتمنى توصلون للي تبونه واكثر رشاقه بس يبي منكم اراده قويه..انا وحده لي وقت نظمت اكلي الصبح اشرب نسكافيه طبعا بدون سكر..والريوق جبن خالي الدسم مع خيار فقط..الضحى من احس بجوع اكل خياره او تفاحه..الغداء:سلطه اي نوع مع مشوي او شوربه خضار..العصر شاي بدون سكر وحبتين بسكوت العشاء:بيضتين وطماط او سلطة خيار روب....المهم امتنعي من الخبز والحليب والسكر وشوفي الرشاقه انا نزلت جم كيلو على هالنظام وبس
